تجاربى الشخصية المضمونة 100% لوصفات الجمال والنعومة والبياض

:27: حبايب قلبى
وحشتونى يا بنات والله المنتدى بقى ادمان بالنسبالى هو وبناته العسلات
وبناء على رغبة زميلة غالية هنا طلبت منى فى موضوعى لأجمل وانعم انثى ان اكتب لها تحديدا عن الوصفات التى جربتها ففورا بدات اكتب لها حصر لكل الوصفات المضمونة بجد للبشرة والشعر والجسم والى جربتها على نفسى وجابت نتيجة ملحوظة
اولا: الشعر
وصفتين جابوا معايا نتائج غير متوقعة وهما :
1- زيت زيتون + عسل + جلسرين + خل بمقادير متساوية يخلط ويترك يومين قبل الاستخدام ثم يضع 20 او 30 ق على الشعر ثم يغسل
بجد بيكثف الشعر وبيطولوا
2- بيضة + زبادى + زيت خروع 20 او 30 ق ثم يغسل وهذه تكثف وتغذى الشعر
ثانيا : الجسم :
زيت زيتون + زيت لوز مر + ليمون + جلسرين بكميات متساوية راااااائع لنعومة الجسم وتغذيته بس التفتيح والبياض ببطء
وللركبة : زيت زيتون + ليمون + لبن + سكر بكميات متساوية برضو نعومة ونظافة مع الفرك والتدليك طبعا والبياض برضو ببطء
ووصفة صابون الغار بقالى فيها 4 مرات بس ولسا ماظهرتش نتائج لما تظهر هاقول طبعا
ثالثا : الوجه :
الترمس المطحون + الزبادى روووووووووووووعة بياض ونعومة ونظافة
الدقيق + العسل + اللبن + الليمون + نقطة زيت لوز مر برضو رووووعة لتغذية البشرة ونعومتها وبياضها
متفرقات
الرموش زيت الخروع سحرى فى كثافتها وتغذيتها اذا استعمل يوميا قبل النوم بماسكرا قديمة
تخفيف الشعر باجرب الترمس المغلى + البابونج المغلى + الردة المغلية وهاقولكم بيخف ولا لأ بس
الهالات السوداء
شرائح الخيار وزيت اللوز المر + مغلى النعناع
الاظافر برضو زي الخروع بيقويها ويغذيها
العرق
شبة مطحونة + زيت عطرى قليل يبيض ويمنع رائحة العرق مع العرق بامان وبرائحة طيبة وبالاخص عطرك المفضل الى هاتجيبى منه الزيت العطرى وتضعيه بس قليل جدا مجرد يعطيكى رائحة خفيفة
بس نخلى بالنا ان وصفات الشعرتستخدم مرتين فى الاسبوعو الوجه ثلاثة والجسم يوميا
دى وصفاتى المجربة والمضمونة بجد ونتائجها رااااااائعة
اتمنى اكون افدتكم ومستنية الدعاااااء علشان اختكم على وش جواز :icon28: ومحتاجة لدعواتكم قوى
وايه رايكم كمان لو تردوا عليا بوصفات مجربة منكم برضو :angry: ومضمونة للوجه والبشرة والشعر والبياااااااااااااض خاصة علشان نفيد ونستفيد
فى انتظار ردودكم ومعلوماتكم المفيدة
حنين :27: