تجاربكم مع مستشفى"" قوى الأمن""

انا اختي ولدت فيه وتمدح معاملتهم وخاصه نظافتهم واهتمامهم بالبيبي
ومن ناحية الخياطه تقول انها وصتهم يخيطونها زين والحمد لله تقول كان مره ممتاز
واولا واخيرا الله يسخرلك الناس الطيبه لانها مناوبات وان شاء الله تطيحين بناس وممرضات تخاف ربها
الله يقومك ويقومني بالسلامه :)

تسلمين أختي حرم الظابط على الرد والدعوه الحلوه ياعسل.

وياليت لو تقولي لي مين الي يولد فيه دكتوره او المناوبات.الله يسعدك.ويقومك بالسلامه.

تجاربكم يابنات تكفووون..

ماكان هذا العشم يابنات حواااء؟؟

انا ولدت فيه وحرمت ادخله مره ثانيه لو مافيه مستشفى الا هو

اول شئ بقولك انا زوجي ضابط مدري يختلف والا نفس الشئ

رحت لهم الرحم مفتوح 4 سم وطلعوني فوق وانا رفضت ابي اطلع امشي شوي لحد مايحمى الطلق ورفضوا

الغرفه لي الحالي القابله معي ماتخليني بس الي غلطوا فيه عطوني ابرة الظهر وانا مابيها لاني اشكي الام ظهري

اخذت الابره منا وقف توسع الرحم اعطوني صناعي بكثره بدون علم الطبيبه فصار عندي طلق حامي بدون مايفتح الرحم الا4 او 5سم

فتحوا لي المويه نفس الشئ ماتوسع الرحم (الظاهر من ابرة الظهر )
بالنهايه قالوا لازم قيصري لان معاي طلق قوي وخافوا على الرحم لاينفجر كلام الاستشاريه اما الدكتوره المناوبه تقول نصبر عليك
الممرضه معي تقول لاتوافقين على القيصري ماله داعي بس هم اجبروني وخوفوني فرضيت

القيصريه الا الان عمر بنتي سنه وشهر توجعني وكل مارحت عند دكتوره تقول غلطت المستشفى
جلست ثلاث ايام وطلعوني الغرف مشتركه بين اربع دورتين مياه
الطفل رموه علي من ثاني يوم بس وقت الزياره مايطلعونه من الحضانه
اي وقت يدخل الزوج مع زوجته جالسه امشي بعد العمليه ورجاجيل داخلين طالعين بشيلتي طول اليوم

بصراحه كانك بكريه لاتروحين لهم دوري غيره
تراهم يمدحون التامينات ودله
نسيت اقولك اذا مالقوا سرير فاضي حولوك على المواساة اردى واردى

ادعي لي احمل بولد واجيبه طبيعي