سبحان الله وبحمده عدد خلقه ورضاء نفسه وزينة عرشه ومدااد كلامااااته ..
استغفر الله ,,, استغفر الله

يابنااااااااااات احذرو الاندومي والله انه يجيب الامراض لاتقولون الشغالات ياكلونه هم غير وحنا غير

شوفي حبيبتي و عن تجربه لما تتقضين بالكراتين كثيييييييير بتوفرين لما عملت كذا استفدت اني في السابق كنت كل شهر اروح اشتري الطلبات تلقيني اشيل اشياء ما احتاجها ... هالطريقة تريح من كل النواحي ... و الحين حتى لو احتجت ارسل السايق يجيب اتجنب اروح بنفسي ... المهم حددي خانتين ... الاولى للمقاضي الى ما تنوكل ( المنظفات للبيت مواد العناية الشخصية الاسفنج الفوط البلاسيكات بأنواعها ) و الثانية للمقاضي الى تنوكل ( رز مكرونة زيت سكر مربى و غيرة ) حددي المدة الي راح تخزني فيها هذى المواد و المدة تقدري تحدديها حسب ميزانيتك و مساحة المخزن الي عندك مثلا انا عندي مبلغ حلو و اقدر اشتري كميات بس ما عندي مكان للتخزين يعني حددي كل شي عشان ما تتعبين . مهم انك تبحثين عن افضل الاماكن الي عندها المقاضي بمبلغ حلو ... بس نصيحة تقضي بالكراتين و ريحي نفسك .. و لا تنسي خففي من استهلاك الزيت للمقالي اشوي احسن و خففي عمل الحلى ما وراه الا المضرة للجسم و الخسارة ... موفقة ... دعواتك اختي .. و لا تنسي اذا تقضيتي قولي لنا اش خذتي

والله أنا بقسم أغراضي لقسمين

قسم من الجملة واخذة بالكرتون

وقسم من السوبر ماركت

اللي بالجملة مثل الزيت واخذ كرتون العربي للقلي

ونصف كرتون عافية للطبخ يجلس فيني الزيت شهرين

تايد كرتون ابو حبة صغيرة برضو يجلس شهرين ما اقضي

السفر السفرية البلاستك

واكياس النفايات وكلها تجلس من شهرين الى ثلاث شهور

اخذ 3 كراتين دجاج الوطنية

واخذ كرتوب جبنة سائلة

واخذ كرتوب قشطة قمير للحلويات

وكرتون بسكويت الشاي للحلويات

واخذ كرتون طماطم مقشر

واخذ من الجملة معجون الطماطم والكلوركس

والفوط النسائية

وحفائظ الأطفال

والمناديل الرول حقت دورات المياة والمناديل العادية

واغلب الأشياء تجلس عندي شهرين وبعضها شهرين ونصف ثلاثة

وبصراحة مرتاحة مرة من الروحة والجية

وكل الأغراض بتكون عندي على مدار الشهر ماتجيني اوقات زنقات !!

وتوفر اكيد اكثر من المفرق

السوبر ماركت هذا للدلع بس مع اني ادفع فية مابين 1200 الى 1700 ريال

واغلب المشتريات هياغراض الحلويات والنواشف

وادوات التنظيف وادوات للمطبخ وكريمات وادوات نظافة شخصية

ولا انسى الحلويات اللي هي الشوكولا والشيبسات اجيبها من الجملة !

زيت العربي اما الكراتين ماجربنا لو انه اسهل من التقضي كل اسبوع