تجاربي من المنتدى ارجو الدخول من الجميع للاستفادة

السلام عليكم ورحمة الله وبركاته

مرحبا صبايا حبيت افيدكم بتجاربي اللي استخدمتها من عالم حواء الرائع
مع تجارب اخرى مهمة جدا

اول شي نبدا بالبشرة "بشرة الوجه"
" انا بشرتي حسسسسسسسسسسسسسساااااااااااسسسسسسسسسسسة "

اول شيء استخدمته لوجهي هو الخلطة التالية
شرائح خيارة وحدة +عصير نص ليمونة + نص كوب ماء ورد+ربع كوب ماء عادي
استخدمت الخلطة هاي لمدة 3 اسابيع
وما جددتها الا مرة وحدة
النتائج:
تفتيح وصفاء وخفت نسبة البقع الغامقة في وجهي 90% والفضل لله عز وجل وحده

الخلطة الثانية
4 ملاعق ماء ورد + نشا +ماء عادي كمية قليلة
توضع ع النار حتى تصبح كالكريم ثم توضع بوعاء في الثلاجة وتستخدم لمدة 3 ايام ثم يعاد تجديدها
النتائج:
تفتيح اكثر بكثير من الخلطة الاولى وشد للبشرة ..........بصراحة تركتها لانه بخاف بشرتي تتعب منها
يعني كثر الشد بيرخي

الكريم اللي ما بستغني عنه لا انا ولا والدتي ولا اي حدا بالعيلة لانه سر جمال بشرتنا لما بنكبر هو
نـــــــــيــــــــــفـــــــــــــــــيــــــــــــــــــــا.....اللي علبته زرقاء وهو صناعة المانية
صدقوني انه زوجة خالي عمرها 70 سنة ووجهها مثل وحدة عمرها 20 سنة واقسم اني ما ببالغ
ووالدتي عمرها 52 سنة وقل اعوذ برب الفلق بشرتها اجمل من بشرتي مع انه عمري 19 سنة وطبعا احنا بيض
بس بياض جميل مو صارخ

كنت استخدم واقي شمس AVENE وندمانة عليه اشد الندم
وحاليا باذن الله رح استخدم PHOTO DERM لانه كل صاحباتي استخدموه وراح عن وجوههم الكلف ما شاء الله


بالنسبة للجسم
افضل شيء ينضف الجسم وغير لون جسمي من اول مرة هو طينة البحر الميت مع الملح اللي فيها
يا الله شوووووووووووو روووووووووووووووووووعة ما بتتصدق

وبالنسبة للصدر عندي ملاحظتين
1- لتكبيره ....النوم ع البطن انا جربتها شخصيا وبتشده كمان
2-لجعل لونه وردي وانتوا فاهمين علي اكيد .......تدليك الصدر يوميا بالنيفيا وحتى لو ما بتتحمموا كل يوم
ورح تشوفوا كيف رح يطلع الوسخ اللي بجسمكم ويفتح لونها مليون مرة عن قبل
انا قعدت عليها اسبوعين وشفت شي مو طبيعي وانا ولله الحمد صادقة بكل كلمة بحكيها لاني مجربة
واستفدت كتير فحبيت افيد


الابط
استخدمت خلطة من وحدة الله يجزاها الف خير
مسك+شبه مطحونة+دوف كريم الجمال+نشا+ملء غطاء قنينة ماء ورد
وخلطتهم وبحطهم بعد الحمام او اول ما اصحى من النوم يا الله شو روعة وريحتك بتضل غير شكل

المنطقة الحساسة
انا بستخدم الشفرة
وحطيت كريم جونسون او اي نوع بدك اياه المهم مرطب واستخدمته لمدة يومين بصراحة لاحظت تغيير عليها وع الافخاذ من الداخل
بس تركته من الكسل ههههههه
بس بصراحة نفسي الاقيلها حل جذري واللي عندها لا تبخل علينا بس بدون كريمات بلييييييز
وعندي شغلة تانية مهمة ع فكرة ويا ريت تنتبهوا الها انا كان وزني 98 كيلو وهلا 75 بصراحة المنطقة الحساسة اتغير لونها لما انحفت مليون درجة وصارت تختلف عن لون جسمي بدرجتين بس بعد ما كانت سواااااااااااااااااااد

الركب والاكواع
يا بنات انا حكيتلكم اني بيضا بس عندي ركب اسود من الليل يعني فضيحة واكواعي مو سمرة كتير عادية
عملت ترطيب يومي لمدة اسبوع والله انه اتغير كتير كتير كتير والكل لاحظه
والترطيب كان بس كريم جونسون لونه زهري وابيض ااكيد عرفتوه قبل لا اتناموا حطوه
ولما حطيته ع سيقاني مع انه ما كنت شايليتهم بالحلاوة الا انه اعطاهم لمعة والله رهيييييييييييييييبة وجربوها

ملاحظات اخرى :
في ارث عائلي عنا وهو شرب زيت الزيتون ع الريق صدقوني انه كل الناس اللي بعرفهم من اقربائي وبشربوه ع الريق
ما شاء الله بالرغم من كبر سنهم الا انهم قدرتهم عالية ع الحركة واجسامهم رائعة لا ناصحين ولا نحاف قل اعوذ برب الفلق عدا عن البشرة الي ما بتنوصف من نقائها وبياضها وجمالها والبياض مو عادي وركزوا عليها هاي

ملاحظة مهمة جدا جدا جدا جدا وارجو الانتباه
بتمنى من اللي بستفيد من موضوعي انه يدعيلي بظهر الغيب اي دعوة
وانا لا الزم اي احد لارد علي او ان يدعو لي
ثاني شيء مشان الله انا اطلعت من كثير منتديات خليجية لان كثير منهم بكتبوا بمواضيعهم
"ما احلل " بالله عليكم لا تكتبوها
وحدة بتحكي ما احلل اللي بتنقل موضوعي بدون اسمي وحدة تانية بتحكي ما احلل وحدة بتطلع بدون ما اترد
وغيرهم كتير
انا حرة ارد او ما ارد
مشان الله بطلوا هالعادة لانكم بتخلوا الواحد يبطل من المنتديات

واسال الله انكم تستفيدوا من هالموضوع وتفيدوا غيركم وما بطلب من اي حدا شي الا دعوة بظهر الغيب ان ارادت
ان تشفى عينا والدتي ويرد عليها بصرها