تجاربكم مع الثوم للشعر

ياليت احد يفيدنا

هلا بك غاليتي
والله الثوم هذاا خرافي للشعر ولكن
قبل ماتبدئين باي علاج ابحثي عن سبب المشكله في تساقط شعرك والصلع او الفراغات الي عندك يعني مثلا سوي تحاليل دم وهرمونات وشوفي الغده عندك لان اذا فيهم مشكله شو ماسويتي من حلول ماراح تعطيك نتيجه لازم تعالجين المشكله المسببه للصلع بعض الاحيان يكون فيه خمول بالغده الدرقيه ويسبب التساقط الرهيب والفراغات وبعض الاحيان الهرمونات الذكوريه تكون مرتفعه وتسبب الصلع واي اضطراب هرموني له مشكله بالتساقط والصلع لذلك ينبغي علاج المشكله الداخليه المسببه اولا ثم نحل المشكله الخارجيه الي سببها الخلل الداخلي
ثاني شي عزيزتي اولا واخيرا عليكي بالغذاء الصحيح والرياضه والبعد عن المواد الغذائيه المصنعه يعني اندومي والشيبس والغازيات ووو....
ثالثا اقترح عليكي الكشف عند دكتوره لانها راح تعطيكي فيتامينات مناسبه واطلبي منها تعطيكي فيتامينات ماتزود الوزن
رابعا وهذي من تجربه ادفني شعرك بالتراب والتصدق عنه بوزنه وهذا بالسنه
خامسا اذا اردتي شعر طويل قصيه في ليلة اكتمال البدر
سادسا العنااايه بالزيووت والحناء
سابعا والله اني طولتها وماجبنا طاري الثوم ولكن غاليتي انا جربت الثوم والله لم ارى شي اقوى من الثوم على الشعر يعني ماشاءالله تبارك الله اذا حطيت الثوم على شعري واخليه ساعتين او 3 لان الريحه احلى من باريس غاليري شويتين والله لمن اغسل الشعر واجي اسحبو بيدي والله ماتنزل ولاشعره بصراااحه الثوم علاج فتاااك وقوي للتساقط ومع الوقت ينبت شعر جديد لكن استحملي ريحة باريس غاليري ههههههههههه طبعا اقصد الله يعينك على الريحه تقوليين كشنة واتتعس من الكشنه بس بعد الشاور بخري شعرك وهو مبلل وحطي خمريات للشعر بس حابه افيديك بشي وانا باذن الله بشتريه باقرب وقت فيه تونيك يقولون بخلاصة الثوم اسمه سورسير وهذا الرابط حقه
http://forum.hawaaworld.com/showthread.php?t=1987296
وثامنا بطلب طلب انك تسامحيني لو غثيتك بكثر هرجي بس انا مثلك اعاني وبحثت كثيررررررررررررر عن اسباب تساقط وصلع الشعر واستفدت كثيرررر وحابه افيدك وعلى فكره انا جربت علاجات الشعر مثل المينكسدويل والريجين كلها حلول مؤقته صح تنبت الشعر بس اول ماتوقفيه الشعر كله يتساقط وترجعين للفراغات عشان كذا قررت على الاشياء الطبيعيه الحنا والزيوت والبنات ماشاءالله بالمنتدى منزلين خلطات زيوت خرااافيه وناوي اسويها واشتري منها
حبيت اذكرك بشي بالنسبه للثوم انا عن نفسي اخلطه في فرامة الثوم الخاصه فيه تلاقينها بالمحلات حقت الاواني بعشره ريال قولي له فرامة ثوم وهي يدويه حطي مثلا 7 او 8 فصوص زي ماتحبي وافرميها الين تتطلع مويتها وبعدين خذي قفاز نايلون وخذي من الثوم وافركي فيه فروة الراس ترى هذا اهم شي فروة الراس وهي تحرق شوي بتحسين بحراره بس مو مشكله هذا المطلوب عشان يحفز الجذور عشان تنبت الشعر بس انا كمان استفدت طريقه ثانيه ممكن تفرمين راس او راسين ثوم وتحطينه بالزيت حقك وتحطين العلبه بالشمس او تخلينه اسبوعين او 3 مو شرط شمس بعدين الزيت راح تنقع مع الثوم وبتستفيدين برضو من فوائد الثوم ادري هرجي كثيررر بس والله حابه تستفيدين ولاتنسين الدعاء والاستفغار والصدقه بنية علاج شعرك واذا رحتي لمكه واخذتي عمره تغسلي من ماء زمزم وغسلي شعرك من زمزم بنية الشفاء وكل شي تسويه لنفسك تحفظي فيه من باب اقضو حوائجكم بالسر والكتمان ولاتنسين الاذكار الصباحية والمسائيه والتحصين اهم شي تحصنين نفسك كل يوم صبح ومساء
وهذا رابط مووضوعي عن تزييت الشعر ان شاءالله تستفيدين منه
http://forum.hawaaworld.com/showthread.php?t=2594995
ولاتنسيني من دعوه طيبه بظهر الغيب بارك الله فيك وسامحينا على الاطاله

سبحان الله

مشكورة دبدوبة بس طيولة

الاخت اسمى سوسو لاكثرت كلام ولاشي اشكرك من قلبي فرحتيني بردك كلامك كله احسه من صميم قلبك ههههههههههههههههه بس باريس غاليري مرررررة حلوة
يسلمو حبييبتي الله يوفقك ويحقق للك كل اللي في بالك

الاخت نور الكون 2010مشكورة على ردك

الله يرزقنا ياكريم ويرزق الجميع امين يااااارب