عبير نت

عبير نت @aabyr_nt

عضوة نشيطة

تجاربكم وارائكم بمواقع الزواج/ أخوي مسجل بموقع زوآج

الأسرة والمجتمع


تجاربكم وارائكم بمواقع الزواج

سلام

صباح الخير

بنات واسوني فهموني محتاجة رأي كل وحدة
فيكم
بنات قسماً بالله اول مرا في حياتي اصدع من كثر
التفكير
القصة ومافيها ان اخوي حاط بياناته بموقع
للزواج وانا كفشته بطريقتي

والبيانات اللي حاطها صحيحة ومتواصل مع بنت
من نفس مدينتنا والظاهر انه بيخطبها

بنات انا بينشل تفكيري خايفة ومحتارة وش اسوي
وفي نفس الوقت مو مصدقة ان اخوي يسوي كذا
اخوي ذا اخر العنقود ومافي الا انا وياه باقي
ماتزوجنا

والليلة كنا مجتمعين واخواتي المتزوجات كانوا
عندنا وهو كان جالس ويلعب مع بنت اختي
امي الله يطول بعمرها قالت عقبال ما اشوف
عيالك انت واختك > تقصدني
قلنا امين وبدينا بسالفة الزواج واخواتي يحاولون
يقنعون اخوي وهو رافض وانا ماغير اتمقل فيه
بغيت اقول الموقع
بنات اخوي مو مقتنع انه احنا نخطب له يقول
بتشوفون وحدة حلوة في زواج بس انتم ماتدرون
عن اخلاقها واطباعها نقوله كل الناس كذا وانت
استخير يقول لا
بعدين يتهرب يقول اصلا انا ما افكر في الزواج
بنات شالحل
اذا انتم في موقفي وش تسوون هل ترضين ان
اخوك يتزوج وحدة من النت
انا ماعندي خلفية عن هالمواقع اذا وحدة منكم
تعرف تجربة او شي زي كذا تقولي
انصحوني وش اسوي اعلم امي والا اخواتي والا
اواجهه واقوله اني كفشته
الصدمة ان اخوي ذا اخر العنقود وودنا نفرح فيه
ونختار له بنت تستاهله
واخوي برغم انه اصغر اخواني الا انه احسنهم
ولو يبغى من أي بيت محد يرده
فكرت اخطب له من صديقاتي بنات حموله ودين
واخلاق بس هو يبغى بنت اصغر منه
مدري شسوي
ابغى رايكم
21
6K

يلزم عليك تسجيل الدخول أولًا لكتابة تعليق.

تسجيل دخول

شوشوو20
شوشوو20
طيب..شوفيله
بنت..على
مواصفااته..وشاوريه
يمكــن..لمايصيرجد
يقتنع..ويترك..النت
الان..حان موعد الوتر لنتقرب الى الله

بركعــــات خفيـفـﮧ تنيـر قبـرگ ]
ولاتنسين من دعوااااتك
ولاتنسي وردك القرآآني
ماتهاااب
ماتهاااب
حرام عليك وش بهم البنات اللي يسجلون بمواقع زواج يدورون الستر

انا مااتكلم عن مواقع التعارف لا اتكلم عن موقع زواج زي العفاف ومشروع بن باز

يختي الوحده توصل 30 ماحد دق بابها مو قصور فيها بس احتمال ماحد درى ان بهالبيت بنت

وش بها لاسجلت بياناتها يمكن نصيبها بهالموقع

انا سجلت فيه وكمان خويتي وسبحان الله كل ماتواصلت مع احد يستهبل على مخي مايبي يسوي زواج

ومايبي يخسر بالعربي وده بمره ثانيه وهو مريح

وصاحبتي ماشاء الله تزوجت واحد من الموقع نفسه منصب ونسب وماشاء الله

بالاخر يعتمد عالنصيب هي لقت نصيبها وانا مالقيته مو معناه كل االرجال سيئين او كل البنات لعابات

الله يرزق اخوك البنت اللي يبيها وتكون خير له

للمعلوميه لما كنت اتواصل بالموقع كنت اقول اني اختي الكبيره خخخ عشان لو صار نصيب مانحرج مع الرجال

مع انه مقتنع ومشارك برغبته اغلب اللي مشاركين يقولون مانبي اختيارات اهلنا يبون بانفسهم

ايه نسيت اقول ولد جيرانا متزوج عن طريق النت اخته تعلمني وزوجته اللي خذاها اخوانها مطاوعه

وماسكين مناصب بالهيئه ولما سجلت اخوها يدري ماقالوا لا ولاهو عيب
عمشه بنت عمااش
فيه وحده من صحباااتي تزوجت من موقع الزوااااج
بس الموقع اللي سجلت فيه موقع خاااص لاحد المشايخ
وفيهاا ضوابط يمشوون عليهااا الاعضاااء ‏،،

يعني فيه مواقع محترمه ومواقع والعياذ بالله ‏
،،،،،

والزواج توفيق من الله ‏،،‏ اذا ربي اراد ياخذهاا
بياخذهااا باي طريقه كانت

وانا الصراحه ما أيد هالطريقه ‏،،
والله يهدي الجميع ‏

انصحك تجلسي معه وتتناقشي معه بهالموضوع
واذا ماتقدري ‏،،‏ كلمي الكبيره من خواته

تنصحه وتبين له عواقب هالزواج،،،
سعوديـه راقيـه
الله يسهل الامور يارب
*راجية رحمة الله*
انا اشوف انهاااااااا عاااااااادي مرة