تجاربكم مع مستشفى العسكري

سبحان الله وبحمده

انا لي تقريباً اسبوعين ولدت عندهم وكانت ولادتي قيصرية سوتها دكتورة سودانية وكانت تخدير نصفي والحمدلله عدّت على خير
وبعد الولادة بعد كم ساعة ينزلون القسطرة ويطلبون منك تروحين الحمام بنفسك وتبدين تمشين ، وبيكون فية ممرضة تساعدك على نزول السرير وتدخل معاك الحمام
ومن اليوم الثاني احس الممرضات ينتظرون منك انتي تعتمدين على نفسك خلاص تشين نفوسهن الله لايحدّنا عليهن انا لأن مامعي مرافق انتي لو معاك مرافق بيكون افضل ، يوفرون الله يكرمك الفوط بس الكلوتات مايوفرونها اذا تبين انتي جيبي والطفل من ثاني يوم ماياخذونة من عندك انتي ترضعينة وتغيرين لة يعني شوي تعبت من هالشي لأن اصلاً كانت قومتي من السرير وحتى لمٌا اغير وضعية جسمي اتألم فكيف اهتم بعد بالطفل يعني الله يكتب اجرنا والله انا كنت كل شوي اناديهم والله في كم وحدة نفسها زينة بس بعد طحت بكم وحدة نفوسهن شينة ماتبي كل شوي اناديها يعني احس لو كان معي مرافق يساعدني كان ارتحت كثييررررررر بس اللي مامعها مرافق تدعي الله يسخر لها الممرضات الحنونات والله يسهل امورك يارب

وبالنسبة للزيارة اذا عندك اطفال مسموح لهم يدخلون يوم الاثنين فقطط باقي الايام ممنوع زيارة الاطفال :(

الحمدلله على سلامتك غريبه سودانية اللي مسويه العمليه مافيه سعوديين وكيف العمليه كبس ولا ليزر

فية اكيد غيرها بس انتي وحظك , والعملية كبس حديد ويعطونك موعد بعد اسبوع يفكونها لك .