العضوة هى:
بنت عائشة
أتشرف انا بوضع أول سؤال للأخت العزيزة:
السلام عليكم ورحمة الله وبركاته
ممكن نتعرف عليكى أختى الحبيبة بمزيد من التفاصيل؟؟؟
اختي الحبيبه احكي لنا تجربتك با لتفصيل وبالساعه ايضا ولا تتركي اي شئ تعتقدين انه غير مهم ولكن ممكن يكون هام جدا وغير معروف ومفيد لغيرك وفقك الله وتقبل منكم ان شاء الله
السلام عليكم ورحمة الله وبركاته ... جزاكى الله كل خيرا اختى انك عطتينى هذه الفرصة لاتعرف اكتر على اخواتى
الغاليات ... ويارب فعلا تجربتى تفيدكم اخواتى ..
اسمحولى الاول اشكر مديرة هذا المنتدى سبحان الله بحس براحة
كبيرة وانا بين صفحات هذا المنتدى مع ان دى لسه مشاركتى الاولى .. ربنا يجعله فى ميزان حسناتك اختى
وحسنات كل من كان سبب فى كتابة حرف واحد فيه ...
هبدا احكى لكم قصتى مع القران لكن هدعى اولا بدعوة الصديق رضى
الله عنه وارضاه .. اللهم اجعلنى خيرا مما يظنون واغفر لى ما لايعلمون ولا تؤاخذنى بما يقولون ..
حكايتى مع القران بدات بموقفين سبحان الله .. الاول اعرفكم انى كانت كل اهتماماتى تافهه للاسف .. مجلات واغانى
وتليفزيون .. يكفى انى اقولكم انى كنت اتابع فى اليوم 11 مسلسل !!!
متخيلين ؟؟؟ على الاقل اكتر من 11 ساعة بقضيها مع هذا اللهو .. ربنا يغفر ويعفو يارب
الحمد لله الذى هدانا لهذا وما كنا لنهتدى لولا ان هدانا الله ..
المهم اخواتى .. بدأت احس انى عايزة اعرف ربنا اكتر بس من خلال الحواديت ... وشوفى ربك الكريم
لما يقولك مش هترك لك حجة .. كان اخويا يحضر الدروس فى المسجد وييجى يحكى لى قصة حكاها المحاضر اقوله انا
نفسى فى قصص كده كتير .. يقولى اقرى وانتى هتلاقى القصص دى .. سبحان الله فى نفس الاسبوع بتفرج طبعا
على برنامج وبعدين جه بريك اعلانى فبقلب واذا بقناة اقرا اللى عمرى ما كنت ببص عليها خالص ..
اذا عليها اول حلقة من برنامج ونلقى الاحبة لعمرو خالد .. شدنى جدا ونسيت البرنامج اللى كنت اشوفه .. وكانت البداية
سبحان الله .. تابعت كل الحلقات وكان دايما يقول لازم نقرا القران كمان انزل ..
وفى حلقتين من البرنامج سمعت موقفين كانوا سبب التغيير .. اول موقف سأل سؤال .. اللى حافظ القران يرفع ايده ..
فناس طبعا رفعت ايدها بس وانا مالى يعنى !! ده القران !! حد يقدر يحفظه بالسهولة دى .. اكيد حافظينه وهما صغار ...
طيب مين حافظ نصفه طيب ربعه طيب سورة البقرة .. طيب طيب طيب .. لحد ما وصل طيب مين حافظ جزء ؟؟ ..
ياربى ولا حتى جزء انا حفظاه !!! خجلت من نفسى جدا ... ولا جزء !!
بعد كده كمان فى حلقة بعدها حكى قصة عن شاب كان بيعمل معصية وفى الشارع امام كل الناس مع مجموعة من
اصحابه وهو استوقفهم وكلمهم فاستجاب له الولد ده .. وقال ان الولد ده دلوقتى من حفظة القران !!! فوقفت باه مع
نفسى .. ده الحفظ مش صعب .. اهوه شاب عادى زيى لاهى ويمكن عاصى ومع ذلك حفظ القران !!
