تجاربكم بنات اشياء تسرع الولاده

انا ولدت في اخر يوم في التاسع انا بكريه ما سويت شي بس الحمدلله ربي سهلها علي

اشربي البابوبنج كوبين ييوميا طريقه تكون تغلين مويا وتحطين بكوب ملعقتين بابونج وتخلينه ١٠ دقايق بعدها اشربيه وادعيلي

وٍعَلْيّكَمُ ٱلْسَلآمّ وٍرٍحَمُةٌ اللَّــْـْہ ۆبُركَاتة
والله ي اختي انا دوبي ولدت مالي لا خمسه أيام والله ماخليت شي ماجربته الخروع زيت وكبسولات وشربت عشبة كف مريم ورشاد وكنت اشرب مريس وكنت امشي باليوم ساعه كامله بس ماكو فايده خلصت شهري وأخذت من العاشر اسبوع بعدها دخلتني الدكتوره اجباري تنويم واتنومت وحطو للي طلق صناعي تحميلتين وكنت امشي بالمستشفى ساعتين كذا والله لما حمى الطلق وجات الدكتوره تكشف نزل الماي للي ع الجنين كله ورحم مافتح لاسانتين وجلست يومين والجنين ماعندو ماي بس يعطوني مضاد وبعدها حطو للي طلق في الوريد هنا بغيت اموت وربي اخر شي قلت ابي عمليه بس الحمدلله ربك سهل ولادت طبيعي الحمدلله يعني مافي شي يسرع الولاده الا الدعاء والمشي لا تجربي شي وربك تتعبي الخروع مغص والحمام ع كل شوي الله يسهل عليك ولادتك حبيبتي

انا احس ان الولاده ماتجي الا في وقتها
بس انصحك اول ماتشوفين بوادر الولاده كلي تمر واشربي قشر وقرف وشماروحلبه وامشي وتحركي لاتروحين المستشفى بدري
لان اللي تروح بدري يهلكوها بالكشفيات ويربطونها في السرير بجهاز التخطيط والطلق ولايخلونها تتحرك
الله يسهلك ولادتك وعليك بالدعاء والقران

حبيبتي ريحانه انا توي ولدت من شهرين
اقسم بالله اقسم بالله ماخليت شيء قريته بالمنتدى ماجربته ..... الولاده بيد رب العالمين .. رحت بعد اسبوعين من التاسع عند اخصائيه نساء وولاده وقلت ابي تحريض او شيء ييسر لي ولادتي تعبت من الانتظار ومن كلام الدكتورة لي يشهد الله اني صادقه قالت لي انا الاعشاب والخرابيط ذي ممكن تحمي الطلق لو هو موجود وتحفزه لكن مستحيييييييل تجيب ولاده من العدم ! وقالت انو الطلق الطبيعي يبدا بأن الجنين يفرز هرمونات لما يكون مستعد للولاده والخروج وعنق الرحم يستجيب بهرمونات ثانيه وتبدا اعراض الولاده والطلق ....!!
التمر مفيد بشيء واحد .. لو اكلتي يومياً من نص الثامن يعطيك طاقة عاليه وقت الولاده وقوة ويحميك باذن الله من الاغماء او فقدان الوعي


المشي فايدته تثبيت راس الجنين في الحوض .. عشان اول ما يفتح الرحم ينزل الجنين بسرعة ومايتعبك وتكون ولادتك سريعة
وممكن يضغط على عنق الرحم ويعمل ضغط خفيف يحفز الطلق لو هو بدااا .. ويفتح لك عنق الرحم لو معاك طلق
نص ساعة تكفيك في اليوم

نصيحة أخت .. لا تخربطييييين وتبلعين اعشاب ممكن تضر البيبي اسال الله لك التيسير .. دعواتك لي ❤️