تجاربكن مع الشغالات الجدد.. أبي رأيكم تكفون

الله يعينك عليها اذا هاذي من اولها ينعاف تاليها رديها ويدبرون لك بدلها .

الله يعينك عليها وزي ماقالت لك الاخت عزوف رديها احسن لك والله ييسر امرك

اقلعيها الله يقلعها وش يصبرك عليها والله يعوضك بأحسن منها ان شاء الله

انا جربت وحده اندونيسيه ماتتكلم واذا كلمتها تحط عيونها بالارض وفيها شي اذا مو متوهمه رهاب اجتماعي

كنت اقف على رأسها وتعبت معها الى 4 شهور كل ما قلت ارجعها استخرت وقلت اصبر عليها لاني احس عندها مشكله وقليلة كلام وسبحان الله والله يا اخواتي سخرها ربي لي على نيتي واقول الله لايحدني على ماحدها
تحب عيالي وطلعت خياطه اي شي يخرب من الملابس تخيطه لاني ما اهاوش بصراحه لاكني رسميه معها بعد لسنه بدت تسوي طبخاتهم وتذوقنا والله ماكنت اسوي شي من سناعتها فانا اقول اصبري لين قبل نهاية الثلاث شهور بأسبوعين بمكن ربي يسخرها
وطولي بالك عليها مادام ماسبق لها العمل ولاتخلينها تحتك باحد لين تعلمينها والله يسخر لنا ولك واوقفي معها بدقه من البداية

خليكي معاها اول بأول ورسميه وعلميها كل شيء اول بأول والافضل تستخيرين وتشوفين عمرك بعدها تبين تودينها او لا .