اريال للملابس ولا يمكن استبدلة معاه الملابس تبقى جديدة على طول
وبونكس او ماس او الوطني مع الكلوركس للحمامات اكرمكم الله

انا مهتمه بموضوع الصابون واحب اجرب حتى مره شفت عند مغاسل الرهدن اكسترا وايت.مرصوصه فوق بعض قلت في نفسي هل هم يستخدمونها.


او الشركه معطيتهم اياها دعايه؟

بونكس

اما انا كنت اول مااهتم اي نوع المهم صابون ولا احسب فيه فرق لاني متعوده على اهلي بابا الله يحفظه على طول تايد الكبير او الكراتين الصغار المهم تايد بس الصدق ملابسنا كانت متولياته الخدامات كانت تشهب ويتنكرف لدرجه ان ملابسي الطلعه اغسلها برا .مع العلم ان غسالتهم عاديه وكمان يستخدمون لينور الازرق ابوي تقليدي لهم عشرين سنه على هذا النظام ...
واللحين لما اتزوجت وصرت ام عرفت الفرق بين المساحيق اللي جربتها لانو زوجي الله يحفظه ببدايه زواجي كل مره يجيب شيي ويقول جربي الاحسن من ناحيه النظافه والسعر ::::
داك خفيف على الايدي نصيحه دكتور وسعره متوسط وتنظيفه برضوه متوسط وريحته مو قويه
تايد حار على الايدي والملابس وتنظيفه ممتاز وريحته قويه وسعره مرتفع
ماسي تنظيفه ردئ او اننا نحط كميه كبيره منه عشان ينظف وسعره رخيص ومافيه ريحه
ارييل تنظيفه ممتاز بس ميصلح للملابس البيضاء مايعطيها البياض الناصع تحسي على زرقه او خضره شوي وسعره مرتفع بالنسبه لغيره وريحته مرررره قويه كل البيت تصير ريحته مو بس الملابس (بسراحه انا احبه وهي فريشاثناء الغسيل بس لما تبقى بالملابس تملين الريحه تصير تلوع الكبد)
برسيل اذكر جربناه مره بس مااعجبن بس ماتذكر ليش ؟؟؟؟
بونكس اللحين انا لي ثلاث شهور وانا استعمله وارتحت له ريحته خفيفه وسعره مناسب وتنظيفه للملابس البيضاء ممتاز علما اني انا ماستعمل الكلوركس استعمل فانيش لازم وغسالتي تماتيك بس انا طحت بالنقع السراحه ملابس زوجي وملابس ولدي ماشاء الله كنها جديده والطريقه اني اعبي الغساله ماي واحط المسحوق والفانيش واخليها يومين ثلاثه وهيي مفتوحه بعدين اسكرها بس انا لازم استخدم منعم وهو داوني الاخضر عشقي يلين وريحته حلوه ونادره ماشمه باحد الا بزوجي وولدي الغالي علما ان ملابس ولدي الملونه والبجامات ماغسلها بمسحوق لقيته انه دمار الملابس الملونه ولذلك عرفت سر ملابسنا عند اهلي وانا احسبه من التايد او الشغالات مادري وش السبب سراحه بس اتوقع كذا ..
المهم اني استعمل الصابون السايل الشامبو اللي نغسل فيه الشمغ والعبايات مع فانيش وبرضو انقعها الشامبو فيه انواع موبي مثل ماقالت الاخت حلو واوفر وفيه نوع تايد سايل وانواع كثيره ماتذكر اساميه
والسراحه انا لحد الان ماسويت ليها مقارنه كل مره ابونا يجيب نوع بس ماحسيت بفرق الا اوفر رخيييص مره ... ادري طولت يس ماحبيت اطلع من الموضوع الا وكتبت كل اللي اقدر افيدكم فيه ..وشكرا لصاحبه الموضوع ولكل اللي تفاعلو مع الموضوع ...

ماحبيت الا اريااااااااااال