لا اله الا الله

انا قبل تقريبا اربع سنوات قلت بأرقي نفسي رحت توضيت وقرات رقيه موجوده في كتاب تفسير العشر الاخير وبعدها بدات اقرا سوره البقره في البدايه حسيت نفسي انكتم واتنفس بصحوبه وبعدين حسيت يدي اللي ماسكه المصحف تصلبت وطاح من يدي خفت وجريت لعند زوجي وما مداني اصل الا طحت وانصرعت صرع شديد كل ايديني ورجولي تنتفض بشكل مخيف وصراخ قوي يخرج من حلقي وزوجي يحاول يهديني وما قدر بعدها راحوا لشيخ واعطاهم مويه مقريه وزيت وخف الصرع شوي وقدرت انام لكن ابتدى مشوار الرقيه والتعب الجسدي والنفسي والكوابيس لمدة اربع شهور بعدها الحمد لله تعافيت تدريجيا

انا قرا علي شيخ في بيتي بحضور زوجي وتعبت حيل وطرشت
واحس اني بموت قال فيه ربط والله خفت وقلت ربط وش حقه قال عشان الحمل
ما تحملين
حسبي الله على من آذاني وزوجي وجميع المسلمين

يارب رحمتك الله يشفي كل مبتلى لاحول ولا قوة الا بالله

و الله في ناس تقدر تقرا على نفسها ماشا الله

و هذي اللي تعبها تقريبا خفيف

لكن في ناس ماتقدر حتى تمسك المصحف تبكي و تتعب

و الأفضل الواحد إذا حس بتعب يروح لراقي ثقة و هو يدله

لأن الراقي الثقة نفس الطبيب يعطيك برنامج لحالتك و يتابعك

و أولا و آخرا الشفاء بيد ربي وحده نسأله ييسر لنا سبل الشفاء


و ماتشوفين شر يارب