يعطيكم الف عافيه بس حبيت اسأل بالنسبه للمعهد البريطاني شلون نظامهم مايعطون دبلوم سنتين

سلام ع الجميع
انا درست من زمان بالمعهد البريطاني بسراحه روعه من حيث المنهج ومدرساتهم اجانب وبعض مدرساتهم اصلا مايعرفون عربي بس مشكلتهم دوراتهم غااااااااااااااااااااااااااااليه ب2000 ريال مدة شهر واسبوع ساعتين في اليوم والكتاب فيه 15 درس مايعطونك منه خلال الشهر الا 5 دروس كل اسبوع درس يعني عشان تدرسين الكتاب كامل بتدفعين 6000ريال خلال 3شهور و3 اسابيع بكذا تكونين خلصتي مستوى المبتدئين بجميع مستوياتها ونفس الشي بالمستوى ماقبل المتوسط والمستوى المتوسط والمستوى مافوق المتوسط وآخر مستوى للمتقدمين وكل مستوى من الي ذكرتهم عباره عن 3 مراحل وبالنسبه للدبلوم ماعندهم ولا فيه اصلا ولا معهد مصدق من وزارة التعليم يعطي دبلوم لأن مسمى دبلوم ماتصرح فيه وزارة التعليم وعلى العموم اذا كنت حابه تاخذين دورات مكثفه راح يتم افتتاح معهد يدرس نفس الكتب هذي بدل مايعطيك خمس دروس بالشهر راح يدرسك 8 دروس خلال شهر واسبوع ب1000 ريال يعني الكتاب كامل ب2000 خلال شهرين ونص ونفس الحكايه لجميع المستويات اربع ساعات باليوم

حبايبي كنت أبى أسألكم عن معهد اكسفورد اللي في جدة كيف دراستهم كويسة ولا ؟؟ تنصحوني فيه؟؟
أتمنى اللي درست فيه أو سمعت عنه تراسلني ع الخاص

السلام عليكم
الله يجزاكم خير يابنات كفيتوا وفيتوا
على هالمعلومات وفتحتوا عيوني على اشياء كنت غافله عنها
بس فيه بعض الأخوات ذكروا معهد اليرموك الي بالريان
هل المعهد هذا موجود بالرياض
وكيف نظامهم وطريقة التدريس
الي مجربه الدراسه فيه تعلمني...

وبعد بستفسر عن شغله
فيه بنات يدرسون دبلوم انجليزي بجامعة الامام الي بالملز
هل صحيح فيه دبلوم؟
اذا فيه احس اظمن ندرس في جامعه..ولا
لاتبخلون علينا بالنصايح ياأموراااااااااااااااات

بنات ايش رايكم في نيوهورازون للغه الانجليزيه انا متردده ادخل ولا لا؟؟
سمعت عن بيرتلز بس ماادري وين موقعه في الرياض ياليت تساعوني بخبرتكم