تجاربكم مع الانابييب عند(ممدوح اسكندر اوغيــــــــــــــره)بموت من الحزن

الله يفرح قلبك وقلب زوجك ويرزقك بالذريه الصالحه

رفع

أسأل الله العلي القدير ان يرزقني ويرزقك ويرزقك كل من تتمنى الحمل عاجلا غير اجل
ولكن اختي الرزق في يد الله فقط والدكتور هو سبب فقط
استخيري الله فقط قبل كل خطوة وربنا راح يخترلك الافضل
وقومي الليل قبل ساعة من صلاة الفجر صلي واستغفري واطلبي الذرية من الله التوفيق بيده والرزق بيده واسأل الله ان يبرد قلبك ويرزقك من اوسع ابوابه

هلا بك اختي انا عملت تلقيح مجهري عنده بس للحين ما طلعت نتيجتي بالنسبه للدكتور عفوا البروفيسور فهو غني عن التعريف لانه متخصص في اطفال الانابيب و هو الدخول عنده صعب و مواعيده صعبه للامانه انا تابعت كورس التنشيط عند الدكتوره قدريه انسانه رائعة و تهتم بالتفاصيل و يوم السحب و الترجيع جاء الدكتور ممدوح و هو اللي سوا العمليه
الدكتور مشكلته مو كثير الكلام يعني لو ما سالتيه ما يحكي لك عن كل التفاصيل لدرجة اني ما ادري هل جمدوا لي اجنه او لا كمان ما منعني من اي شي يقول عيشي حياتك طبيعية وسوي كل شي حتى لو تنطي بالحبل لانه اذا ربي كتب لك تحملين راح تحملين لانه كل شي بيد الله سبحانه و عليك بالدعاء و كل الحريم يحملون و هم يمارسون الحياة الطبيعية و اللي بتحمل بالانابيب ماتفرق عنهم بشي بس منعنا من الجماع طوال فترة الانتظار غير كذا ولا شي بس انا من نفسي حاولت اريح نفسي و الاكل حاولت ما الخبط و اخفف قهوة و شاي بس اللي ماعجبني عندهم انهم بعد الترجيع مباشره قوموني من على السرير و رحت غرفه جنبها و انا امشي قالوا اذا تبغين ترتاحين شوي عادي اجلسي يعني ما امدا الدكتور يطلع الا و انا طالعه وراه و هذا نظامهم والبنات هنا يقولوا انهم اكثرهم اذا مو كلهم يجلسون على نفس السرير اللي ينعمل عليه الترجيع فتره بعد الترجيع والله اعلم و ما كتب لي اي ادويه غير تحاميل التثبيت و الدكتوره قدرية كتبت لي على الفوليك قالت خذيه بعد الغداء

طبعا انا شخصيا ما اعرف احد سوا عنده و نجحت معاه بس وحده الله يجزاها خير في الاستراحه عندهم قالت لي سوي اطفال انابيب و ريحي بالك و الحقي عمرك وانتي صغيره تقول انها هي سوتها و صار عندها بنت و من يومها حطيت الفكره في بالي لاني سويت تلقيح صناعي مرتين و ما فاد وانتي اذا رحتي هناك فيه عند الرسبشن ( الاستقبال ) لوحه معلق عليها صور اطفال ساعدوا ابائهم و امهاتهم على انجابهم و ش كثر الصور حتى التوائم الثلاثي يمكن 5 او 6 صور و الدكتور نفسه متصور مع الاطفال يعني روحي و انتي متطمنه

انا سألت اخصائي في مستشفى ثاني عن احتمالية نجاح العمليه قال كلما كانت تحاليل الزوجه و الزوج كويسه و الاهم صغر سن الزوجه تكون فرصة النجاح افضل وكلما كبرت الوحده تقل فرص النجاح

طبعا تكلفة العمليه وحدها بدون العلاجات 7500 طبعا زوجي قرا في الورقة مكتوب تخفيض 2500 وش مناسبة التخفيض مدري بس انا من زمان اراجع عندهم بس اول مره اسوي تلقيح مجهري


كمان يمدحون محمد السنيدي في مركز مستشارك بس انا ما عمري تعاملت معهم

الله يوفقك يارب و يرزقك الذرية الصالحه و يفرح قلبك و قلب زوجك و لا تنسيني من دعواتك

نينا ياقلبي الله يوفقك ويوفق كل من ردت علي



المهم حمستيني اسويها الله كريم


بس ودي اعرف لازم احجز مثلا ؟

وكم الكشفيه؟

لان ودي اروح الاسبوع الجاي او اللي بعده

قبل الدوره ماتجي؟

وش رايك؟


انا بكذا انتهت مشاركاتي اليوم