هلا اختي انا مع هدوء الليل قلبا وقالبا وتقريبا نفس الطريقه الا اني اضيف شي ان عندي شغاله وهذي بصراحه مشكله تعلم الاطفال على الاتكاليه وكانت شغالتي ما تفهم في البدايه قصدي تزعل اذا شافتني اطلب من اعيالي شي وتقول انا ليش يجي هنا قلت لها انا لازم اعلم بيبي علشان كبير يصير رجال كويس

المهم عندي بنتين علمتهم كيف يستقبلون الضيوف وكيف يرتبون غرفة الضيوف حتى اني صرت اتعمد ان الشغاله تنام الظهر ثم اقول لهم العصر بيجينا ضيوف لااقوم الا كل شي مسنع طبعا من مسح الغرفه وتبخيرها وايضا تجهيزهم لانفسهم يلبسون ويتهندمون طبعا في البدايه وجدت صعوبه بالغه لان بناتي ماهم متقبلين انهم يجون من المدرسه ولا ينامون وفوق هذا يستقبلوا الضيوف ويضيفوهم

ايضا رمضان لازم كل يوم على وحده اعداد السفره طبعا الفطور تجهزه الشغاله وانا لكن تقديم السفره والقهوه اخليهم هم الللي يصلحونها ويعدون الفناجيل والكاسات وكذلك العصير واكوابه والمناديل خلاص معروف اليوم على فلانه وبكره على فلانه يعني كلن عارف دوره وطبعا اذا راح ابوهم لصلاة المغرب يضفن السفره ويجددنها وانا اروح اصلي المغرب القاهم حاطين الفطور اللي بعد المغرب ومغسلين اواني الفطور اللي قبل الاذان طبعا مو كل شي على الشغاله لان هي بعد مسلمه وتبي تفطر وتصلي مثلنا مثلها والسحور برمضان نفس الشي ما اصحي الشغاله علشان تعمل قهوه وشاهي لان زوجي لازم قهوه وشاهي وكبسة ارز فطبعا هم يجهزوا القهوه والشاي والعصير ونصحي ونصحي الشغاله تجهز الكبسة

وطبعا لازم كل وحده من بناتي تسوي لنا شي يافطاير ياخلية نحل يابيتزا ياكفته اي شي الكتب ماليه المطبخ على فكره في البدايه عجزوني وعجزت عنهم ولكن هالحين الحمدلله تعودوا وصار الموضوع عادي فطبعا بناتي وحده بسادس وحده باول متوسط

اما العيال بالنسبه لدراستهم ما فيه شي اسمه تعال بجنبي ادرسك نوي اموت ولا ادرس واحد فيهم احس اني خلاص مليت من الطريقه هذي فقط باول ابتدائي اتعب معهم لكن ثاني لا اخليهم يتهجون القران والقراء ويحفظون والكلمة اللي ما يعرفون يقراونها يجون عندي اقراها لهم هالحين بثاني اذا حفظ القران يجي عندي ويقول اقرئي لي هذي ما اعرف لها اما اجلس اردد وهو يردد وراي ما اقدر استحمل هالطريقه

ايضا الظهر لما اجي من المدرسه ونتغدى ادخل غرفتي وياويل واحد يطق علي الباب وياويلهم اذا سمعت ازعاجهم خلاص اللي يبي ينام ينام اللي يبي يتفرج على فلم كرتون يتفرج واللي يبي يذاكر يذاكر بس ازعاج ممنوع واذا صار وسمعت اصراخ احدهم او لجه وصجه طلعت عليهم وسكرت التلفزيون وضربتهم والعصر احرمهم بعد من الحوش والتلفزيون والحمدلله خلاص ما عاد فيه ازعاج وقت الظهر وعودتهم اذا اذن العصر يطقون علي الباب علشان اقوم

وطبعا من صغرهم عودتهم قبل النوم كل واحد لازم يروح للحمام ووالكرامه لكم ويفرشون اسنانهم وكل واحد يتجه للنوم يعني عشر ما في البيت احد

واذا مشوا للمدرسه انا امشي قبلهم لكن اقولهم قبل ما امشي يالله كلكم قولوا دعاء الخروج من المنزل لاني ما اظمن يقولونه اذا رحت وايضا لما نخرج لاي مكان اقولهم يالله باسم الله وعلى طول يقولون دعاء الخروج من المنزل

اذا جاءوا من المدرسه او حتى راحوا لها اقولهم يالله حبه ملكي فطبعا يحبون راسي وخشمي ومتني ويدي فزوجي طبعا يضحك يقول والله انك شايفه نفسك قلت كيفي خلني ادلع نفسي وعلشان هم بعد يتعودون الحنان والرحمة واذا جو من المرسه لازم حبه ملكي

رفع

اشكر كل اللي ردوا علي وكلامك يا هدوؤ الليل صحيح ومو بس كذا الا انا ارحمهم كثير ولا احبهم يتعبون زي مااتعب والحزم عندي في كل الامور الامع زوجي وعيالي وشكرا لك امي اغلى ماعندي يبغالي اتعلم منك الحزم ماشاء الله عليك واسلوبك رائع ويعلمهم كيف يكونون بارين بك لمايكبروا معليش اناطماعة شوي قولوالي كيف اقسم المهام بينهم لانه لما تقوم البنت تشتغل معي تقول وشمعنى الاولاد مايسووا شئ والاولاد كمان يقهرونها يقولوا احنا رجال مانشتغل في البيت يعني اشممكن يعملوا الاولاد في البيت واللي عمره 13 اشيسوي واللي عمره 11 اشممكن يسوي بحيث مااعطيهم اعمال فوق سنهم

نفس الرأي

سؤااااااااااااااااااااال بعد اذن صاحبة الموضوع لامهات الاولاد


اولادكم يشتغلو بالبيت اقصد كنس ومسح وغسيل ؟
ولا بس ترتيب العابه وسريره ؟
ولا مايشتغل نهاااااااااااااااائي ؟


جاوبوني ضروري