بسم الله الرحمن الرحيم
والصلاة والسلام على اشرف الانبياء والمرسلين سيدنا محمد وعلى اله وصحبه وسلم اجمعين
اخواتي..احببت ان اضع بين ايديكن تجاربي التنظيميه في بيتي عسى ربي ان ينفع بها احداكن فأكسب منها دعوه صادقه ..ومن باب احب لأخيك ما تحب لنفسك
قد تكون تجاربي يعرفها البعض او مرت عليه لكن اتمنى منكن ذكر الله
ماشاء الله تبارك الله
ونبدأ بسم الله
الملابس
الكل مننا يعاني من فوضى الملابس عند الخروج (تلبسين بلوزه ما تناسب التنوره وتشيلينها وتلبسين غيرها وهكذا دواليك حتى تصلين للمناسب )
وطبعا وقتك ضيق ولازم تجهزين وتجيبين العيال وتلبسينهم و.. و.. الخ
بالنسبه لي البس انا والعيال في غرفتي بس ما اطلع الا وهي نظيفه ومثل الفل ومافيه اي قطعة ملابس او روج او كحل او اي شياء مرمي
كيف !!
انا اقول لك عندي مثل هالصندوق في غرفتي
وعندي صندوق اصغر على التسريحه شريته من سيتي بلازا هو من كرتون بس يتقفل وعملي
اذا لبست ولبسوا العيال لميت كل الملابس الي منثوره هنا وهناك في الصندوق الكبيره او لعبه لطفلي كانت في يده اي شيء على السرير او الارض
والمكياج لميت على عجاله في الصندوق الفاضي واذا رجعت البيت رتبت الملابس وفرزتها على رواقه الوسخ لسلة الغسيل والنظيف ارجعه مكانه
بالنسبه لملابس الغسيل
عندي ثلاث سلال في المخزن سله احط فيها الابيض وسله الملون وسله للبس الي يصبغ !!
عشان لما يجي وقت الغسيل ما يضيع وقتي في الفرز اخذها واحطها في الغساله بس
بالنسبه لملابس الاطفال
لما تبين تاخذين احتياط في الشنطه كنت قبل اطويها عادي واحطها بس غيرت طريقتي وصرت الفها مثل الرول
واحطها في الشنطه فكان فيه فائدتين
الاولى ما تاخذ حيز كبير في الشنطه
الثانيه ما تجلسين تدورين عليها اسفل الشنطه تكون جاهزه على جنب
سرير النوم
عشان يكون سرير مرتفع ومثل الفنادق عندي لحافين متينه بس مليت من اشكالهم واحد منهم حشوته ريش حطيت اللحاف العادي تحت ولحاف الريش فوق وبعدين لبستهم بشرشف الي بالمطاط وبكذا تنامين على سرير مريح وكانك اميره