فأخدت القرار .. هبدا احفظ باذن الله .. سألت عن دار لتحفيظ القران وذهبت وبدات بفضل الله .. رحت الدار وانا
مبعرفش حتى اقرا قران اتعلمت حكم واحد بس وكان سبحان الله قبل رمضان باسبوع فاخدنا اجازة فى رمضان فقريت
القران فى رمضان كله بحكم الادغام فقط اللى اخدته .. بفضل الله وحده ثم شوية عزيمة ومجهود منى جاء رمضان
اللى بعده وانا بقرا بكل احكام التجويد وحافظة كمان بفضل الله لكتاب الله كله ...
يعلم الله يا اخواتى انى بحكى لكم قصتى وانا فى نيتى انكم تتأكدوا ان حفظ القران ابدا مش صعب .. والنوايا الصادقة مش ممكن تضيع عند ربنا ابدا .. مش ممكن ..
يعنى شوفوا .. طلبت اتعلم دينى عن طريق قصص الصالحين علمنى ببرنامج يحكى قصص الصحابة ..
طلبت اتعلم القران علمنى .. ووالله ماكان فى بالى انى ممكن احفظ سورة واحدة ..
ولكن الكريم اذا اعطى ادهش ... والله يا اخواتى لو كل واحدة فينا فكرت فى حياتها هتشوف رسائل كثيرة لها من الله يأخذ بيدها ويعلمها ويعطيها الفرص ... ربنا سبحانه وتعالى قال من تقرب الى شبرا تقربت اليه ذراعا ..
قربى بس الشبر وهتشوفى كرم ربنا وفضله عليكى .. انتى اللى كنتى غافلة وربنا مش اول اولوياتك .. هتشوفى ازاى بيعلمك ويفهمك واول ماتقولى انا عايزة اقرب منك ياربى يقولك لبيك عبدى .. صح اخواتى ؟؟
يمكن خرجت شوية عن الموضوع بس لو كبر حب ربنا فى قلوبنا هتهون علينا صعاب كتيرة اوى ..
اقولكم باه طريقة حفظى .. اولا انا حطيت امام عيونى هدف وهو المدة اللى هختم فيها .. يعنى زى ما نهى الله يكرمها عملت معاكوا كده فى الدورة .. هحفظ القران فى سنة او سنتين .. الهدف ده امامى مبيغبش عن عينى او خيالى لحظة .. الهدف هيخليكى دايما حريصة على تحقيقه ..
كنت دايما احفظ بعد صلاة الفجر مباشرة وطول اليوم اكرر اللى حفظته فبيكون عندى فرصة كبيرة لثباته من كثرة
التكرار .. اذا بعد الفجر غير ميسر مش مشكلة .. ا
لمهم ثبتى معاد حفظك لان المخ بيبرمج نفسه على كده ..
مثلا بعد العصر يبقى كل يوم بعد العصر بقعد احفظ .. بعد المغرب ماشى بعد العشا ماشى ..
اى وقت المهم تحاولى على اد ما تقدرى تثبتيه ..
كمان اخواتى هنصحكن بمصحف المدينة المنورة
لانه يبدا باية وينتهى باية فلما تتخيلى شكل الاية هيكون سهل عليكى تخيلها ..
كمان مريح للعين سبحان الله .. لون الصفحات وشكل الكلمة مريح سبحان الله ..
متخليش اى حاجة توقفك .. ممكن يحصل لك اختبار جدية كده بسيط من الله .. ابنك يتعب ..
زوجك يضايقك .. امك او ابوكى يتعبوكى شوية .. حد من اهلك او اصحابك يسخر منك ..
اى حاجة توقفك او تهبط عزيمتك .. اوعى تخللى حاجة توقفك .. والله ربما هيفتح لك الابواب بعد كده وهتشوفى
الحفظ ازاى هيكون اسهل وفى وقت اقل .. بس اثبتى اختى .. اثبتى .. اثبتى .. اثبتى ... وحاولى دايما وجاهدى
وهتشوفى كرم ربنا ... ودايما ادام عيونك الاية
" ولقد يسرنا القران للذكر فهل من مدكر "
ربنا سبحانه وتعالى هو اللى قال انه سهل .. انا هقول صعب !!
هوصيكى ونفسى بكثرة الاستغفار .. واوعى تسمعى كلام الشيطان لو قالك انتى وحشة ومتستاهليش تكونى حافظة
لكتاب الله .. ربنا سبحانه وتعالى قال
" ان الحسنات يذهبن السيئات "
قصدى اقولكم اخواتى .. الشيطان مش هيتركك هيحاربك بكل الوسايل .. اوعى تستجيبى له ..
