تجاربكم مع التسوق عبر التطبيقات ؟؟// تم تعديل العنوان

مريت في فتره ما اقدر اروح فيها السوق وكنت محتاجه أغراض تكون متوفرة عندي خلال شهر وهالشهر زوجي كان مشغول مايقدر يوديني السوق
رحت حملت برنامج .... واخترت لي 3 أشياء كنت محتاجتهم وحطيت كود خصم وخصم لي وشئ بعد أسبوع جاتني وحده من الطلبيه واستلمتهاً كل شي تمام الأسبوع الثاني جاتني الطلبيه الثانية واستلمتها ودفعت الفلوس بعدها فتحت التطبيق لقيت الغرض هذا سعره نص المبلغ اللي اخذه مني طبعاً رحت اتصلت ع المندوب اللي جابه لي كيف كذا قال ما ادري هذا السعر مكتوب المشكله ما اقدر أرجعهم لأني محتاجتهم والطلبيه الثالثه جاتني امس بس ما استلمتها تخيلو ليش لان انا شقتي دور الثالث والمندوب مو راضي يطلع فوق يقول نظامنا مو كذا ششششلون ابي افهم من متى تغير عندكم النظام وانا استلمت منكم طلبيتين عند باب شقتي يقول خلي احد ينزل تحت او انزلي انتي شلون انزل انا حسبي الله عليهم وكنسلت الطلبيه الحين هم قاهريني وابي ارفع شكوى عليهم شلون ما عرفت
انتو اكتبو لي تجاربكم عشان الكل يستفيد