هلا شمسوه

فديييتج هالزيت في البداية يسوي صداع بس بعدين خلاص ولا بتحسين فيه حتى بتنسينه

و تستعملينه ثلاث مرات في الأسبوع و تخلينه من 6 إلى 8 ساعات

وجذيه طيلة الشهر أما مع بداية الشهر الثاني يلست أخربط مرة أستعمله مرتين و أحياناً مرة في الأسبوع

بس الحمدلله من مجرد ما يتعود الشعر عليه بيطول شعرج بسرعة حتى لو استخدمتيه مرة بس

فالأحسن تعودين شعرج عليه ثلاث مرات في الأسبوع خلال شهر و بعدين على راحتج يوم بترضيج النتيجة

وأي سؤال أنا حاضرة يا الطيبة :26:

بس يا بنات وخصوصاً اللي جربن الزيت و استفادن منه

حبيباتي لا تنسون تدعون بالخير لأختكن أوديت

لأنها فعلاً ما قصرت يوم عرفتنا على الزيت

وهي قالت لنا ندعي لها إن الله ينول لها اللي في بالها

وبيكون لنا الأجر إن شاء الله.. أختكن ريم:26:

شكرا لك اختي ريم على ردك والله يجزيك خير ويجزي خير اختنا الاميرة اوديت وينولهااللي في بالها

ويشهد الله اني احببتها في الله لسعة صدرها على اجابة الاخوات ولطيبتها ولطافتها في الرد

:26: :26:

بغيت اسال من مدة مالها خبر ؟؟؟؟؟؟؟ عسى المانع خير

وتسلمين وماقصرتي اختي ريم :26: :26: :26:

السلام عليكم خواتي
أنا من بوظبي و لقيت الزيت عند عطار ايراني كان بيعطيني ب 10 دراهم بس كاسرته وعطاني أياه ب7 دراهم ..............المهم يالغاليات أنا لقيت أن الزيت كميته قليلة وبنفس الوقت صعب توزعينه على الجذور يعني لا زم تخرمين السدادة عشان يطلع الزيت قطرات ......الشي الثاني لاحظت أن ريحة الزيت ما بين ريحة زيت اللوز والخروع مادري خواتي هل الزيت اللي عندي مثل اللي عندكم ؟؟؟؟؟؟؟؟
على فكرة أنا أول مرة استخدمته حسيت بصداع وفروة راسي تمت تعورني لين غسلته وخليت الزيت بشعري من عقب المغرب لين ثاني يوم الصبح.
ودعواتي لاخت أوديت بان الله يوفقها ويجزيها خير وينولها اللي في بالها ( منو اللي في بالج خبريني :30: )
فمان الله خواتي ولا تنسون تخبرونا عن تجاربكم

اختي حصلت الزيت بس غير، القرشة نفسها لون بني غامق عليه طابع ابيض ومكتوب بالون
اخضر بس لامع زيت الحية شمع النحل ، والزيت على فكرة مو نفس الزيوت العادية يجي ثقيل ولونه شفاف على ابيض
الكرتونه لون اخضر فاتح والكتابة بالابيض والورقة مكتوب بالعربي والجهة الثانية مو متأكدة لاني رميت
الورقة بس اعتقد بالانجليزي، سعرها 5 ريال كل العطارين بالدوحة ما عندهم الا هذا الزيت
ايش رايج اشتريه ولا اشلون
ارجو الرد السريع