يابنات انا سمعت حرمه تقول انه فيه مصاصات رضاعه شكلها زي حلمة الصدر فعلى كلامها انها ترضع عيالها طبيعي وصناعي ومايفرقو عيالها ياخذو الاثنين علشان المصاصه نفس شكل حلمة الصدر وانا شفتها في الصيدليه فقلت انا حلو اذا كان كذا

مشكورين على تجاربكم

السلام عليكم
انا رضعت عيالي رضاعة كاملة لمدة سنة ونص والسر في الاصرار...؟؟
الطفل يفضل الرضعه الصناعيه لانها اسهل .. لازم تمنعين عنه الصناعي مره.. من اولدهم مااعطيهم لو يموتون من البكي.واللهم لك الحمد يتعودون على صدري.. الا بنتي الثالثة صار لي ظروف وماقدرت..والحين صحتها مو مثلهم. بسرعه تمرض وفيها ربو وعانيت منها لما كانت صغيره من النزلات المعويه والامراض..يالله الحمدلله انها كبرت

يابنات... الرضاعة الطبيعية نعمه من الله وكنز مايقدره الا اللي يجربه..الله يقدرني وارضع الجايز

وبالنسبة للي يزيد الحليب.. حسب تجربتي انا.. الاكل الدسم مثل الرز واللحم.. الفيمتو!!! الشاي والبصل الاخضر بالاضافة لحلاوة الطحينة.
لما اكل هالاشياء يمتلي صدري حليب واللي يوقف الحليب ويقطعه هو المرمية وبعض ادوية الحساسية.

والعلاج الناجح لتشققات الثدي عن تجربة بالذات لما تطلع لهم اسنان هو كريم ميبو لان الطفل حتى لو مصه مايضره

اسفه على الاطاله بس حبيت افيدكم من تجربتي.

مشكورة ضيم

الساجدة لربها

مشكورة على المعلومة بس ما اتصور ان شكل الحلمة يأثر لان الطفل يميل للصناعي لانه سهل علطول ينزل له الحليب بدون توقف اما الرضاعة الطبيعية لازم يمص كثير و ساعات ينقطع عنه الحليب و لازم يضل يمص مدة طويلة علشان يطلع له غيره ... يعني هو يبي السهل لان الرضاعة الطبيعية تجهد الطفل ...بس حبيت افيدكم علشان ما تفتحوا باب للطفل انه يتعود للصناعي وانتوا ماتدرو وين الغلط

بل الصدى جزاكي الله الف خير على هذه النصائح .... ماقصرتي ياختي


اسعد امرأة جزاكي الله الف خيرا على ردك
انا بحثت ولقيت اسمها nursing pillow
و اتصلت بالصيدليات الكبيرة تنباع عندهم بس غااالية 200 درهم مع ان اللي بالصورة 49 ريال سعود ...
قلت بجرب ببحث عنها ببي شوب او مذركير لو مالقيتها بصبر ليما اولد و بشوف كيف الرضاعة ماشية عندي لو حسيت بالفعل احتاجها راح اشتريها ..لاني خايفة اشتريها من الحين و بالنهاية ما استخدمها
للعلم لقيت انواع و تشكيلات كثيرة بموقع امازون سوي بحث nursing pillow وراح تلاقي اشياء حلوة
وشكرا لك لانك دليتيني عليها :)