لقيت هالموضوع بقسم الولادة وكنت محتاجته لاني على وشك ولادة باذن الله..وكتبته هنا لان خبرتكم اكثر بعد اذن صاحبة الموضوع...ياليت تساعدوني
السلام عليكم ومساء الخير للجميع
لي ساعتين اكتب وازين بالموضوع واحمل صور واخرتها يجي ولدي الملقوف الله يصلحه ويطفي الاب ويضيع تعبي –ياهو حصله ضرب مو أي ضرب-يرفعون الضغط هالبزران
المهم موضوعي هذا يفيد النفساء والحوامل اللي على وشك ولادة الله يسهل علينا وعليكم...
كلنا نسمع بالمردود وفوايده وانا والله ماعمري استخدمته لكن من سمعت مدح الحريم له وانه يرجع الوالدة بنت قلت مابدهاش خلينا نجرب...لاني كل ولاداتي مااستخدم غير اللهوم اللي تشتريه امي من مره..وامي الله يعافيها ويطول بعمرها قولوا امين-يتيمة ولاتعرف شي من دويات الحريم تقول انا من اول مااستخدم غيرالحلبة والسويدا(هذا اللي عرفته من جدتها):27:
ولااخفيكن كنت اعاني من افرازات وتوسع وبلاوي بعد نفاسي...
وبعد توكلي على الله اجزمت هالمرة على استخدام المردود..
ورحت اقرب عطار وقلت:عطني المردود
قال:حب ولامطحون
قلت:حب طبعا..ولوسمحت لاتحط الصك واللك(عرفته منكن الله يجزاكن خير)
قال:حاضر يامدام..اصلا حنا مانحطش الصك واللك والعفص والاشياء اللي تخرب
وقلت بشوف المردود ؛(اسوي روحي فاهمة وانا مادري شالطبخة)
واخذته ومشيت ويوم جيت البيت مير انا افتح فمي حبوب وعيدان ودواير ومدري ويش...دنيا اول مرة اشوفها
وقلت مافيه الاخواتي بعالم حواء يفيدوني انا وغيري اللي مانفهم بهالامور...
وبحط لكن صورهن واللي تعرف أي حاجة منهن ياليت تعلمن وماننساها من دعواتنا...........
بسم الله
هذي اول صورة كل الاعشاب بالكيس واللي عرفته الكمون والحبة السودا والماش ..والحلبة يقول مافيه عشان الريحة
"]
وراح احط كل واحد بروحه عشان يوضح..
.
وهذا ...يجي منه لونين فاتح وغامق
.
وهذا كنه خشب..
وهذا دائري ولونه بني...
وهذا كنه باميه يابسةوفيه حبوب احمر غامق...
وهذي خشن وكنه زنجبيل..
وهذا غريييب....
يلا شدوا الهمة وابي خبرتكن وش الزين ووش اللي
شين ونشيله..,ووشلون نطحنهن ووشو اللي يكسر
ويوخذ اللي داخله ؟؟؟؟
ياارب تفيدوني والقى كل اجوبتي عندكن
يالاجوديات تكفون يالربايع اللي تعرف لاتبخل علينا
ولاتنسون الاجر والثواب والدعوات اللي يجيكن من
دعوات هالحريم الضعوف النفس والحمل(يمديكن عالجمع)
وياليت اللي تدخل الموضوع ترفعه باي معلومة عن
المردود وطريقة استخدامه الله يعافيكن وابشرن
بالدعوات
بالنسبه لي ولدت كم مره ماأستعملته والحمدلله