انا تحت امركم فى اى سؤال واذا افتكرت اى شى تانى ممكن اقوله هكتبه تباعا باذن الله .. اسفة انى اطلت ويارب اكون فدتكم اخواتى
احدى الاخوات : بارك الله فيك اختي على كل تلك النصائح والله قرات كل ما حكيتيه بشغف والله اني اغبطك على حفظ
القران يا رب يوفقنا لحفظ كتابه
حبيبتي متى حفظت القران هل كانت عندك مسؤوليات كالدراسة او الاولاد وكيف كنت توفقين بين مسؤولياتك
ومن وجهة نظرك هل يجب ان نتعلم التجويد قبل الحفظ ام نستطيع ان نحفظ ثم نتعلم التجويد
الله يبارك فيك ويكثر من امثالك والله يجازي امة الله التي تعمل ما في وسعها لتشجعنا على حفظ القران
..جزاكى الله خير يا غالية على دعواتك ربنا يكرمك يارب ..
انا حفظت القران بعد ما خلصت دراستى بسنة وبصراحة مكنش عندى مسئوليات لكنى شفت نماذج فى حياتى من اول مابدات كانت ظروفهم جدا صعبة
لكن مكنش فى شىء بيوقفهم عن حفظ القران ابدا .. لا سن " والله ناس حفظت بعد الستين وختموا " ...
ولا ظروف " ناس شغلها صعب وبياخد منها وقت كتير لكن كان دايما تبدا يومها مع القران وباقى اليوم تشوف حياتها وشغلها " .. ولا ولاد " صديقتى اللى هقولكوا عليها بعدين حفظت القران فى 4 شهور وهى عندها ماشاء الله تبارك الله 5 اولاد فى مراحل عمرية مختلفة " ...
الموضوع محتاج بس عزيمة وصبر وتنظيم للوقت ... وشوفى ربك وكرمه اللى ممكن احفظه انا فى ساعة مثلا لانى متفرغة .. ممكن ربنا يفتحها عليكى لو ظروفك صعبة بس بتجاهدى وتحاولى تحفظى ممكن انتى تحفظيه فى نصف ساعة .. بلاش نقيس الموضوع ببشريتنا وخللى عندنا دايما يقين وثقة فى الله
" والذين جاهدوا فينا لنهدينهم سبلنا "
مش ممكن يتركنا ابدااااااااااااا
بالنسبة للتجويد والحفظ امشى فى الطريقين سوا .. بمعنى .. ابدأى اتعلمى تجويد حكم حكم وطبقى اللى تاخديه ..
وانتى بتحفظى المهم يكون تشكيل الحروف صحيح .. الاحكام مع الوقت ولما تتقنيها هيكون باذن الله سهل عليكى جدا تسمعى
بيها .. لكن حركات الحروف لما بنحفظها غلط بيكون صعب شوية تصحيحها .. وهقولك طريقة ممكن تحفظى بيها ..
افتحى مصحفك على الصفحة اللى هتحفظيها .. وهاتى قلم رصاص .. وافتحى شريط قران على نفس الصفحة بصوت
قارىء تكونى بترتاحى لصوته او من القراء المشهورين بالاتقان وليكن الشيخ الحصرى ..
http://www.islamway.com/?iw_s=...
اسمعى من الشريط .. وعينك بتقرا من المصحف ..
اول ما تلاقى عندك حرف غلط علمى عليه بالقلم الرصاص علشان يكون سهل تمسحى العلامة بعد كده ..
او علميها على هامش المصحف بس فى نفس السطر ..
خلصى الصفحة وارجعى تانى اعملى نفس الشىء علشان لو عدت عليكى كلمة او حرف ما أخدتيش بالك منها ..
اعملى كده على الاقل 3 مرات او لحد ما تحسى انك خلاص مبقاش عندك ولا حرف غلط ..
وبعدين ابداى حفظ بأه .. ان شاء الله كده تحفظى وانتى مطمنة انك شكلتى الحروف صح ..
وبالتوفيق وانا تحت امرك فى اى سؤال تانى .. انتى وكل الاخوات طبعا ..
وجزاكن الله الفردوس الاعلى يا اخواتى على تشجيعكم وتفاعلكم معايا ..
ويااااااااااارب قريبا تكونوا كلكوااااااااااا من حفظة كتاب الله العاملين به ..
والله الحفظة كتير بس المهم نعمل بما نحفظ ونعلم
احدى الاخوات تسأل اختنا الحافظه ..
