تجاربكم مع رؤاكم واحلامكم التي وقعت

عندي تجارب كثيرة مع الرؤى وأغلبها تحققت

لي عودة ان شاء الله

موضوع جميل

وعليكم السلام ورحمة الله وبركاته
انا لاحلمت بشي وتفسيره شين يقع على طول بالكثير أسبوع
فمره حلمت أني سافرت انا وأخوي وأمي خارج السعوديه،،،ولاهتميت بالحلم بعد أسبوع جانن خبر صدمني صدمني صدمني ومن نفس المنطقه الي تسكن فيها عمتي خارج السعوديه فتغير تفكيري وثقتي فصار الحلم هو. الي حصل أن السفر الانتقال من حال لآخر وفعلا تغير تفكيري بذاك الموضوع من حال لحال آخر
،،،
ومره قالتلي بنت خالي سالفه بعايلتنا وان هاالشي بيصير على حسابي تأثرت حيل ودعيت ربي مايحصل هاالشي الوكاد حلمت ببنت خالي وخالتي أنهن جاياتن بالبيت وان هاالسالفه صارت وعلى حسابي صحيت من النوم بس بوضع حائر مزعج هل الحلم يدل أن هاالسالفه بتصير وإلا مو صايره وبعد أسبوع بالكثير حصلت هاالسالفه لكن مو على حسابي صحيح هاالسالفه اثرت فيني حيل وتعبت منه بس أهون من ألوضع الثاني فيمكن الحلم يكون تمديد لي والله اعلم
،،،
وأحلام كثيره لكن!!! الحلم الي يكون معناه مؤلم لي هو الي يقع بسرعه
بس الي يكون تفسيره جميل للحين لي سنتين ماصار
والله اعللللم

احلام كثيييرة حلمت فيها ووقعت ,,

بعضها خير وبعضها شر ,, من بينها

ابوي يموت في الاسهم ماادري ليه ,, مع انه دائما يخسر ,,

العام الماضي حلمت انه اشترك في شركة معينه وخسرت ,, وفي نفس الحلم يقول لي

آه يَ رأسي ,, ي بنتي ضاع شقى عمري ,, وبما ان الفلوس الا كانت عنده فعلاً شقى عمره

وكان ناوي يشتري فيها بيت لاننا ساكنين اجار ,, صحيت من نومي 12 ظهراً ورحت له مباشرة

وقلت لها يبه اليوم لاتشتري اسهم تراها بتنزل ,, المشكلة ما يأثر فيه خخخخ


شر ى وفعلاً نلت نلت قويه جدا جدا ,, بس ماباعهم ,, بعد فترة يمكن شهرين او 3

رجعت حلمت انها ارتفعت وصحيت وقلت له قال لي ادري خخخخ والحمد لله رجعت


,,, قبل 4 سنوات تقريباً حلمت اني رايحه السوق مع بنت خالتي

بنت خالتي ذي في عمري صديقه العمر عندها 3 خوات اصغر منها .. وخواتي العابات كانو معانا

الموهم وحنا في السوق قالت لي بتطلب فلوس ,, قلت لها استحي ليش تطلبي فلوس وانتي عندك

قالت لي ,, بطلب ريال وبي بيعطيني 4

الموهم لما قلت الحلم لامي ,,قالت لي طلب الفلوس ,, كان طلب الفلوس والله اعلم هي طالبه من ربها الوج الصالح

وكلمتها الله بيرقني 4 ,, تقصد اواج لها ولخواتها ,, وفعلا حلمي كان صباح السبت وليله الاثنين انخطبت هي



قبل لاتنخطب بشهر تقريباً حلمت اننا في صحراء فيها خيول ,, رحنا نركض كل وحدة تبي تركب على خيل خخخ

وي ركبت قبلي ,, وفسرتتها مباشرة لانها واضحه انها راح تنخطب قبلي وذا الا صار ’’


قبل خطوبتي ,, حلمت اني رايحه السوق ودائما العبايه الاتعجبني قصيرة علي شوي ,,!!

وفهمتها اني باخد رجال اصغر مني ,,

وحتى مرة حلمت اني رايحه اشتري جزمة وعجبتني وحدة صغيرة علي بس دخلت في رجلي

وفعلاً زوجي اصغر مني 6 شهور ,, والحمد لله


ولي من تجارب الآحلام الشيء الكثير

وكانت كل احلامي الصادقه في فترة كنت اقرأ فيها سورة البقرة نصف الليل

واصلي صلاة الليل ,, وصلوات مستحبات واستغفر كثييير ,, واشعر بنقاء عجييييب

انا فترة زواجي كنت احلم بثعابين كثيرة واحجامها مختلفة
مااهتميت بس يوم جا في بالي افسره
اللي صار يومها صار خلاف وانفصلت بعد التفسير مباشرة وكان تفسيره ناس يكيدون لي ويخططون من وراي وانا على نياتي
وهالفترة كثير احلم يمكن من سنة تتكرر الرؤية اني اقرا سورة مريم من اولها بصوت جميل جدا وجهوري وتفسيره انه ناس ظلموني وربي راح يعليني عليهم وينصرني وسمعه طيبة