تجاربكم مع الصدقة

......

والله يا اختي الواحد لو بيده شي كان ماقصر عـ الجميعـ

الصدقه مثل ماتيسري أمور ناس تتيسر لك أمور كثيره

أنتي روحي عند جمعيه وشوفي المتجمعين حواليها من المحتاجين

حرررام بالله تعطيهم كل الي فمحفظتك بس عشان تيسري أمور ومنها دعوه صالحه منهم

ياليتني اقدررررر أوفيهم جميعـ الله يرحم حالهم

أخر مره اتصدقت ببداية رمضان وفرج همي ولله الحمد قبل نهاية رمضان ...

الصدقه بركه بالوقت والمال
غير الراحه النفسيه
توكلي ع الله وتصدقي لوجه الله تعالى والباقي ع ربك

جزاكن الله خير

الصدقة سبحان الله رااااحة نفسية عظيمة
وتيسير للأمور
وبركة في المال
و رفع بلاء ، ودفع شر
ودواء أمراض
يكفي قوله صلى الله عليه وسلم : ( داوو مرضاكم بالصدقة )

وبالنسبة لي شخصياً وتجاربي اللي هو موقف ما انساه
تصدقت في مبلغ بسيط على محتاج
وكنت في ذاك الوقت أمر بأزمه مادية وشبه معدمه من ناحية الفلوس
وبحاجه للريال الواحد
ولكن ظرف هالشخص ما قدرت اتغاضاه لأنه كان في حاجه أشد مني
والله الذي لا إله إلا هو في ليلة ذاك اليوم اعطيته المبلغ البسيط اللي معي
اليوم الثاني جتني أضعاااف هذا المبلغ البسيط
حسيت في قلبي ثلجة حسيت اني زي المصدومه عرفت انها هذي الصدقة اللي عطيتها لهذا المحتاج
مباشرة من وقتها عرفت انها هي رجعت مضاااعفه
يشهد الله انه هذا اللي صار ما زودت حرف ولا نقصت حرف
وسبحان الله حتى لو تصدقتوا وما شفتوا اثرها فتكون حُفظت لك الى يوم تكونين بحاجه ربع حسنة
او دفع بها الله عنك بلاء مقدر يصيبك او يصيب غواليك