انا لا استطيع اكمال الحفظ .. اشعر ان كل الآيات تدخل ببعضها ...
ممكن أخذ وقت طويل فى حفظ صفحة واحدة
فى حين ان صفحة اخرى لا تاخذ منى غير قراءة مرتين فقط ..
هل كل هذا طبيعى
انا أكتب القرآن الحمد لله ... نوعاً ما مرتب ومشكل ..
ولكن أشعر ان صوتى لن يجرؤ على النطق بالحروف ... لا استطيع قراءته بصوت مرتفع
هل هذا طبيعى
اختى الحبيبة.. اولا اسمحيلى احيكى على رغبتك الشديدة ما شاء الله فى حفظ كتاب الله .. والله الذى لا اله الا هو ربنا لن يتركك وهتشوفى ازاى هييسر لك عزيزتى بس اوعى تقفى او تياسى ..
اثبتى واجتهدى وهتشوفى كرم ربنا اكتر باذن الله ..
شوفى يا ستى .. طبيعى بعض الصفحات تاخد وقت واخرى لا تاخد غير وقت بسيط .. لان فى ايات بنسمعها كتير فبيكون سهل حفظها .. وفى ايات بتحكى قصة فبمجرد ما بتعرفى القصة خلاص بيكون سهل تحفظى الاية .. فطبيعى اخيتى .. متقلقيش
شوية شوية جربى مع نفسك ترفعى صوتك قليلا ثم تزيدى
وتزيدى الى ان يكون طبيعى بالنسبة لك .. ويمكن يسهل عليكى انك تعرفى ان كل شى هيسمعك حتى لو جماد هيشهد لك يوم الحساب انه سمع القران بصوتك .. افرحى اختى بالقران وارفعى بيه صوتك ويمكن بعد كده نقولك اخفضى صوتك شوية تقولى لنا مش قادرة يا جماعة اعذرونى ..
فرحانة بصوتى وهو بتلو القران .. ادربى اختى وهيكون عادى باذن الله وانا مستعدة اساعدك فى النقطة دى .. ولا يهمك سهلة باذن الله .. ولم تثقلى على ابدا .. لو عندك 100 سؤال انا حاضرة باذن الله .. وجزاكى اله كل خير على الدعوات ابكتنى واثرت فى والله ..
تعالوا نختم بالدعاء :
اللهم انفعنا بما علمتنا وعلمنا ما ينفعنا وارزقنا علما ينفعنا .. اللهم اصلح نوايانا وتقبل اعمالنا وحسن اخلاقنا ووسع ارزاقنا .. اللهم اهدنا واهدى بنا واجعلنا سببا لمن اهتدى ... اللهم اجعل اعمالنا صالحة ولوجهك خالصة ولا تجعل لاحد فيها شىء .. اللهم اجعلنا من العالمين العاملين بكتابك يارب العالمين .. وصلى الله على سيدنا محمد وعلى اله وصحبه وسلم تسليما كثيرا
*يزورنا الفتور عن مراجعة القرآن فتتفلت الأيام بين أيدينا منتقصة من قوة حفظنا ومبتعدة بنا عن تحقيق الإتقان.* 📩
ورغم ذلك لا فرحنا بالراحة ولا سعدنا بالكسل فالقلب محزون لفوات ورده يوما بعد يوم..!*🍂
اللهم لاتشغلنا عن كتابك بشاغل ولا تقطعنا عنه بقاطع ياحي ياقيوم 🌧
﴿اقرأ كتابك كفى بنفسك اليوم عليك حسيباً﴾
سترحل وتترك ما خطه البنان ستغادر ويبقى ما نطقه اللسان🌸 وستجد أمامك كتاباً أحصاه لك الواحد الديان🌸
اللهم يمن كتابنا ويسر حسابنا🌿
الصفحة الأخيرة
وصف الله جل وعلى قرائة القرآن الكريم بأنها التجارة الرابحة للمسلمين حيث قال تعالى : " إن الذين يتلون كتاب الله وأقاموا الصلاة وأنفقوا مما رزقناهم سرا وعلانية يرجون تجارة لن تبور، ليوفيهم أجورهم ويزيدهم من فضله انه غفور شكور "
كما ذكر النبي عليه الصلاة والسلام أجر قراءة القرآن في الحديث النبوي الشريف :" من قرأ حرفاً من كتاب الله فله به حسنة، والحسنة بعشر أمثالها، لا أقول: "ألم" حرف، ولكن "ألف" حرف، و"لام" حرف، و"ميم" حرف .
