تجاربكم لقيام صلاه الفجر ابي استفيد منها مره ضايق صدري

السلام عليكم ورحمة الله وبركاته

اختى انا صراحه عشان اقوم الفجر اشرب

على قد مااقدر مويه عشان اظمن انى اقوم

الله يكرمك للحمام واقدر اصلى الفجر بوقته

ان شاء الله ان طريقتى تفيدك والله يوفق الجميع

الله يوسع صدرك ويريحك ان شاء الله
انا ابقولك تجربتي ويشهد الله اني اقولها للفائده فقط
شلت الدش من بيتي وصارالبيت هادي
وبنيتي اني ابي اتغيرللافضل من ناحيت الدين
صرت انام بدري واوترواقراء الاذكار قبل النوم
ولا انام الا وانا طاهره متوضيه
واوقت الساعه لقيام الليل اقوم اصلي وارجع انام
وبعدهااقوم الفجر قبل الصلاه واطلع من الغرفه واشغل الانوار علشان يطير النوم ويروح الكسل
واقعدواقراء حزب كامل
واقوم زوجي وعيالي واصلي واقراء الورد وانام
احتسبي الاجرواقوي نفسك واعرفي انك في جهاد ولازم الصبر
اكثري الدعاء والاستغفار
حافظي على الورد بالنهار والليل
تذكري دايم ان هذي العباده شي شخصي ماراح احد يستفيد منه الا انت بس
وبينك وبين ربك وتذكري النعيم اللي ينتظرك في الاخره والاجر لك
واذا صليتي الفجر بوقتها بتحسين بسعاده وراحه طول اليوم وهذا عن تجربه
واتمنى انك تستفيدي وتدعين لي
والله يساعدك وتصيرين ان شاء الله محافظه على الصلاه بوقتها

كلام البنات درر..


وازيدك هي مسألة ارادة ووقت يعني بس كم يوم يعاندك الشيطان وبعدين تتعودين القومة حتى في وقت العذر الشرعي...


وافضل طريقة لدحر ابليس..كل يوم تنامين فيه عن الصلاة..انوي صيامه تطوع ..وتصدقي فيه ..واكثري الذكر ..والله ما يخليك ابليس ويصير يقومك كل يوم..


ولاتنسين الاخذ بالاسباب..النوم بدري وترك التلفزيون والاستغفار حتى يغلبك النعاس..اكثر شئ استفدت منه..

الله يجزاكم خير يارب ويزيدكم من واسع فضله وينولكم يارب مرادكم ويمتعكم بالصحه والعافيه عن جد فرحت برودودكم وانكم دخلتو وقلتوا تجربتكم وان شاء الله تاخذون الاجر في انكم اعنتوني على الصلاه
وفعلا انا من اللي اجلس عند التلفزيون كثير وابي اشيل الدش بس متردده

شوفي حبيبتي
اولا شيلي كل شي ممكن ينفر الملائكه من الغرفه
صور تماثيل تحف مجسمه
وحاولي قبل ماتنامين تصلين ركعتين تدعين من ربك انه يعينك على انك تقومين لصلاة الفجر

ثانيا بالنسبه لي
انا اضبط جوالي على المنبه
واحط الجوال بعييييييييييد جدا
عشان اضطر اقوم له خلال مشيي اصحصح شوي واحس بنفسي
لاني لوحطيته جمبي قفلته ورجعت انام ثم اقوم مااتذكر انه رن اصلا


ودايم بيتي النيه انك باذن الله بتقومين
والله يجزاك خير
ويكثر من امثالك الحريصين على قومة صلاة الفجر

لاتنسون ان الله توعد المقصرين بصلاتهم... مو تاركينها بس.... لابعد مقصرين فيها من تاخير وتهاون
(الذين هم عن صلاتهم ساهون)