انا مررره معصبه
هذي ثاني مره اكتب الموضوع دوم تصير فيني هالحركه لمن اكون قربت اخلص واسوي موضوع بضمير يطلع احد ويخرب علي واصير كذا 
تخيلو الموقفالمهم بكتب بسرعه عشان هالمره لو انطفى بكسر الشاشه
ومارح تشوفون خشتي ابد وعاد تخيلو لو ماشفت تفاعل منكم ياني بموت من القهر
اللحين خلصنا من مشاعر الغضب نجي للجمال ومشتقاته
طبعا موضوعي يبي نشيطات وحلوات يعني بنات يحبون يظهرون باحلى طله واكيد مارح توصل للي تبيه الا لو فادت واستفادت وخلو عنكم الكسل هالمره وطلعو ماعندكم
الموضوع هو سدح تجاربكم من مكياج وشعر وملابس وعطور وعرض المنتج السيئ والجيد وعرض بدائل لمنتجات مو موجوده او غاليه او شبيهه لماركه معينه قد تكون غاليه او ماتقدر توصل لها باي شكل وممكن ايضا استفساراتكم عن منتج او قصه او راي معين باي شي يخطر على بالكم ويخص الجمال طبعا
بس بشرط هو ارفاق صوره عند عرضك او استفسارك عن شي معين واللي مارح ترفق رح نطلب من مشرفاتنا الغاليات حذف ردها والحكمه من ارفاق الصوره هي توصيل المعلومه بشكل واضح وايضا المتعه في المتابعه
وايضا تقييم المنتج مثل: غيرجيد .مقبول .جيد. جيد جدا . ممتاز .ممتاز جدا ............حشى شهاده مب موضوع
انا رح ابدا بسم الله
****
اول شي انا بشرتي عاديه يعني مو دهنيه ولا جافه وبصراحه ما استخدم اي نوع من المرطبات ولا بيس ولا كونسيلر يمكن لاني جربت نوعيات سيئه ماحسيت فيهم بالفرق ونوع الكونسيلر اللي استخدمته هو ماكس فاكتر وهو غير جيد وممكن استخدامه كخافي لشعر الحواجب او للبثور او دبل كريم اساس للاعراس طبعا يعني احطه على وجهي وافرده واحط فوقه كريم اساس ويعطيني طبقه كثيفه واهم شي انه مايروح بفصل الصيف استخدمه للي عندهم مشكلة التعرق الزايد
يصير من غير جيد الى جيد جدا كا دبل اساس وليس كونسيلر
وبالنسبه للكريم الاساس اللي استخدمه هو
فور ايفر اقدر اقول عنه ممتاز ناسبني يعطي تغطيه مخمليه ويثبت واستخدمه لزيارات وممكن للاعراس للي مايحبون الاوفر يعطي طله طبيعيه وتغطيه روعه وسعره 99درهم يعني 100 ريال اشتريته من باريس غاليري
وماركة بنااااااااااي من تجربتي عنها اقيمها ممتازه جدا للاعراس تغطيه فضيعه وتدوم
وماتبقع والي بشرتها جافه تحط كريم مرطب قبل وتخليه اللين ماتتشربه البشره وتحطه طبعا بالاضافه للكونسيلر للي عندهم عيوب وسعره 100 درهم تقريبا انا من فتره ماشريته وناويه ان شاء الله
وعلى بال ما اشتريه لاني نسيت من وين اشتريته بدبي اشتريت كريم اساس جيد جدا واقدر اقول عليه ممتاز لو كان اشتريت درجة لوني بس للاسف اشتريت لون فاتح بس يوم اخففه يطلع حلو وسعره رخيص جدا وهي ماركه جديده بالنسبه للدول العربيه هي ماركه كوريه واسمها ذي فيس شوب the face shopوفيها اشيااء روعه ورخيصه وبالذات المناكير وكريم الاساس بس مشكلتها على ما اعتقد ان كريم الاساس لونين فاتح ومتوسط يعني مافي للي سمر وماني متاكده سعره تقريبا 54 وناويه اشتري اللون المتوسط وامزج بينهم
واشتريت من عندهم روج يعطي نفس النتيجه اللي بالصوره رووعه ممتاز للوك الطبيعي وبالذات اللي شفايفهم مافيها عيوب روعه وسعره 25 ورقمه 202
وهذي صورته
تاااااااااااااااابع بس تكفووووووووووووون لاتردون لو رديتو مارح اكمل :(
بالنسبه للبودره المضغوطه احطها بعد الكريم الاساس وهي
سعرها تقريبا حول ال60 واعتبرها تقريبا بديل للماركات الغاليه مثل ماك وفور ايفر وغيرها
اقيمها ممتازه ورخيصه
جربت ماكس فاكتر غير جيده وتغطيتها خفيفه
وجربت ماكس فاكتر لوس باودر تقريبا
جيد جدا وفيها لمعه حلوه تبين تحت الاضائات وتعطي تغطيه انا استخدمها فوق بودره صبايا
وانا بالنسبه للبودره المضغوطه يهمني ان تكون ثقيله ومايهمني اي ماركه اهم شي مو ماركه مب معروفه واختار اللي سعرها مناسب
بالنسبه للاضائه اشتريت اضائه من الرياض من تولان اسم الماركه elegant
وهذي جربته علي يد بنتي وهي مستانسه .....بتطلع يدها بالتلفزيون خخخخخخخ
...
وعندي واحد لونه وردي من ماركة نيكس nyx اتعب واقول خيااااال واسويه اضائه لخدي وبلاشر حتى من دون كريم اساس اي شدو يطلع روعه خفيف ولمعته حلوه ويعطيك ايحاء كانه لونين روعه واقيمه ممتاز جدا جدا
اخر واحد على اليسار
وردي ورقمه 39
اما الكحل تعبت وانا ادور جربت ماركة بودي شوب
غير جيد على اليد حلو يوم حطيته على عيني ولا شي
وماركة مكياجي الاسود والسلفر غير جيد يسيح
بس بالاخير طحت على واحد جيد جدا
من برستيج مايسيح واسود فاحم سعره تقريبا 39
دورت صورته ومالقيت بس بن عمه^_^ ..
واللي عندي الكثيييييييير اذا شفت تفاعلكم ومشاركاتكم واستفساراتكم رح اكمل واذا لا رح احذف الموضوع وانسااه ولاتنسون صور واللي داخله تتفرج تحط ايقونه من مركز الابتسامات ^_^ترفع الموضوع
دمتم سالمين ....