وفي حديث شريف آخر أكد سيدنا محمد على أجر قراءة القرآن بأنها ترفعه درجات يوم القيامة قال نبي الله : " يُقَالُ لِصَاحِبِ الْقُرْآنِ اقْرَأْ وَارْتَقِ وَرَتّلْ كَمَا كُنْتَ تُرَتّلُ في الدّنْيَا فإِنّ مَنْزِلَتكَ عِنْدَ آخِرِ آيةٍ تَقْرَؤُهَا " .
فمن ختم القرآن احتل أعلى درجة " منزلة " في درج الجنة يوم القيامة بإذن الله .
الختم في 3 ايام هي اقل مدة قال عنها الرسول صلى الله عليه وسلم ,, من قرأ في اقل من 3 لم يفقه .....
قبل الختم وقراءة القران ,,, كيف حال صلاتك ,,, لان الصلاة هي الأساس هي الصلة والتواصل بينك وبين ربك و العهد الذي بينك وبين عباده اذا ما تصلي انتي كافرة و اعمالك هباء منثورا اولها / كنت مريضه وشفيت والحمد لله من مرض روحي مزمن بعد ماقريت موضوع عن الرقيه ( خذ بالقران ثلاثا تشفى سريعا ))
2- ياما تمنيت شي ودعيت وصار لي والله العضيم في 24 ساعه
3- والله العضيم احلامي كانت رؤى صاااادقه تجيني على هيئة كلام
4- دعواتي للناس مستجابه
لكن غلطاتي :
لا تحطي لنفسك برنامج مكلف ومرهق ( مثلا انا كنت استغفر الف واقراء جزء واصلي على الرسول الف مره ثم اقراء الثاني واسبح الف مره واقراء الجزء الثالث)) كانت طريقتي هذي هي اول واهم شبب ما خلاني اكممممل
احسني الضن بالله انه ممكن يشفيك من اول ختمه يستجاب لك من اول ختمه (( غلطتي اللي خلتني سنتين مااستمرررر انه كنت حاطه في بالي عشر ختمات من غير طريقة الاستغفار والاذكار قبل كل جزء الف مره ))
لا تختمتي بنية الشي اللي تمنيه فقط (( حطي في بالك ان الله كاتب لك الرزق لكن بينك وبينه ذنوب زي الجبل حاجبته وان الختم والاجر من للقران تحطم هذي الذنوب // يعني استمري ختمه ورا ختمه لين الله يبشرك فيه ...
اذا صار شي ضد الشي اللي تدعي فيه لا تتوقفي ولا تتحطمي ولا يدخل بقلبك يأس (( هذي اكبر غلطه لي )) ماتدري الله وش كاتب لك يمكن شي احسن منه
اذا صارت عندك طلعه او مناسبه او سفر (( لا تتوقفي )) ولا تأجلي اكمال القرايه الا بعد ما تعدي (( والله ابليس يستغلك في هذي النقطه ))
اجر وفضل قارى القران 1. طرد الأرواح الشيطانية من البيوت .
2. الشعور بالسكينة والراحة لقوله تعالى :" ألا بذكر الله تطمئن القلوب " .
3 . يرفع الله خاتم القرآن درجات في الآخرة ويعلى من شانه في الدنيا.
4. تعاظم الحسنات . الختمه فيها 3226040 حسنه ,, ثلاث مليون و مئتين وستة وعشرين ألف و اربعين حسنه في كل حرف عشر حسنات
5. خاتم القرآن يحظى بشفاعة النبي عليه السلام يوم القيامة .
6 . في ختم القرآن شفاء من العلل والأمراض الجسدية .
7 . يزيد من معرفة المسلم بأمور دينه وأحكام الشريعة الإسلامية
طريقة القراءه بعد كل صلاة جزئين او كل اوقات الفراغ ... (( حطيه اول اولوياتك ))
عشان تتحمسي اكثر ... (( حطي في بالك ان هذا الأجر اللي بتاخذينه يقرب الرزق المقطوع بسبب الذنوب من غير اجرك وغفران ذنوبك في الدنيا والواحد مايضمن عمره العمر يقرب نهايته بالثواني
مصدر
العباده سر السعاده