بسم الله الرحمن الرحيم..
السلام عليكم عزيزاتي عضوات هذا المنتدى الغالي..
انا من البنات اللي كانوا يعانون من السمنة سابقا.. بمعنى إني كنت كتلة شحمية دائرية مبهمة الملامح يعني محد يعرف وجهي من قفاي الحمد لله على كل حال... ولكن هذا ما اقترفته بنفسي من الإهمال وسوء التغذية والنظام الغلط إللي كنت ماشية عليه... طبعا كل هذا الكلام كان في سن المراهقة.. وتعرفون في هذا السن مايهمنا غير الشوكولاتات والشيبس والآيس كريمات والوجبات السريعة والنوم والكسل... وطبعا كل هذي العوامل تؤدي الى السمنة.. اللي هو الموت البطيء حسب تعبيري...
طبعا في سن 16 سنه بديت افوق لنفسي وحسيت اني مليت من نفسي واهلي طفشوا مني انا الوحيدة اللي يعانون معاها إذا اخذوني معاهم السوق.. لامقاسات تناسبني من الملابس وحتى الجزم وانتم بكرامة ما القى مقاسي..
المهم يابنات... في لحظة من اللحظات المريرة بآخر الليل والعالم نايمين .. ماجاني النوم قعدت افكر بحالي ومأساتي وقمت توضيت وصليت ركعتين لله وبكيت بسجودي ودعيت الله يحقق اللي ببالي...
سبحانك ياالله.. إرادة عجيبة جتني اليوم الثاني.. طلعت السطوح ومشيت اول يوم نص ساعة وانا الهث من التعب وكل يوم ازيدهم 10 دقايق... لدرجة حتى رجولي تجرحت وصار ينزل منها دم.. بس هذا مامنعني واصلت بكل إرادة.. وماسويت اي ريجيم.. مجرد تخفيف.. حتى بالمدرسه ماكنت احرم نفسي من شي اكل ايس كريم وشوكولاتات بس قللت الكمية مو زي دايما..
طبعا كان وزني وقتها 88 وطولي 159 ... والله يابنات إني صرت كل شهر اطالع نفسي بالمراية مو مصدقة احس المشي ينحت جسمي نحت بدون ترهل.. وطبعا ماخلصت سنتين على هذا الحال إلا ووزني 50 كيلو ماشاء الله تبارك الله...
وقعدت على هذا الوزن مازاد تقريبا 5 سنوات.. بعدها تزوجت وخلفت عيالي كلهم بقيصرية وزاد وزني من جديد ووصل ل 105 كيلو :44: وما استسلمت .. رجعت للمشي بس هذي المرة نحفت بوقت اقصر...الحمد لله.. الفضل يعود لله ثم للمشي ثم لمشروب الزنجبيل والشاي الاخضر والقرفه على الريق وبعد كل وجبة... لحد ماوصل وزني 88 في شهرين يعني نقصت تقريبا 16 كيلو بشهرين .. جدا حلوه إنجاز... بعدها وقفت المشروب مليت منه واخذت حبوب زينيكال... علبتين نزلت عليهم 10 كيلو في شهر مع المشي وبدون ريجيم... حتى بقي بالعلبة الثانية شريطين كاملة.. ماكملتهم لأني مليت من الزيت اللي يطلع تلقائيا مع اي حركة لدرجة اني كنت البس معاها اولويز :icon33: .. جدا محرجة بس نفعتني صراحة...
المهم صار وزني يتأرجح بين ال 78 و ال77 .. ومع المشي اشتريت كمان جهاز الستيبر... الكل عارفه .. كانك تصعدين وتنزلين من الدرج... راااااااااااائع جدا صراحة.. اشتريته من محل رياضي ب 130 ريال يابلاش والله... وكنت اتمرن عليه بالبداية خمس دقايق لأنه متعب وبعدين تدرجت بالوقت لين صار نص ساعة باليوم حسيته ينحت الخصر ويشد الارداف ويبرزهم ويشد الافخاذ... انصحكم تجربونه صراحة....
المهم ياطويلات العمر سمعت بعد كذا عن حبوب زين الأتات اللي تقطع الشهية علبتها خشبية.. شريتها بـ 250 ولانزلت مني ولااااااااااكيلو واحد إلا زادت من عصبيتي وجابتلي القلق... ما انصحكم فيها صراحة...
بعد كذا استخدمت حبوب ليبو 6 مع الرياضة جابتلي تنميل وقلق حتى النوووووم فارقني معاها... هي صراحة تنحف حسب ماشفت من تجارب اللي استمروا عليها بس انا وقفتها ماقدرت اتحملها فيها نسبة كافيين عااااااالية جدا تسهر حارة كاملة... ومخاطرها كثيرة... وطبعا وزني مازال هوه ماتغير 78
بعدها استخدمت حبوب لين نوعية قديمة اشتريتها ب 300 ريال نزلت عليه كيلوين بالشهر بدون ريجيم وبدون رياضة... مو بطالة ماتسبب قلق
اخر شي استخدمت حبوب لين المطورة 3 في واحد العلبة تكفي شهرين ونزلت عليها 15 كيلو في 5 اسابيع تقريبا 3 كيلو كل اسبوع مع المشي الخفيف والحمد لله شدت جسمي وحسيتها شالت الشحمتين اللي كانت مزعجتني بالجهة الداخلية من الافخاذ.. بعدين وقفتها.. لأني وصلت للوزن اللي ابغاه..
والحين لي 6 شهور لا رياضة ولاريجيم ولا اي شي.. الحمد لله صرت اتبع نظام غذائي صحي ووزني الحين ثابت الحمد لله والشكر....
نصيحة مني لكم ... انا كنت دايم اتمنى القى فرصة عشان اسبح... السبااااااااااااااااحة يابنات السبااااااااااااحة قسم بالله مفعولها مفعول السحر.. تقسم الجسم وتشده وتشيل السيليوليت وتنحف وتشد الصدر وووووووو تصدقون إنها بعد تزيد من طول القامة واستقامة العمود الفقري!!!!
فعلا اروع رياضة
واعتذر منكم عزيزاتي لأني طولت عليكم
بس لأني احبكم وابغى لكم الفائدة..
تحياتي لكم
غصن الليلك
:)
غصن الليلك @ghsn_allylk
عضوة نشيطة
يلزم عليك تسجيل الدخول أولًا لكتابة تعليق.
ما شاء الله تجربتك جدا مشجعة وتحمممس انا الحمد لله ما باقيلي كثير عن المثالي بس وزني صار ينزل بالقطارة مدري ليش
طيب سؤال حبوب لين هذي بكم خذيتيها ووين نلقاها
طيب سؤال حبوب لين هذي بكم خذيتيها ووين نلقاها
النوار
•
السلام عليكم
ما شاء الله اختي غصن ربي يديم عليكي الصحه والعافيه والهمه العاليه
يا ليت تضعين صورة للحبوب اللي استخدمتيها,,, جزاك الله خير
ما شاء الله اختي غصن ربي يديم عليكي الصحه والعافيه والهمه العاليه
يا ليت تضعين صورة للحبوب اللي استخدمتيها,,, جزاك الله خير
الصفحة الأخيرة
الله يديم عليك الصحه والعافيه