تجاربي مع الاستغفار.....

مساء الخير .............
حبيت اطرح موضوع مهم يمكن انطرح اكثر من مره اللي هوالإستغفاااااار صارت لي مشاكل وهموم في حياتي كنت متخيله انها ماراح تنحل ابد !! وبفضل الله ثم بالاستغفار فرجت وتسهلت ..
انا مثلكم اقرأ كثير عن الإستغفار بس عمري مافكرت اني استغفر اكثر من 30 مره ومايكون بإستمرار مدري يمكن كسل المهم
ماكنت مهتمه لين ذاك اليوم اللي قالت لنا اختي قصة صديقتها وكيف تغيرت حياتها 180 درجه بسبب الاستغفار من ذيك اللحظه قررت استغفر مو بس اذا صارت لي مشكله لا يصيرالاستغفار بشكل يومي..
بقولكم كذا قصة صارت لي والله الشاهد تغيرت حياتي للأفضل بفضل الله ...
كنت مقدمه على الديوان عشان التوظيف وطلع اسمي واستبعدوني بدون سبب واضح مع ان جميع مؤهلاتي مطلوبه وتقديري عالي حطو اوراقي على جنب وكل صديقاتي واقاربي داومو بعد شهر بس وانا لسى مدري وش السبب راح زوجي للديوان قالو اساسآ مالها بيانات عندنا بس مسجل اسمها وتخصصها والباقي مافيه انا انجنيت كيف انا متاكده اني مسجله بياناتي واخذت رقم الطلب بعد ؟؟!!! بديت استغفر بعدين قالو فيه خطأ بتواريخ الشهاده والدورات ومدري ايش المهم استمرت المراجعات يابنات 4 شهور وانا من اداره لإداره ومن مكتب لمكتب وزوجي واخوي ماقصروا آخر شئ يقول الموظف أساسآ ماعندها خطأ بس استبعدت ؟؟!! طيب والسبب
؟؟؟؟ بكيت وتحطمت خلاااااااااص قلت راحت الوظيفه الله يعوضني خير
كنت استغفر يمكن باليوم 1000 مره والله حسيت براحه عجيييييييييييبه وصرت وانا اشتغل استغفر ونسيت الموضوع كله حتى زوجي مستغرب لانه يدري شكثر متعلقه بالوظيفه وخصوصآ حكوميه مين يعيفها المهم
الناس داومت واستلمو رواتب اهلي مررررررره مقهورين من استبعادي
من غير سبب مع اني كنت الخامسه على الدفعه بس وش اسوي ؟؟!! مابيدي شئ وكلت امري لله ومانسيت الاستغفار ابد لدرجة اقول لزوجي
انا حاسه بيرجعوني ***** الله و بعده بااسبوع دقو على زوجي وقالو خل زوجتك تجي تكمل اوراقها لان مقابلتها بكرا ؟؟؟!!! زوجي انهبل جاء البيت وررررررركض عالإداره وخلصت اموري وبسهوله وسألهم
زوجي قالهم ايش سبب الاستبعاد ؟؟ قال الموظف والله ماادري اساسآ مستغربين كيف استبعدوها ومؤهلاتها مطلوبه وماعندها خطأ... مع اني فيه وحده اعرفها استبعدوها نهائي ياحرام بدون سبب !!..
ومره صارت مشكله كبيره بيني وبين زوجي المهم انا عصبيه :angry2:وهو عصبي:angry2: تعالو شوفو حريقه بالبيت !!! المهم احيانآ افقد اعصابي واقول كلام مااقصده واننننندم بعدين وقلت كلام مره عصب زوجي منه وتركني بالبيت وطلع وندمت بعدين ليش اقول هالكلام وليش ماسكتت ومن الصباح وانا مدري وينه إلى الليل ومتوقعه خلاااااص مستحيل يرضى علي راح يأخذ موقف أكيد مني وقعدت استغفر من الصبح لين جاء يابنات كأن مرشوش عليه شئ هاااااااااادي ووهو اللي اعتذر لي خخخخخخخخخ
عاد انا ماصدقت خبر اعتذرت :22:وبكيت:( ورجعت المياه لمجاريها .....
ومره كنا بنص الشهر ومامعنا الا 500 ريال خخخخ وكان عندنا مناسبه لازم اتجهز انا وبنتي وكنت شايله هم لان اللبس غالي وماراح يبقى شي لمصروف البيت !! غير حليب الاطفال زوجي شال هم غير كذا كان عندنا
اخو زوجي وزوحته عندنا زياره كم يوم وانا خلااااااص مدري شسوي
قلت لزوجي استغفر عسى ربي يطرح البركه فيها واي ريال تصرفه قل
((اللهم لك الحمد ولك الشكر كماينغي لجلال وجهك وعظيم سلطانك ))
مرينا الصراف قلت له ابغى 200 بس ورحنا للسوق ويسر الله امري ولقيت لبس مره ناعم طبعآ لي وقلت بنتي عندها ملابس كثيره وصغيره محد منتبهه لها ورجعت البيت الا اخت زوجي عندها عزيمه واعزمتني ورحت كانت ساكنه فوق خالي (من خوال امي شايب كبير ) لما جيت لاخت زوجي قلت بنزل اسلم عليه مع انه مايعرف ايش اسمي بس يعز امي حيل ونزلت له مررررره استانس لما جيته وعطاني 300 ريال لما جيت ابغى اروح ولما رجعت للبيت من بكرا رحت شريت لبنتي خخخخخخ مافيه وقت ولما زوجي مر الصراف يبغى يسحب يجيب اغراض للبيت لقى الحساب 500 ماتغير تخيللوووو يابنات يعني ماكأني سحبنا 200 والله زوجي تنح شوي قدام الصراف واعطاني الايصال اشوفه
وفعلا 500 الحساب الحمد لله يعني كأنا ماسحبنا شي ....
ومواقف كثيييييره صارت لاختي ماتصدقوا كله من الاستغفاااااااار
بس ياليت ما نترك الاستغفار بمجرد ماتتحقق امانينا ..
ادري طولت وانا اقرق عليكم هههههههه بس من حبي لكم ابيكم تلتزمون الاستغفااااااااار ولانهمله ونتكيسل والله تشوفين ابواب الرزق مفتوحه من اوسع ابوابها واللي عندها موقف حدث من الاستغفار تدلي بدلوها خلونا نحمس بعض ونحكي تجاربنا عشان غيرنا يستفيد ..
والله يسعدكم ويهنيكم يالغاليات:26: