كلام العيون @klam_alaayon
عضوة شرف في عالم حواء
♨ تجاربي مع بعض أنواع البيس .. بالصور ♨
السلام عليكم ورحمة الله وبركاتة
.
كيفكم بنااات اليوم خطر ببالي
انزل بعض تجاربي المتواضعة في أنواع البيس
خصوصا ً إني ناوية أجرب أنواع جديدة =]
راح ادرج صور البيس اللي عندي
حاليا ً واللي جربتهم لفترة مو قصيرة يعني حكمي عليهم عن تجربة فعلية!
نبدأ بأول بيس من ماك والأغلبية أكيد عارفينه:
MAC Strobe Cream
1-mac
روعه بكل ما تحمله الكلمة من معنى
يعطي نعوومة وطراوة رهيبة للبشرة وهو أحسن بيس ملحوظ تحت الأساس
يعني مو زي باقي أنواع البيس اللي ما تلحظين اي فرق بوجودها مع الأساس والتغطية الكثيفة ..
وأتوقع يناسب اللي بشرتهم
من مختلط إلى جاف .. لأنه بعد فترة يعطي لمعه
واتوقع اللي بشرتها دهنية ماراح يناسبها مجرد توقع ..
.
البيس الثاني:
Make Up For Ever Base
2-forever
أنا أخذت الموف على أساس
إنه يناسب ذوي البشرة الشاحبة أو اللي تميل للإصفرار!
بس اللي لاحظته صحيح انه يغير
اللون شوي بس مادري ما حبيته كثير .. غير إن ملمسه
وشكله ع البشرة شوي قوي .. ولا جربته تحت الأساس للأمانة بس إستخدمته للميك آب الخفيف والناعم
تقيمي له مو ذاك الزود هههه
.
البيس الثالث:
Guerlain Gold Base
3-gierlan
انا خذيته من فترة طويلة لأنهم اللحين
غيروا الشكل الخارجي تبعه .. ورأي فيه :22:
والله هاي تجربتي معاه وجوده زي عدمه
عبارة عن جل بلا لون وريحته قوية مو حلوه وحبيبات الذهب اللي فيه
تختفي بعد التوزيع ولا يصير لها أثر هههه بس على أساس إنه بيس معالج!
ولكني ما حبيته خير شر
وخليته مركووون زي مانتوا شايفين
حاولت أكثر من مرة الاحظ شئ منه بس مااااااش :o
.
البيس الرابع:
Elizabith Arden
4-Elizabith_Arden
والله هالبيس غصب حطته لي
الماكيرا اللي في باريس غاليري يا إنهم يغثون الواحد
ويبغون يحرجونك .. انا ما إنتبهت إلا لما صرت عند الكاشيير!
وطبعا ً لما قلت لها انا ما بغيت
هالبيس أنواع العبط .. وقلت في نفسي خلني أجربه وش خسرانه هههههه
رأي فيه ريحته شوي غريبة!
كأنه كريم مخلوط بموز هههههههه لا تضحكون بس والله
كل ما شميت ريحته احس فيه موز!
ملمسة دهني مرررره يعني
اللي بشرتها دهنية راح تسيح! انا وهي بشرتي تميل للجفاف
صارت تلمع .. ولمعته غريبة تميل للون الفوشي زي اللمعه اللي على العلبة من برا!
بإختصار ما يستاهل ولا تتوهقون به
حاليا ً أستخدمه ع الجسم اخلطة مع أساس الجسم .. ويعطي لمعه حلوه
.
البيس الخامس:
Kryolan Base
5-Kyrolan
هممم هالبيس يعطي إضاءه
للون البشرة انا خذيت اللون الأبيض .. بس ريحته تجيب الهم في القلب ههههههه كأنه بويه!
ولونه قوي .. حلو للإستخدام اليومي
يعني للي تحب تعطي إضاءه لبشرتها بدون اي ميك آب ..
في منه درجة على بيج
أتوقع راح يعطي نتيجة أحلى من هذا ..
.
البيس السادس:
Smash Box Photo Finish
6-Smashbox
هالبيس أروع بيس جربته للآن!
بصراحه تووووحفه ويستاهل كل فلس فيه ههههه
بس يا بنات علشان تستفيدون منه صح
إستخدموه للميك آب الناتشورال يعني بدون أساس
لأنه لوحده يبرز لون بشرتك
الطبيعي وكأنك حاطة بودرة .. ويعطي ملمس مخملي خياااااااالي
والبودرة عليه تتوزع بكل نعوومة ..
في منه شفاف للي تبي تستخدمه
تحت الأساس يعطي الملمس المخملي ويوزع لك الأساس كأنه
حرييير ولا يخلي أساسك يتكتل أو يتجمع .. وهو واقي ممتاز يمنع البشرة ما تتأثر من الميك آب
.
هذي تجاربي للحين مادري إذا نسيت شئ
ولكن إذا تذكرت برجع وأدرجه مع البقية ..
ملاحظة:
اللي تستفيد ياريت تدعي لي ان الله يرزقني
ولادة طبيعية ميسره ويقرّ عيني أنا وزوجي بشوفة ضنانا وهي بأتم صحة وعافية
وإنه يجعلها من عباده الصالحين ويرزق كل من يتمنى وكل من قال آمين ..
80
24K
يلزم عليك تسجيل الدخول أولًا لكتابة تعليق.
تسسسسلمين ع الموضوع ..
جآإلسة احتريك تقولين بيس فور ايفر .. >> دآإيم يمدحوونه ..
الله يعطيك العافية ..
مآإقصرتي ..
جآإلسة احتريك تقولين بيس فور ايفر .. >> دآإيم يمدحوونه ..
الله يعطيك العافية ..
مآإقصرتي ..
الصفحة الأخيرة
اللهم صل على محمد عليه السلام عدد ماتعاقب ليل ونهار الى يوم الدين
آثابك الله تعالى ويرزقك بالذرية الصاحة
عزيزتي طيب البيس الاخير فيه منه الالوان