الحليب توقفينه عنه اذا كان كبير انا ولدي سنتين عشان كذا استغني عنه كم من يوم واعطيه نعناع او شاااي قهوه اي شي عشان يلين البلغم اما الصغير لا لا تقطعينه
وبعدين لا تكبريني لو سمحتي :( ترى ماعندي الا سعود <<< وجه معصب حيل,,

up

الله يشفيهم يارب
بس اللي اعرفه ان البرد مو زين لهم يعيني انتبهو الفتره هذي بزيااده

بنات هذا الكريم زين تدهنين فيه صدر وظهر اللي فيه ربو وبعد ماتدهنينه تغطينه وتدفينه يساعد على توسيع الشعب ويريح عن تجربه

حلو الموضوع الله يشفينا وياكم أنا أخواني فيهم ربواوزوجي وولدي عنده حساسية صدر الحمدلله يارب بس الدنيا تطورت تقدرين تجيبين أجهزة البخار عندك وبرضوا البخاخات ....... والله أمي وأبوي الله يجزاهم الجنة عانوا معهم(أخواني ) مرة وقتها ماكانت منتشرة سالفة الأجهزة مرة وكانوا أبوي يتردد بأخوي كل 6ساعات يروح ياخذ جلسة أكسجين ولا كان فيه جوالات الحمدلله على النعمة والله أمي إنكتم مرة عليها أخوي فجأة وأبوي ماكان موجود وطلعت ياقلبي للشارع وهي شايلة أخوي ماتدري وين تروح الله يعظم أجرهم .........المهم بقولكم حصيلتي من التجااااااااااااااااااارب...............



أخطرررررررررر شي أحسه السيراميك البارد على طول بالصدر يعني مع البرد لازم الشراب بس ذبحني ولدي دايم فاصخهن مدري وش الحل معه >>>> يقالي أعطيكم الحلول خخخ


المهم اللي عندها موكيت فرش تشيله لأنها من المسببات الرئيسية للربو والسجاد غسليه بشكل دوري وعرضيه للشمس ........

الستاير يفضل غرفة الأطفال تكون من الخشب حقت إيكيا وطقتها سهل تنظيفها وماتجمع غباااار .......

بالنسبة للعلاجات غالبا الصدر يجي معه حرارة عالية إنتبهوا من تحاميل الفولتارين تكتم الصدر على طول مرة ولدي كانت عليه حرارة وصدره مكتوم شوي المهم عطيته تحميلة فولتارين وعشر دقايق والولد طاح نايم أنا حسبته إرتاح ونام وأروح أشوف ولا الولد موللللللللللللللع نااااااااار ومايقدر يتنفس والله ذيك الليلة تخرعت الحمدلله وماكن عندي إلا أمي كنت نفاس عندها يارب الحمدلله ..........

بالنسبة للحرارة الرقية مممتاااااااااااااااااااازة جدا الفاتحة سبع مرااااااااااات مع النفث

وش بعد أمممممممممممممممم ايه الأكل برضوا الفول السوداني الموز هذي كلها تهيج الحساسية .........

وسمعت عن الفصد يقولون ممتاز للصدر بس أتوقع هذا يصلح للكبار .........

فيه واحد ماشاالله عمه تشافى من الربومن الله ثم شرب حليب وبول الناقة كل يوم ولازم ناقة بكر وراعية بربيع مو شعير وخرابيط والبول مذكور بالسنة بس من يقدر يجيبه >>>> شكلي بربي ناقة عندي بالحوش أقرب .......

هذا اللي على بالي إذا تذكرت شي برجع ولا تنسونا من دعواتكم ربي يفرج علينا همنا ويشفي قلب بنيتي ..........