حبيبتي أنا عرفت انها سلبية لاني حلمت ان الشخص المتقدم لخطبتي يحاول يلبسني خاتم خطوبة و هالخاتم مارضى ابدا يدخل في ايدي يعني يطلع ضيق علي و حاول عدة مرات بدون فايدة و اعتقد الحلم يوضح ان هالشخص ما يناسبني

و لما استخرت عشان الطلاق حلمت امشي على جدار خطر و كنت معرضة اني اطيح منه و فجأة ظهرت لي صديقة لي ملتزمة وايد شجعتني في الحلم و قالت لي امشي في الدرب الي تريديها و لا تخافي اكيد راح تعدي الجدار بدون ما توقعي و فعلا عديت الجدار بسلامة و عرفت انها اشارة باني صح في قرار الطلاق و فعلا ارتحت بعدها

و صدقيني يا اختي تعلمت من هالشي الي صار لي ان ارادة رب العالمين تتنفذ حتى لو استخرنا و النصيب بيتم بيتم و ان لازم نعمل بالاستخارة

الله يعطيكم العىافية على التفاعل مع الموضوع..

انا استخرت لما كنت مخطوبه لانه كانت فيه مشاكل بين اهل خطيبي واهلي .. وكانت في وحده في شغل خطيبي اخذت تستغل المشاكل لانه كان يشتكيلها وراحت تتقرب له .. وصار هو حائر .. يفركش الخطوبه ويروح عندها او يستمر معاي فا قرر انه انا اصلي استخاره والبنت اتصلي استخاره واللي ربي كاتبنه يصير .. انا ما حلمت شي وكانت المشاكل تزيد .. والبنت حلمت بحلم على قولتها انه من نصيباها وهو صدقها .. وخلااااااااااااااص قرر ينهى كل شي وفعلا تركنا بعض لمدة اسبوع .. وانا ما خبرت اهلي انه تركني ولا الخبر وصل عند اهله كان شي بينا بس .. وهو من ناحيته اتفق مع البنت انه راح يخطبها في يوم السبت.
اتصدقون من دون اي سبب من دون اي حرف مني ولا شي .. هو اتصل علي يوم الجمعه فليل وقالي انا اسف وجلس يبكي وانه ناااااااااادم وسالني اذا قلت لاهلي قلت له لا وهو ما قال لاهله والحمدالله تمت العرس والحين هو بو عياااالي ربي يحفظه لي ان شاءالله يا رب ويسخره لي ان شاءالله يا رب .. واهلي نادمين انهم كانوا رافضينه من البدايه ..

و عندي قصص وااايد على الاستخاره لاني استخير ربي في كل شي ..

فعلا الاستخاره نعمه من رب العالمين .. اللهم لك الحمد والشكر

ام شهوده...
مشكورة على الرابط الأكثر من رائع..

لي رجعه