رفع ؟

رفع

قريبتي ولدت فرعايه الرياض فيه دكتوره عراقيه مرررررررررررره ممتازه اسمها شاهده اظن مره ممتازه تقول لطبيعي والقيصري
وغرفهم حقت الاستقبال مره حلوه بعد هي خذت جناح غرفه وصاله ودوره مياه واوفس

والمملكه بعد قريبتي الثانيه فيه ورحت لها غرفهم حلوه مررررررره بس مامدحت دكاترتهم تقول هي طلبت دكتوره ثانيه تجيها من برا سعوديه

مادري اختي التخصصي سمعت انهم يولدونك بالقبو اخر شي يعني استغفر الله وحده تقول عند ابليس بس يقولون مكتوم انتي جربتيه صدق

السلاااام .. جيتك بالكلمات الكثيرات ههههه
اختي انا جربت رعايه الرياض من سنتين الحمدلله
وماشاالله تبارك الله اهتمام ورعايه ونظافه

من تجينهم طوارئ تقولين ولاده ماشاالله يطيرون بك لغرفه الولاده
واشوفهم ماشاالله الممرضات متعاونات

اما الولاده فتولد القابله عندهم خبره ماشالله وتشرف على الحاله الطبيبه المناوبه
والخياطه ماشالله حلوه عندهم
وبعد ماتولدي ماشاالله يخلونك يمكن ساعه او اقل
يتاكدوا فيها ان مافي الحمدلله الوضع مطمن ولا في نزيف ولاشي
تساعدك باللبس الوردي جديد ونظيف ومن ناحيه الفوطه الصحيه وتخليك شويه وتعطيك طرحه
يودونك لغرفتك ووالحمدلله على السلامة :)

ومن ناحيه البيبي متى ماطلبتيه يجيبونه لك ومتى مابغيتي يرجعونه
واغلب المشرفات من ناحيه الاكل وكذا شغله سعوديات ماشاالله نفسهم طيبه
وتجيك الدكتوره مع الممرضه تشيك على الخياطه انها اوك ماشالله كل يوم
والممرضه تروح وتجي تسالك وتعلمك على الاهتمام بالجرح وممكن تجهز
لك مغطس التواليت فيه المعقم وتعطيك مرهم ميبو

من ناحيه جلوسك بالمستشفى اذا ان شالله وضعك تمام انتي و البيبي فيك تطلعين من اليوم الثاني
واذا تبين ترتاحين وتتطمنين على وضعك اكثر فيك تجلسين لليوم الثالث

اما من ناحيه الغرف اذا انتي اللي بتتحملين تكاليف الدفع ماهو تأمين
فأتذكر هي يإما
4500 او 5400
غرفه بحمام
ماني ذاكره بالضبط
هاذي العاديه
ولو زوارك كثار مايمدي تشيل ههههه

اما الجناح
فهو ب 6000
غرفتك بحمامها وفيها طاوله جانبيه وكرسين ومدخل خاص فيها
وغرفه مفتوحه عليها لها باب سحب هي للضيوف جلسه كامله
وفيها كنبه مفرده تتحول لسرير لو معك مرافق وفيها دولاب
وغرفه الضيافه فيها ممر فيه مطبخ صغير خدمه وبنفس الممر باب خاص للضيوف
تصلح للوالده اللي تستقبل ضيوف

الحلو فيها تقدرين تخلين الحريم عندك لو زاروك ان شالله
والرجال بالغرفه الثانيه .. حتى ماينتظروا برا والكل يكون براحته ..


وفي جناح اكبر
غرفه رئيسيه وغرفتين ضيوف وكلن له مدخله
وممرات ومطبخ خدمه اوسع وحمامين
بس ماادري بكم


من ناحيه الدكتورات الان
لاني سألت واتابع دعواتكم لي ربي يثبت حملي
ويسهل ولادتي

انا عند كيران هي هنديه بس متابعه اوكي بس احس رسميه ولما تضغط على البطن
تشوف الطفل ماشاالله نازل بالحوض بمكانه يدها ثقيله وتضغط بقوه
لدرجه اطلع من عندها احس تجيني آلام طلق
وتطلب تحاليل غير الاساسيه

وسافرت على موعدي الجاي فحولتني على دكتوره اختارها
اخترت سوزي برضو هنديه لكن ماشالله تاخذ وتعطي بالحكي
ويدها خفيفه على البطن
وماتطلب تحاليل لا لو في شي لاقدر الله مثل شافت حساسيتي قالت شوفيلك دكتوره
اما كيران قالت سيدا تحاليل وتكلف

تحسفت اني ماتابعت تاسعي عندها ماشاالله

وفي بعد دكتوره اردنيه يمدحونها ماشالله
بس مستحيل تلاقين بالاربعاء والخميس مواعيد عندها مليانه

ووومن ناحيه مستشفى التخصصي حلو ماشالله ماسمعت عليه كلام ابد

والمملكه يمدحونه يمكن اهتمام ونظافه
بس ماسمعت عن الولاده نفسها
يمكن على قولتهم بهرجه
بالجماليات اما الولاده ربك اعلم


ووووووبس وربي يسهل علينا وعليك

ومابي الا الدعاء والثبات