اول موضوع لي بالمنتدى وحبيت افيد اخواتي بتجاربي البسيطه في تخفيف حرقان المعده خصوصا في اشهر الحمل الاولى
1/ الزبادي مع ملعقه عسل طبيعي
ممتااااز ومفيد جدااا يشيل الحرقان تماماااا وايضا يقضي على الالتهابات المهبليه اللي تصيب الحوامل
وممكن الاستغناء عن العسل اذا مو متوفر
2/ كريم كرامل او مهلبيه سويها وحطيها بالثلاجه وكل ماحسيتي بحرقان طلعيها وكوليها بالعافيه
3/ دانيت باي نكهه تحبينها برضو يبرد عليك ويخفف بشكل ملحووووظ
اشتريلك كميه لانك بتستهلكينها بشكل سريع :)
4/ الايسكريم بجميع انواعه
خصووووووووووووووصا هذا النوع يميييييييي
5/ الورقيات والخضروات ( خس / ملفوف / جرجير / خيار / طماطم / فلفل رومي )
قطعيها قطع متوسطه مو زي تقطيع السلطه وغسليها وحطيها بطبق جنبك ونقنقي عليها خخخخ
طبعا الجرجير فيه ناس ماتتقبل تاكله بلحاله فـ الافضل تسوينه سلطة الجرجير مع حبات الرمان وشوية صوص حامض
6/ البسكويت
وهذا نصحتني في الدكتوره في اول حمل لي
قالتلي خلي الباكيت معاك وين مارحتي حتى وقت النوم خليه جنب السرير وكل ماحسيتي بحرقه خذيلك حبه والصباح اول ماتصحي وقبل حتى ماتغسلين خذي حبه ومن يومها وانا باكيت البسكويت مايفارقني ابد في شهور حملي الاولى
وانتي لك الخيار في اي بسكوت تحبينه لكن الافضل البسكوت العادي تبع الشاي او المالح
7/ اللبان والافضل يكون خالي من السكر
انا افضل المستكه
8 / ريحة الليمون والنعناع تخفف من الحرقان وعن تجربه
قصيلك شرايح ليمون وورق نعناع وشميهم ياسبحان الله ريحه تشرح القلب وتخفف تقلبات المعده والغثيان
او اشتري فواحه بريحة الليمون الخالص وخليها تفوح بالمكان اللي انتي فيه
الفواحه تلقونها بساكو جايه بعلبه حديد ولها غطاء ترى شكلها مررره غبي بس ريحتها تسطللللل
وتجي احجاااام مختلفه
ان شاء الله يكون الموضوع خفيف ومفيد لكم ولا مانع من اثراء الموضوع بتجاربكم لتعم الفائده
اذا اعجبكم موضوعي واستفدتوا منه ادعولي ان الله يثبت حملي ويقر عيني بشوفه مولودي وانا بصحه وعافيه
استودعكم الله الذي لاتضيع ودائعه ودمتم بحفظ الله
انا انصح بالحليب البارددددد ..
والخيار شي جميل بعد ..