مشكوووووووووووووووورين

اب

اهلين سعودة كيفك ياقلبي والله لكم وحشة

شوفي راح اكتبلك تجربتي وزي منتى عارفة هذا اوزل طفل ليا عبادي الله يحفظه

من يوم ولدته وانا ارضعه طبيعي الحمدلله طبعا اول تلاتة اربعه ايام تقيل الحليب ماتحسي فيه بس انه يشبع

وبعد كده استمريت ارضعه الين اسبوعين وبعدها اضطريت اسوي عمليه وصارو الممرضات يرضعوا صناعي ولمدة تلاتة ايام الين يندر التخدير من جسمي كامل

وفي دي الفترة وبالرغم من شدة الم العملية وعشان ماينشف صدري من الحليب .. صرت اشفط الحليب من صدري كل ساعتين

وطبعا زي ماانتو عارفين كل مازاد المص او الشفط زاد الحليب

والحمدلله بفضل ربنا رجع عبادي يرضع تاني من صدري .. وماتعبني بالعكس .. تعب الممرضات صارو يقولولي انه مارضي يرضع

الصناعي وبلغوني انه وزنه نزل بسبب رفضوا الحليب الصناعي وبس كان يبكي ..

طيب الحمدلله طلعنا من المستشفى وكل شي كان تمام والحمدلله ...

ومن يوم كمل شهرين

بدا صدر ي يتشقق .. مع اني كنت ادهنوا طول فترة حملي وبعدها كمان ..


المهم .. قعدت شهرين وحلمات متقطعه التنين وحده تطلع دم والتانية قيح وصديد .. ومع ذلك ماوقفت رضاعه كنت قبل كل رضعه اغسلو ..

بس طبعا وبالرغم من اني كنت اخد مسكن للالم كل 6 ساعات لبوسات فولتارين .. كنت لما ارضعوا اموت من البكا واصبر


الصبر ............ الصبر ............... الصبر ...................الصبر ................. الصبر .. والله مفتاح الفرج

المهم جربت كل الادويه وتعبت وسخنت .. ومع كل دا مارضيت احط في فم ولدي الرضاعه والحليب الصناعي


ومسكين ماكان يشبع وكنت اقعدلوا بال 4 او ال5 ساعات وهو على صدري مسكين لانو مايشبع فيتعب وينام على صدري

المهم مع التعب اللي كنت في قل الحليب بس برضه مارضيت اعطيه الصناعي

وبدات كل يوم اشرب مغلي الحلبة مع الحليب .. وادعي وادعي

والحمدلله بعد مرور شهرين على دا الكلام .. واتعافى صدري

وبقدرة ربنا ثم الحلبة رجع الحليب في صدري ويدر در ربنا عالم كيف كان يتكبكب وملابسي كانت تتبلل

الله اكبر ... الله اكبر ... الله اكبر

اللي يلجأ له سبحانه مايخيبوا

وانا حلفت ماادوق ولدي الصناعي طول مايدخل رئتي الهوا واتنفسوا ..

والحمدللهخ ربنا اداني على قد نيتي ورزق ولدي رزقوا


.....................................

معليش طولت عليكم

بس حبيتكم تعرفوا اللي مريت فيه واقولكم

مهما حصل وجاتكم ظروف لاتستسلموا ابدا .. هذا رزق اولادكم لاتحرموهم منوا

والله ياما اعرف ناس اللي حرمت ولدها عشان رجيمها والتانية عشان مايكبر صدرها والتالته تقول مافيها حليب

.....

طبيعي حتتخني وتتغير معالم جسمك بس معليش اللي خلاكي تستحملي مراحل الحمل ال9 .. محا يخليكي تستحملي كمان 9 شهور

والله بعد ماولدت صار وزني 65

ودحين انا وزني 80 من ايش .. من الحلبة .. ليش .. عشان ولدي يرضع وياخد رزقو ومناعتو تزيد ...

....

بالنسبة للاشياء اللي تزيد در الحليب

اليانسون
الشمر
الحلبة ...... رهيبة
النعناع
العصيرات الفرش
الموية الموية الموية

.............

وبالنسبة للحلاوة الطحينية حتدر الحليب بعد اكلك منها بساعتين والرضعه اللي بعدها نوووووووووو مافي لازم تاكلي تاني

يعني هيا حل مؤقت وسعرات حرارية دايمه وصعبه تنزليها

نفس الشي لزبدة الفول السوداني والعسل وكل الاشياء الدسمة ...

.......

واللي يخلي الحليب يدر بشكل رئيس الراحة النفسية والنوم .. النوم .. النوم .. النوم

ورغبتك الصادقة انك ترضعي ولدك
......

دحين ولدي في شهروا التامن والحمدلله دوبي بطلت استخدم الحلبة لانه صار ياكل بالصلاة على النبي

والرضاعه خمس مرات في اليوم

يعني ماتشكل الوجبة الرئيسية بالرغم من انها مهمة

وانا بدات اسوي ريجيم المرضع

والحمدلله حليبي ماخف ولاشي

..


اسفة على الاطاله بس اتمنى انه الكل يستفيد

...


الله يقومك بالسلامة يااسعد وترضعي وليدك او بنوتتك قد ماتتمني ..


.............................

سلامي

مشكوووووووووووووووووووووووووووووووووورة يا احلى نعناعه يا ام عبادي والله استفدت منك والله يجزاك كل خير ويخلي لك عبادي وتشوفينه احلى عريس والله ما تتصورين اني اغلب احلامي في الرضاعه شايله همها وربي يعطيني ويرزقني يااااااااااااااااارب ...

السلام عليكم
أنا قبل اقول تجربتي جيت بس عشان اسلم عليك يا أسعد امرأة واقول ويييييييين الغيبات قطعتي فينا ؟؟والله مشتاقين لك وبعدين فضي صندوق الرسايل
لي رجعه بمشيئة الله