بسم الله الرحمن الرحيم
عزيزاتي حبيت أفبدكم بتجاربي البسيطة في عالم التنظيف والتعطير والكوي
1- أفضل مطهر للارضيات ويعطي ريحة تجنن سايل جنتو الازرق بالصنوبر وسعره رخيص احط شوي منه في ماء وامسح الارض فيه.
2- اذوب الملح الخشن في ماء حار واخلطه بشوي ماء دافىء واصبه في المراحيض واطرافها بالحمام يزيل الرايحة تماما. ( شيء متوفر وبكثره )
3- بعد ماانظف الحمام بالصابون والكلوركس واخلص .. في ماء الشطف الاخير احط شوي من اما مطهر الديتول او جنتو مع نقاط اي عطر رخيص وتكون ريحته حلوه .
4- اضع في الفراغات الي في شباك الحمام بودرة ايروك المعطرة وباي مكان مو واضح للداخل.
5- امسح السخان بمنشفة جافة وفيها كم بخة عطر ..
6-اما بالمكان الي اجلس فيه اغلب وقتي بالصالة ففي الصباح أرش الكنب ببخاخ عبارة عن ماء و4 ملاعق لينور يجنن..
وابخر بالمستكة..
7- اغلبنا عنده ثلاجة الماء الي كل كم يوم نغير العلبة انا لمن اجي ابدل العلب احب قبل احط العلبة اجيب فحمة ومجمر صغير ومستكه وابخرها من جواء بالمستكة واذا خلصت حطيت علبة الماء وشوفي الطعم كيف يجنن .
8- عند تنظيف المطبخ اخر مسحة للمطبخ اخذ منشفة مبلولة بالماء وعليها نقاط بسيطة من العطر او دهن عوده رخيص لكن مااكثر وامسح بها الاسطح والثلاجة واخر شي مفاتيح الانوار والارض
9- أحب اخذ الورق الي بمحلات العطور يبخون منه لك عشان تشمين ولمن اوصل البيت يكون عندي مجموعه كبيرة احط منها بالمخدات حقت النوم تجي تجنن..
10- استفيد من المناديل المعطره الي تجي بالمطاعم وامسح فيها شاشة الاب توب وشاشة التليفزيون وكل الاجهزة الكهربائية ..
11- اجيب المكنسة الكهربائية وانظف فيها الطحانه من الداخل.
12- عند الكوي طبعا الملابس الرجالية بمريتو وبعده ماء وشوية لينور والملابس النسائية بماء وشوية لينور احطه في بخاخ وياسلام على الريحة والنعومة ..
13- الكوي انصح فقط بمكواة البخار سهلة وعملية ولاتحرق الملابس ..
14-لمن انشف الملابس واحطها بالشبك احط تحت الشبك البخور الي احبه ... تلزق الريحة ..
15- اخذ مجموعه من القرنفل (المسمار ) والفه بقطعة قماشة واعلقة بالعلاقة الي احط فيها الملابس وادخله بدولاب الملابس كل دولاب فيه 2 ....
وهذه بعض تجاربي يارب تفيدكم ولو بشيء بسيط ,
تسلمين يالغاليه