حبيت افيدكم بخلاصة تجاربي
لاني كنت محتاره مع فرني الدلوع اخاف انظفه بقوه واسوي منه خريطه..
بداية انا عندي مثل هذا الفرن من جنرال الكتريك
رحت للوكيل عندنا في الرياض وسألتهم عن افضل طريقه لتنظيفه ودلني على كريمات التنظيف اللي تبعه
واشتريت هذا الكريم بس ماله فائده قويه غير انك لازم تفركين بقوه
واخاف الحماس يسوي خدوش على سطحه
وجربت هذا المنتج الخاص بالفرن السيراميك من سكوتش برايت لكن ما كان فعال
فتركتهم بعد ماجربت صدفه هالمنتج (كلوركس كلين اب) الاكثر من رائع
ريحته ومفعوله فوق الممتاز
انا عادة استعمله في تنظيف أسطح المطبخ الرخاميه
واضيف منه شوي لديتول الارضيات لمسح البيت
والقاه دائما في بنده
وبالصدفه جاء منه شوي على الفرن وشال الاوساخ بسهوله واعتمدته بعدها
وصار الراعي الرسمي لتنظيف الفرن
المهم طريقتي..
اعبي منه في بخاخ واغرق سطح الفرن والمقابض وشاشة التحكم والباب وكل الاجزاء
بعد ازالة مفاتيح التحكم بالحراره
لاني انقعها فيه شوي لحالها مع شوي ماء حار
واتركها نص ساعه
وبعدين بهذي الفرشه بس ما تكون خشنه مره او فيها خيوط معدنيه لا تخدش لك فرنك
جربي تضغطين عليها من تحت قبل وتشوفين خشونتها اذا حسيتي بوخز بلاش منها
احيانا اذا كان السطح وسخ مره او عليه طبقه مثلا فوران الحليب
وتعرفون مع الحراره ما تقدرين تمسحين وبيحترق ويمسك ويسوي طبقه
انقعها بالكلوركس كلين اب نص ساعه
وافرك بالليفه المعدنيه الناعمه هذي بس شوي شوي الين تشيل الطبقه وبعدها بالفرشه
اما الشاشه والمفاتيح ومكانها والباب والجوانب افركها اسفنجه عاديه بعد النقع
واذا تأزمت بالفرشه وبعدها بمنشفه مبلله بمويه دافيه
لكن الليفه المعدنيه انتبهي لا والا بتصيرين كذا:angry2:
بعدها بمنشفه او مناديل مطبخ امسح الفرن واشيل الوسخ والرطوبه الزايده
بعدها ارطب منشفه نظيفه بمويه دافيه واكرر المسح الين يطلع الفرن على سنقة عشره
وارجع المفاتيح مكانها بعد تجفيفها وشوفي فرنك رجع لك مثل الجديد
اخيرا اللي تبغى تستفسر عن شي انا حاضره..