ابتي البكر وعمره سنتين ابوه حلق شعره بدون رضاي شعره كان ناعم ماشاء الله يقولي يصير كثيف وماكان يحتاج حلاقة بس الآباء دايم حشورين وللان عمره 9 سنوات شعره خشن وكثيف مااعرف اسرحه ومقهوره جا دور بنتي قال بيحلق ليها رفضت شعرها ناعم شالها للحلاق قص الي ورى بس والحمدلله شعرها ناعم وابني الثالث طلع شعره ناعم ماشاء الله عاد هنا زوجي وقف قال ماراح يحلق له والحمدلله ماحلقنا له يمكن الموس يختلف من شعر لشعر بس بصراحه اشوفه يخشن الشعر ويكثفه فقط

الحمدلله ماعمري حلقتهم ولا راح احلق اللي بعدهم

ياحلوات اللي تقول شعره كان ناعم وخشن لا ترى المواليد كلللللللهم شعرهم ناعم وطري ولين
لسا ما يكون مبين نوعه شعرهم لما ينولدون كلهم كذا
الا بعض الناس والاعراق اللي شعرهم خشن جدا جدا مثل الافارقة ممكن يكون كذا عند الولادة


يعني اللي حلقت لولدها او بنتها شعرة وطلع خشن تراه نوع شعره وحتى لو ما حلقتيه بيبقى كذا يغير لما يكبر تطلع حقيقته شعر المولود مو عبرة كل المواليد شعورهم ناعمة
اول كلهم كانو يحلقون
انا واخواني كلنا حلقولنا وماعندنا احد شعره خشن لكن في اللي ناعم مرة وفي اللي وسط