تجاربكم عن افضل غساله ملابس الله يسعدكم ساعدوني

غسالة سامسنوج مره زينه وتخدم معك انا عندي حجمها 5 ونص والسعر والله ناسيته بس مو غاليه

شي مهم اختي
لاتعتمدين على اسم الماركه فقط
يعني اذا احد مدح لك ماركه وتنظيفها مره كويس اساليه عن رقم الموديل لان الجوده بالموديل هذا
لانه تجيك الماركات موديلات مره ممتازه وموديلات لك عليها و تلاحظين هالشي اذا بحثتي
بتلقين ناس تمدح ماركه وناس تذمها لو شفتي السبب تلقين فيه فرق بالموديلات




لذلك الماركه الي تمدح لك خذي نفس الموديل الممدوح لاتاخذين موديل ثاني

ال جي 7كيلو ضمان عشر سنوات ب 1800ريال تقريبا
لكن اذا ما عندك مجفف خذ ي الي كامله بالمجفف روووعه

انا حقتي ال جي قمة الروعة ..

بس السعر م ادري لاني اخذتها واخذت مجفف معها ..

أنا كنت مثلك محتارة لكن بعد ماشاورت وتوكلت على الله أخذت ال جي مع مجفف تجفيف 100% حجم 13 كيلو لأن احنا عايلة كبيرة

بصراحة تريحك من تعب الغسيل على الغسالة العادية

وأغسل فيها كفرات السرير كل غسلة كفر واحد

وماشاء الله تبارك الله نظافتها رائعة

لكن فيه ملاحظة مهمة : لازم تعملي غسيل ذاتي للغسالة حتى تحافظي عليها ويكون غسيلك نظيف ، على حسب مرات غسيلك إذا غسيلك شبه يومي لازم تنظفي الغسالة كل أسبوع مرة وإذا كان غسيلك أقل من ذلك يكون تنظيف الغسالة مرة كل أسبوعين ، حبيت أقول لك على الملاحظة لأن يمكن البائع مايخبرك عنها

أرجو لك الفائدة .