تجاربك في التخلص من رائحة الشعر

ليه تغسلينه باستمرار راح تقل زيوته الطبيعيه ويتساقط ..!! لذا من رأيي انك تبخرينه باستمرار ..وان شاء الله ترتاحين ..

انا بعد اعتقد البخور احسن شي وحاولي ما تربطيه عقب السباحه خليه مفتوح
وانشاء الله اكون افدت بشي

بعد الاستحمام حطي عليه خمريه شوي بالريحه اللي تحبينها وتلقينها عند محلات العود
وبعدين بخريه
لو تجلسين شهر
ريحته تكون تجنن
حتى تشمين ريحته الحلوه على وسادة نومك
وكل ما تحركتي جتك الريحه

وسلامتكم

الأخوات الكريمات بنت العز ، يوسن ، نفنوف
الله يجزاكم الجنة قولوا آمين ..
ولكن لي سؤال للأخت الكريمة نفنوف ..ما هي الخمرية .. وإين ألقيها بالرياض ..

مثل ماقالوا الخوات.. بعد ماتغسلينه خليه ينشف زين.. وبعدين حطي شوي من الدهن عود ( للمناسبات بس ) أو عطر عربي مركز بس نقطة عند الأذن اليمين ونقطة عند الأذن اليسار.. وبخريه وشوفي الريحة أوووووووووف ..

وبعدين سالفة الريحة ترا من الحر ومن الشيلة دايما عالراس.. وهذي المشكلة…

والله يعين أختي..