كمان صوره شعار السوبر 🤨🤨
خلاص بكفي ماعاد ارسل اي شعار

بيه جدي يلعب بعقل تيس ام احد يبرمج احد هذي ما مرت علي بالله شلون ابرمجه لو صار وبرمجته والريموت كنترول ضاع اشلون اعطيه الامر ويا حوسه ما بعدها حوسه يوم تخلص البطاريه 😂😂😂🤣🤣🤣🤣

اهلا هديل غيرتي معرفك ولا عاد نعرفك ☺️🥺

بالنسبه للزوج .. ممكن خانها التعبير بتعبير البرمجه

اظن الزوج مو بالسهوله يتبرمج حسب محتوى الموضوع

لكن ربما لوكان من النوع اللين الهين .. ربما يتعود على عادات الزوجه أما برمجه بالمطلق فما اعتقد لا

الي أعرفه و أكيد (( الدعاء و تسخير الله عز وجل و دعاء الوالدين و رضاهم )) وبعد كل هذا
يأتي حسن الخلق و الاحسان و احتساب الفعل لله عز وجل
و الي تبي الي حولها يتغير سواء زوج او غيره تبدي في نفسها .. تشوف عيوبها و طريقة معاملتها و أخلاقها و بالاستعانة بالله تتغير للأفضل و تطور نفسها وما تهدر جهد بتغيير غيرها ..
كل ما تطورت وصرت احسن الاسرة ترتفع معاك وربي ينزل البركة و تشوفين نتايج طيبة ..
الرسل واهما الرسل ما يقدروا يهدون البشرية واهما معاهم المعجزات و مرسلين من الله عز وجل واهما على حق ..
و فكري يا غالية احنا ما نقدر نهذب نفسنا الا بالاستعانة بالله والمجاهدة .. سواء تصرف نبي نتخلى عنه أو خلق نبي نكتسبه أو مهارة نبي نتعلمها .. فكيف بالأشخاص الآخرين ..


في خصال يا اختي ما أشوف تنفع معاها البرمجة أو تتغير مثل الي ذكرتيه البخل طبعاً أتكلم عن الانسان البخيل فعلاً مو الي ما شرالها شنطة ولا ساعة ولا ما سفرها .. لا البخيل البخيل هذا لا يبرمج ولا ينفع معاه المدح .. و اشوف ان ما فيه رجوله و تجتمع فيه جميع الخصال السيئة يكون يكذب عشان ما يصرف .. يكون شحيح حتى في مشاعره ..


لكن لو نقول سويتي كل الي قلته فوق من استعانة بالله و دعاء و رضى والدين و دعاءهم و بديتي بنفسك .. في أشياء تنفع فيها ( البرمجة ) مع تحفظي على الكلمة .. خنقول وضع النقاط على الحروف تكون. في بداية الزواج .. ومن النظرة الشرعية بعد ..
اول ما اتزوج انا شنو مهم عندي ؟ شنو ابي من الزواج ؟ وهذا يفرق من وحدة لي وحدة ..
- يعني انا حياتي الاجتماعية مهمة جداً اني اكون متواصلة مع صديقاتي و أهلي ومو مستعدة اني اتخلى عنهم ( لان عندي بنات بالعايلة طلب منها زوجها تغير رقمها وتقطع علاقتها بصديقاتها وممنوع تشوفهم الخ ) فمثلا هذا شي مهم عندي ؟ أبينه من قبل الزواج بعد .. ترا انا جذي ومهم عندي وما اسمح انك تمنعني لكن طبعاً باذنك وبحدود ولبيتي الأولوية لو اشوفهم او اطلع معاهم مرة بالشهر .. المهم اني ما انقطع
- انا شخصيتي تلوع جبدي أطلع مع رجل و امد ايدي انا ادفع فمن بداية الزواج ابين .. اليوم الي ما عندك فيه فلوس عادي نقعد بالبيت ولا اني اصرف عليه خصووصا في البداية و ابين ان هذا الشي يطيح الرجال من عيني .. وان ابوي و اخواني ما يرضون وانا مو متعودة .. وامدح كرمه و صرفه علي منذ بداية الزواج ( على الاقل في بداية الزواج ) بعدين اكيد مع العشرة و الاولاد بتساعدين وفلوسك على فلوسه لكن في البداية لازم يعرف ان من كمال رجولته بعينك ان اهوا لاساس في الصرف ..
- منذ بداية الزواج تحددين طريقة تعامله و اخلاقه معاك يعني في رجال مزحهم ضرب ! وفيه مدة ايد .. هذا شلون لو تزاعلنا .. او يتكلم عليها او على أهلها .. تعطيه حدوده من البداية ..
- انا شخصيتي ما اتحمل اللزقة ابدددد و احب اقعد بروحي فترات بغرفتي او اطلع طلعة ساعة ساعتين اكتب فيهم او ارفه عن نفسي فاعوده على هذا الشي منذ بدااية الزواج ..


قدمتي تنازل ؟ لازم يدفع التنازل هذا معاج شلون ؟ مثلا قال ما في خدامة ( شغالة ) أبشر و انا موظفة ؟
يساعد في البدائل .. ما في شغالة معناته انا طبخ وتنظيف و أعمل في الصباح .. نتاقش ما هو البديل .. حضانة للطفل اهوا يدفعها ؟ ماديته ما يسمع يشارك لو يمسكه ساعة باليوم .. او يساعد فيه وانام شوي او يساعد فيه وانا اقعد بروحي .. كل شي مشاركه ..
مهما كان تعب الأم و الزوجه ما يتقارن .. لكن لمن يشارك يتعود ان ما يأمر و يطلب بدون لا يحس بمشاعر غيره ..


وانتي شوفي شنو شخصيتك ؟ شنو الشي الي تحبينه او ما تحبينه ؟
بتقولين بعدها الحياة كاملة لا طبعاً في سلبيات فيك تعابلين تصلحينها ،، وفي سلبيات فيه ما تنفع معاها برمجة ولا اتفاق مهما يقولك فيها ابشري و اتعدل خير ان شاء الله سنييين ..
هني نقول هذي الدنيا ما فيها شي كامل .. لكن على الأقل يكون في أساسات .. في اشياء بشخصيتك ما تصبرين عليها لو كانت بالرجال ويمكن اختك تصبر عليها والعكس ..


اسفة على الاطالة لكن هذي نصيحتي للكل .. خصوصا للعرايس .. الاتفاقيات تبدي من قبل الزواج و في بدايته .. و اذا ما في اتفاق وما راح اكون مرتاحة بحياتي بلاها زواج من هالشخص معناته ما يناسبني ..
والله يوفق الجميع

تكلمي عن نفسك مالك دخل في غيرك
بعدين اذا تشوفين بنات عالم حواء نص حياتهم خرابيط وجالسين يرقعون لنفسهم
ارض الله واسعة
ما انتي مجبورة على الحلوس بينهم