الله يرحمها ويغفر لها.. وجزاك الله الخير عالنصيحه.

الامر لايخلو من المجاكرات والحركات النسوانيه بس كل الي عليك تجاهل لين ربي يفرجها

وانتِ كل ما احد رد عليك ولا اعجبك كلامه قلتِ اهدي ولاتعصبين ترى اخر همنا حياتك لكن لاتجينا بعد فترة من الزواج تبكين وتقرفينا ف المنتدى بالشكاوي المعروفه من سنين (الحماه والكنه )لايتفقون الا نادراً ولا تنسين هدي اعصابك

😂

الله يرحمها ام زوجي في البدايه كانت العلاقه متوتره غيره على ولدها وطبعا تاثير خوات زوجي على امهن
بس انا كنت ما ادقق على مشاكل وتجاهلها ولكن كنت حازمه وتعامل معاهم بثقه واحترام لا ارضا حد يمسني
واذا صار بيني وبينهم مشكله تكون بيني وبينهم و اوصلها لزوجي لان انا صراحه
ماحب ان زوجي يدخل بينا زي مايعطوني اعطيهم وخلاص انتهاء
وبعدين عمي تزوج على عمتي وانا صراحه عمي كان يحبني كثير ومايرد لي طلب فكان اذا صار معاهم مشكله مع عمتي اوقف ضده واقول انت غلطان وانصحه كان شديد تجاه عمتي وعيالها وحتى زوجي مايقدر يدافع عن امه وكنت
ااوقف مع عمتي الله يرحمها ضده عمي وراجعه وانصحه ويتقبل مني كنت اكثر من زوجة ابن كنت مثل بنته وصديقته وكان الله يرحمة مايسوي شي الا لما يخبرني ويستشيرني
وبعدين و زوجته الثانيه كانت لطيفه ونعم الزوجه وكانت تحب عياله
وبعدين صار بينا احترام نحن وياها وعيال عمتي كانت جداً محترمه

وبعدين تزوجو اخو زوجي و خواته
ووعمتي الله يرحمها كانت تغييير علينا من ضرتها وصارت تتحسس ونقلبت علي
بس انا صراحه مالمتها وكنت اراعي مشاعرها وحتى لو غلطت فيني مالومها
وتجاهلت النقد والزعل وماعلق عليه برغم كنت اسمع منها كلمات جراحه
بس كنت اعمل نفسي ماسمعت تتكلم مع الحريم وتتكلم عن خطيبات عيالها الجدد
وبعدين باقي العيال تزوجو وانا سافرت عند زوجي خارج الوطن وانا تميت على احترامي لها ولعمي وعاملتهم مثل اهلي
وجن حريم العيال وشافو الفرق الي بيني وبين الحريم الجدد وصرت لما اتصل عليهم قسم بالله يبكو بكى لما يسمعو صوتي
ومشت الايام وسنين ومروضو وسافر لعمي في دوله غريبه وهو مريض وكنت جالسه عنده اعتني به كان ماينام الا ويدي في يده ومات الله يرحمه
بعده كم سنه مرضت عمتي في كورونا وعي تنادي اسمي في موتها
والحمدلله عاملتهم بمحبه واعتبرتهم عائلتي الى جانب عائلتي و زوجي كان يحترم اهلي تحترام كبير وانا بادلت ذلك في اهله والحمدلله الله يرحمهم جميعا

الاحترام مفتاح المحبه
وكنت احرص على صلتهم
والحين خوات زوجي يعتبروني اختهم وصديقتهم واختهم بخلاف زوجات اخواتهم الثانيات
عند ينوي الانسان الصلاح يعينه الله
وعندما ينوي الشر يعين الشيطان
اخلصو اعمالكم
كنت اقول من صبر نال والحمدلله نلت الكثير بصبر المشاكل وحاولت اني اسيرها حتى تجد طريق الموده وفعلا وجدته واحمدلله ..

١ اعتبريها كأنها خالتك اخت امك او عمتك او اختك الكبيرة
اذا كانت غيروة عامليها زي مابتتعاملي مع احد من أهلك مو تعتبرينها عدوة وهذا عشان راحتك النفسية اولا

علاقتك بزوجك شي خاص بكلل تفاصيله لاتقولي جاب لي او سوا لي او رحنا او جينا ابد

التغافل عن كثيير اشياء

تكون عندك حدود واضحة لزوجك امه على العين والرأس لكن مالها علاقة فيك ايش تسوي ايش ماتسوين متى تروحين متى تجين وكذا

اذا كنتو في بيت واحد كل شى فيه مشترك
انتبهي للبسك الف لاتتطلعي من غرفة نومك بلبس مستنكر عندكم او عندهم او مايناسب عاداتكم او عاداتهم ،،
اشوف بنات تطلع من غرفتها بلبس تستحين تلبسينه حتى بغرفتك وتمر قدام خوات زوجها وأمه الي في عمر امها واكبر
بعذر انه والله بيتي حتى انا عييب والله حتى امك ماتلبسي قدامها هذا اللبس

..
اذا كانت كبيرة وماتقدر تخدم نفسها يعني بالستين مثلا وحولها حاولو نظامكم يكون محدد يعني الغداء بوقته والعشاء بوقته
وعامليها مثل ماتحبين تعامل زوجة اخوك امك وزي ماتحبين تعاملك زوجة ولدك