شذى لندن @shth_lndn

عضوة نشيطة

تجاربكم مع الدوبزيت

إن شاء الله بعد شهرين بنطلع من شقتنا, وياعيني عليها كل الإصابات فيها :icon33:, الطاولة ترقل ومتمخشه وحالتها حاله, والشوفنيره تكسرت أدراجها,ودرج المطبخ جته موية وتنفخ شوي مو باين مرة بس اللي يركز واضح, والجدران رايحة فيها, والكثير الكثير..

طبعا بنحاول ننقذ مايمكن إنقاذه بنضرب الجدران بويه,وبنشري طاولة وشوفنيره جديده, والمطبخ:angry2:
بعد هذا تتوقعون يرجعون الدوبزيت:o والإ على قولة:arb:بياخذون زيادة..
أنتم باللي غيرتو بيوتكم وش صار عليكم مع الدوبزيت؟؟
أنتظر ردودكم

يلزم عليك تسجيل الدخول أولًا لكتابة تعليق.

تسجيل دخول

مجبوره أرحل • 15 سنة

حنا صار لنا موقف

تخيييلي انه كل شي تمااام..بس صاحب البيت الا يبي ياخذ منه فايش سووى

بعد ماطلعناا وسلمنا المكتب المفتااح ..كسراحد ابواب دولاب المطبخ وصووره ..

ووكان فيه رف بالمطبخ موجود من استلمنا البيت شال الرف وصور الثقب الموجود حق مسمار الرف وقال انه حنا الي ثقبنااه

وفيه اشياء لنا حنا مو له مانبيهن تركناهن بالبيت فمصورهن يقول تحتاج لتنظيف وخصم منا 300 باوند

زووجي يوم شاف الصور انقهرر .واخذ وعطى مع المكتب واشتكاه اخرتها رجع ثلاثة ارباع المبلغ الحمدلله

فاانتوو اذا كان طيب يمكن يخصم قيمة الاشياء الي خربتوهاا واذا كان شر احلمووو تشوفون بنس

اصلن مره شفت برنامج عن الدوبزيت وان اصحاب البيوت حراميه ودايم مشااكل وانهم يعانون من المشكله هذي

نصيحه للبنات تصورون البيت بوجود صاحبه قبل ماتطلعوون منه علشان مايسرقونكم

بنت الناس 99 • 15 سنة

انا عن تجربه عمر الديبوزت مارجعلنا بامريكا ونطلع من الشقه و99 بالميه مافيها اى شى لكن ماخذينه ماخذينه

ريماريو • 15 سنة

انا سكنت بيتين في امريكا واحد اخذ فلوس لتغسيل الموكيت بس يعني50$ ورجع الباقي

اما الثاني بهذلونا شوي واخذو مننا حوالي 300$ورجعو الباقي..

الله يعينكم ان شاء الله

مشيمشة • 15 سنة

بالنسبة لينا ايرجعولنا فيه
لان لما انسلموا لهم البيت مثل ماهو خلاص ايرجعوه لنا
واعتقد انتم اذا صاير كثير مخرب رح ياخدوه كله
او بعض منه على حسب الدمج
والله ايعوض عليكم ان شاء الله

شذى لندن • 15 سنة

الله يجبر بخاطركم اللي ردو علي, ومثل ماقلتلكم حنا بنضبط كل شي وبنشري جديد بدل اللي خرب(رغم إن الأثاث مستعمل قبلنا وفيه خدوش وعيالي كملو عليه), بس درج المطبخ شايله همه مدري شلون أضبطه رغم أنه مو باين يبيله تدقيق, الخوف بعد التضبيط كله والخساير يخصمون, الله يعين ويكتب لنا الخير..