موضوع قمة في الروعة

اذكر مرة كان خاطرنا نروح العمرة فكلمنا ابويه وقال ان شاء الله بنروح بعدين مرة وانا واقفة الصبح انتظر باص الكلية نادتني امي وقالت خلاص الموضوع تكنسل وما فية سفر للعمر علشان ظروف ابوية ما تسمح

تضااااااااااايقت وايد وايد وركبت الباص اول ما وصلت الكلية دخلت على مسجد الكلية وصليت ودعيت ربي ان خاطري اروح العمرة

سبحان الله يوم رجعت البيت خبرتني امي ان ابوية خلاص بيودينا العمرة وماشيء في الموضوع وتسهلت الامور الحمد لله وسافرنا

فرحت واااااااااايد


سبحان الله تري كل انسان له تجارب كثيرة مع الدعاء بس لاهم ان نحمد الله ان رزقنا ها النعمة العظيمة الي هي نعمت الدعاء

جزاج الله خير

:26::)

الله يستجيب دعواتكم من غير رد:)

والباقين وين تجاربكم مع الدعاء:)

حلو الموضوع
ألحين ما يحضرني شي
اللهم أكفي ما أهمني ما شئت وكيفا شئت أنك على كل شي قدير

الله يجزاك الجنه اخيتي خواطر على هالموضوع
على الاقل الوحده تذكر نعمت ربها عليها
يااااااااااااربي لك الحمد والشكر
والله اللي لااله غيره لو اعبي صفحات المنتدى كلها
حمد وشكر لك يارب مااديت حقك علي
بذكر لكم جزء بسيط من رحمة ربي فيني

انا عندي بنتين وكنت ناويه احمل بعدهم
فتركت المانع ابي احمل بهذاك الشهر علشان اولد
قبل رمضان لان عند زوجي عمل خارج السعوديه
وودي اكون معه الزبده اراد رب العالمين ان هاذاك الشهر
مايصير بيني وبين زوجي شي طول فتره الاباضه
ماصار بيني وبينه شي الا اليوم اللي المفروض تنزل الدوره
طبيا يقولون هذي من الايام الآمنه اللي مايمكن يصير فيها حمل
دعيت ربي ذيك الليله وبكيت وانا على يقين من الاجابه
طبعا الدوره تأخرت ورحت احلل قالو مافيه حمل
وربي يابنات الدكتوره تعطيني النتيجه وتقول مافيه حمل
وقلبي يرد عليها غصب عليك وعلى تحليك بعون الله فيه حمل
طلعت وجلس اسبوع ثاني وماجت الدوره وانا قلبي يقولي اني حامل
وطول الفتره وانا ادعي ربي ولما رجعت قالت معقوله ماجت الدوره
خلينا نحلل مره ثانيه وتحلل ويطلع مافيه حمل
تركتها وصرت ادعي ربي وبعد اسبوع رجعت
وصرت حامل بفضل من الله ومنه

الشي الثاني بعد البنتين كان نفسي بولد
رحت سويت سونار قالت لي تقريبا بنت>>هاذا بالشهر السادس تقريبا
قلت بنفسي بعون الله ولد غصب عليك وعلى جهازك
وطول الفتره هذيك وانا ادعي انه ولد بكل مكان بالبيت ولا بمسجد السوق
ولا اذا سافرت بمساجد المحطات يعني اغير الاماكن وبكل سجود ادعي
ولما رحت لها بنهاية الشهر الثامن قالت لي ولد
اللهم لك الحمد كما ينبغي لجلال وجهك وعظيم سلطانك
واللحين الولد قاعد يطامر عندي عمره سنتين الله يحفظه ويجعله وخواته عطاء صالح

الخلاصه :
لاتيأسون من رحمة الله ,لايهمكم كلام الطب اذا قالوا لكم هذا مستحيل
قولوا لهم مستحيل عليكم يالبشر الضعاف اما رب العالمين مايعجزه شي
لان الدكتوره كانت تقولي مستحيل يصير حمل وانتي دورتك منتظمه يعني الاباضه
تكون بنصف الشهر ماتصير باليوم اللي تنزل فيه الدوره لانها فتره آمنه مايصير فيها حمل
والشي الثاني دكتور السونار يقولي هذي بنت لوكان ولد لازم لاحظومعي لازم يكون واضح
بس رحمة رب العالمين فوقهم هم وعلمهم واجهزتهم

بارك الله فيكم

اللهم استجب دعائنا يا رب