اول موضوع لي بعالم حواء
----------------------------------------
بقول لكم عن تجاربي البسيطة
ببداء بالشعر :
انا كان شعري كثير :redface:بس كاان خشن مره
وسويت فرد قبل 6 سنوات فرد اللوتس ب3000 ريال وعطتني بلسم من عندها
وكل 3 شهور اسوي فرد الجذور ب300 ريال
سويته تقريبا سنه وتركته والحين تساقط بشكل رهيب بس نعم عن اول بس مو مره لازم استشوار
كله خرط بخرط بس حسافه اللي دفعته
الحين بديت استخدم زيت مخلط من العطار احطه كل اسبوع خف التساقط بس مشكلتي القشره
وسويت تحاليل هرمونات وفيتامين د والحديد انتظر النتايج
استخدم شامبو دوف الازرق ومناسبني
واستخدم بانويل حمام زيت
بشرتي
واه من بشرتي من كنت بالمتوسط وانا اعاني من حبوب الشباب
ماخليت شى ماحطيته ماسك الحلبة والعسل الله لايوريكم صار وجهي احمر
ورحت على دكتوره بشره سوت لي تقسير كريستالي ب1000ريال
وعطتني كريمات استخدمتها بس ماشفت نتيجه
جربت المره وقت ماسويها بشرتي روعه بس اتركها ماكأني حاطة شى
ورحت للدكتوره غاده احمد صرفت لي حبوب الرواكتان
وواقي شمس - ومرطب - وغسول -وكريمين مخلطه
1- للوجة ماعدى حول العيون والفم
2- كريم لحول العيون والفم
استخدمتها تقريبا شهرين وتركتها استفدت مره بس ذبحني القولون
وان شاء الله ناويه ارجع لها بعد العيد اذا الله اراد
افضل مرطب للبشره روعه وترطيبه يجنن
كل مايخلص ارجع اجيبه
استخدمت فازلين لتوحيد اللون مااستفدت منه ورجعت للاول
والحين ان شاء الله ناويه على دلكه اخذتها من منتدى مجاور
الله يجزاها خير
جبت المقادير بس للحين ماااستخدمتها
بس استخدمها اكتب لكم وش استفدت منها
مقاديرها :
نحتاج سدر قرب نصف كيلو او كيلو مايخالف مطحون ناعم مره
كيلو صابون مغربي
زبدة الشيا نصف كيلو
انا استبتدلتها بزيت زيتون
زيت اللوز المر انا حطيت علبتين صغار
ملح الحليب كيستين
الطريقة:
نجيب وعاء كبير نحط فيه السدر ونضيف له الصابون المغربي
ونعجنهم زين
ونضيف لهم الزيت زيتون
وزيت اللوز المر
ونضيف ملح الحليب
نخلطهم زين ونحطهم بعلبه ونقفلها
طريقة الاستخدام :
لما تستخدميها افتحي الموية ع الساخن الحار وخلي الحمام يتملى بالبخار لفترة طويلة
ضيفي جزء من الخلطة في صحن + طحينه سايلة + حليب بودرة نيدو + حنا
الحنا العادية المطحونه وعادي لاتخافي ماراح تبقع ع الجسم
خليك نصف ساعه وهي ع جسمك والحمام ساخن
بعدها جيبي ليفه مغربية وادعكي جسمك بكل حماس بشكل دائري
لما تخلصي استخدمي صابونه البابايا ع جسمك وافركيها بالليفه وبسسسس
بعدها شوفي النظافة والبياض وتوحيد اللون مع الاستمرار
طبعا لاتنسون الترطيب مره مهم
استخدامها الشهر الاول كل اسبوع الشهر الثاني مرتين في الاسبوع بعد كذا مرة بالشهر
ان شاء الله تكونون استفدوا من تجاربي
مثل مااستفدت منكم
اي سؤال تحت امركم وياليت على الخاص ..