كوبونات الراقية تسجيل الدخول

مشمشة اسكندرانية
مشمشة اسكندرانية •
انا دكتورى له نفس راى الدكتور بتاعك يا لولو حتى طريقه التكريع اللى بتقولى عليها
بس انا بنتى مقبلتش السهايه و ماسكه فى صبعها مش عارفه اعملها ايه علشان تبطله
حتى لما تتقلب بالليل تمص صبعها
lolookasha
lolookasha •
مشمشة اسكندرانية
اهلا بيكي هنا اولا
ثانيا
موضوع الأصبع دا مشكلة لواتعلقت بيه
اللهاية على الأقل ممكن ترميها ولاتشوفها قدامها وفي الأخر تيأس وتنساها
لكن الصباع تعملي في ايه تخبيه ازاي
انا شفت بنوتة عندها اربع سنين وحاطة صباعها مش بتشيله
اسألي دكتورك عشان تتصرفي صح من غير مايأثر على نفسية البنت

وانها مش بتاخد اللهاية جربي زي ماقلت انك تنقطي عليها من لبنك وتتديهالها وقوليلي نفعت ولا لأ
مشمشة اسكندرانية
مشمشة اسكندرانية •
سالت الدكتور قالى سيبيها لان لسه عندها 3.5 شهور بس
كنت عاوزه اسالك كنتى بتعقمى الرضاعه ازاى بالغلى ولا جبتى جهاز تعقيم ولو جهاز تعقيم جبتيه منين ونوعه ايه
معلش بتعبك معايا
lolookasha
lolookasha •
مشمشة اسكندرانية مشمشة اسكندرانية :
سالت الدكتور قالى سيبيها لان لسه عندها 3.5 شهور بس كنت عاوزه اسالك كنتى بتعقمى الرضاعه ازاى بالغلى ولا جبتى جهاز تعقيم ولو جهاز تعقيم جبتيه منين ونوعه ايه معلش بتعبك معايا
سالت الدكتور قالى سيبيها لان لسه عندها 3.5 شهور بس كنت عاوزه اسالك كنتى بتعقمى الرضاعه ازاى...
طيب تمام مادام الدكتور طمنك
من ناحية الرضاعة تقصدي الببرونة؟
انا رضعت طبيعي والببرونة بتاعت الأعشاب كنت بغليها لأن تنظيفها اسهل من اللبن
عموما انا في واحدة صاحبتي عندها بتاعت AVENT
بتشكر فيها بس هي جتلها هدية مااعرفش تمنها
ممكن اسألك لو تحبي
وماتقوليش انك بتتعبيني تاني احنا اخوات وبنساعد بعض
انتي مصرية؟
مشمشة اسكندرانية
مشمشة اسكندرانية •
انا كمان برضع طبيعى وبستخدم الببرونه فى الاعشاب بس بنتى جالها فطريات وبقيت بشك فى كووووول حاجة انا كنت بغليها عادى جوزى دلوقتى بيشككنى انها السبب فى اللى جه لنونا فبطلتها لحين ما البنت تخف
ايوه مصرية وعايشه فى القاهره
اه نسيت اسالك انتى مشيتى على كلام الدكتور و ماكلتيش بنتك الا بعد الشهر السادس؟