تجاربكم في الميك أب والشعر لبنات الرياض

انا مبسوطة مرررره من هالموضوع لأنه موضوع بإذن الله راح يكون ناجح اذا البنات تحمسوا معاك..
واحنا فعلا نحتاجه وكنت والله ناوية اكلم الادارة عشان يسوون موضوع مثبت يصير مرجع للبنات عن كل مشاغل الرياض والشرقية والغربية..
وان شالله ان الموضوع يتثبت سواء هنا او عند ركن العناية بالشعر او البشرة او اي شي المهم يتفاعلون البنات بجد ويجاوبون عن كل الأسئلة واهم شي آخر نقطة قلتيها ..(يعني بصراحة موضوعك كااااامل ماشالله بس يحتاج لإجابات حلوة وكااااملة مثله..
والله الله يابنات بالإجابات لاتفشلونا عاد..
وانا بتصفقوني عارفة لأني ماعندي ولا اجابة لأن مكياجي انا اسويه او تسويه لي وحده اعرفها..
والشعر يعجبني شغل ابولو للتسريحات (يعني تطلعين وانت راضية)مواعيدهم رهيبة هم وبيجين.
اما القص انا عني ما اتعدى مشغل غاردينيا اللي عالعروبة..وفيه وحده اسمها نورمالين فلبينية شاطرة(تقص ب150ريال ما البقية ب100ريال بس) بس انا اقص عند وحده عندهم تركية احب شغلها مره بس تراها للأسف راااااحت للأبد مو لها رجعه .. لكن اغلبهم قصهم حلو.. ومواعيدهم تكون حلوه اذا ماعندهم زحمة.
طبعا كلهم عن تجربة ماتزيد عن 6شهور.
وبقول لكم اضافه بالنسبة لتجارب اخواتي في وحده اسمها شام سوت لأختي ومررره غالية يعني تطلعك شعر ومكياج 700ريال.. بس شغلها في الشعر جيدجدا اما المكياج اعطيها جيد.
وفيه وحده اسمها داليا تجي بالبيت وتسوي لك كل الرسمات حلوه وكل رسمة احلى من غيرها بس سعرها برضو غالي يعني تبدأ من 300ريال وممكن توصلين معها 500ريال..بس شغل ممتااااز.
اما بالنسبة للمشاغل ما ادري والله عنهم انا اصلا من زمااااااان عن العزايم والحفلات ..يعني لو بكتب لكم تجاربي بيطلع غبار مع الكتابة ..
بس اتمنى اني افدتكم بمعلوماتي البسيطة.
ودمتم بخير ان شالله

مرررة الموضوع خطير
افيدك بالقص انا دايم اقص عند مشغل هويدا عند وحده مغربيه اسمها ليلي
روووعة قصها ويدها حلوة علي القصه وتضبط القصه تمام وسعرها 100 ريال القص
مشكورة ياغلاهم علي الموضوع

أم ديدو مشكور ياقلب على تجربتك وماقصرتي بس ياليت ترسلين لي رقم داليا ع الخاص عشان نفيد البنات وماقلتي لي وشو كريم الأساس تبعها ؟ كويس ولا لأ؟
ولو جاتك مناسبه حترجعي تعملي عندها من ثاني؟؟؟

وشاكرتلك سعة صدرك يالغلا

شمس لم تغرب مشكوره على تجربتك يالغلااا
أسعدني وجودك :)

أنا راح أبدأ بنفسي

جربت مكياج شذى السعوديه جاتني في البيت
مواعيدها مظبوطه نوعا مااا
السعر المكياج العادي500 ريال
والعروس 3000ريال
الأساس ماكس فاكتور بس ماأعجبني
ماحطت لي أضاءة تحت العين ولا على عظم الوجنات
رسمـة العين أبداااع سوت لي سموكي وكانت الرسمه جدا راقيه ومرتبه ومافيها زحمة ألوان
نفسيتها كانت زينه بس حسيتها ممكن تزعل بأي لحظه عشان كذا ماناقشتها كثير
ممكن أرجع أعمل عندها لو ماحصلت أفضل