تجاربي + يومياتي ( اعجبتني حيل جربي ما راح تخسرين )

بسم الله الرحمن الرحيم ,,
السلام عليكم ورحمة الله وبركاته ,,
اهلين بنات كيفكم ..

اليوم حابه اطرح عليكم بعض يومياتي واللي لقيت منها نتيجه حلوه ,,
طيب ما راح اطول بالمقدمات فخلونا نبدأ ,,

المطلوب / ابي احصل على شفايف ورديه وبشره ناعمه وبيضاء
لان الحمد الله بشرتي مافيها حبوب

- اول شيء جيبي لك علبة اسكينول او شيء مشابه لها ,, وحطي فيها
مقادير متساويه من زيت الجلسرين وموية الورد والليمون
وتحطينها قبل النوم على وجهك ويدينك ورجولك واذا حابه على جسمك فعادي كويسه ,,
والصباح تغسلينها بصابونتك ,, انا استخدم دوف وعاجبتني حلوه وناويه استخدم صابونة الغار بس مابعد شريتها
المهم ماعلينا نرجع
وبالنسبه لوجهي فانا قريت عن وحده كتبت خلطه وهي ( ملعقتين شوفان مطحون + نصف عصير برتقاله ) احطهم على وجهي لييين تنشف مره مره ثم بشويش اقشرها ومولازم يروح كلها مره بس اهم شيء كذا بحركه دائريه على الخدين والجبهه والذقن الباقي بشويش واللي مايروح بكيفه خليه ,, بعدين اغسل وجهي بمويه بس ,, واجيب قالب موية ورد ( اجمدها قبل ولين احتجت آخذ وحده )
واذوبها على وجهي وعلى الخدود والجبهه بعدين اغسل بماء بارد مو بارد مره لا يعني ميوله على البارد
بعدين اجيب حليب سايل واحطه على وجها واخليه لين ينشف ثم ابلل يدي بشوي مويه وبحركه دائريه على وجهي بعدين اغسله بصابونه للوجه وبعدين قالب ثلج ثاني
وبعدين ارطب وجهي باي مرطب انا استخدم اولاي اللي للنهار والليل

تنبيه ( بالنسبه للي قبل النوم فانا استخدمتها قرابة اسبوع ونصف ونتايجها مره روعه ام القناع فاستخدمته مرتين وكلمة روعه قليله ,, والله العظيم اني مره انبسطت لانوه سهل ويجنن مره )

المهم الشفايف وماادراك ما الشفايف ,,
طبعا فيه شيء لازم يكون صديقك بوقوه وبكل مكان ,,
اللي هو الفازلين ,, جيبي لك علبه مره صغيره وخليها لشفايفك اوك ,,
بعدين لا تخلين شفايفك تصير جافه ابدا لما تغلسين حطي منه ولما تجين تنامين حطي منه وضروري قبل الروج تحطين بعد لانوه ما يخلي الروج يشقق الشفايف وبرضوه يثبت الروج ,,
انا احطه واحط فوقه قلوس من بودي شوب او لابيلو يعني اللي يتوفر عندك وهالطريقه من زمان استخدمها تهبل مره ,, ولو كانت شفايفك من النوع الل يمره جاف فحطي عليها عسل وخليها يجف ثم زودي وهكذا لين تحسينها خلاص اكتفت بعديت تخلينه ينشف ثم تغسلينها بماء بارد ثم تمسحين عليها بموية الورد البارده ,,
وحطي الفازلين ويا القلوس اللي عندك وبعد شهر شوفي شفايفك كيف رطبه اما لونها راح يتغير مع الاستمرار وطبعا الغذاء له دور ,,
رموشيء استخدم فازلين قبل النوم ,, حلو يعني يرتبها وما يخليها تنشب ببعض ,, يعني لما اجس احط الماسكر ما اتعب شوي بس يكفي ,,

في خلطات استخدمتها واعجبتني حيل
الاولى ( جيلوسوليد مع عصير 4 او 5 ليمونات على حسب العلبه اللي عندك مع موية ورد مع نشاء اخلطيهم وتحطينهم قبل النوم - مره تجنن )
الثانيه من اختراعي بس روعه ( جيلوسوليد +عصير 3 ليمونات + بيالة موية ورد + 4 من حبوب زيت كبد الحوت +ملعقة زيت جلسرين +اقراص فيتامين سي )
الطريقه
1/ تحطين اقراص الفيتامين في ماء الورد لحد ما تذوب
2/ تخلطين الجيلوسوليد مع الليمون مع ملعقة زيت جلسرين
3/ تحطين موية الورد اللي مذوب فيها الفيتامين على الخلطه وتحركينها زين ,,
4/ تفرغين حبوب زيت كبد الحوت اما بسوكه او ابره وتخلطين الزيت مع الخلطه ,,
اذا كانت سايله حطي عليها نشاء على حسب سيولتها
وتحطين الخلطه بثلاجه ولما تجين تستخدمينها تطلعينها قبل بعشر دقايق ,,
عن نفسي استخدمتها قبل النوم ونتايجه مره حلوه ,, وباقي منها فابصير احطها على جسمي قبل الاستحمام ,,
والله ييسر ,
المهم استخدمت زبدة الشيايا من بودي شوب للجسم روووووووعه روعه
وبرضوه استخدمت قناع ملعقة زبادي مع ملعقة قشطة مع ماء ورد مع ماء نعناع للووجه مره حلو
استخدمت فيتامين سي من بودي شوب حلو مره
في صابونه اخترعتها وصرت استخدمها كل ما جيت اتسبح ,,
اذوب اي صابوة جسم مثل ديتول واحط عليها ملعقة عسل وزيت جلسرين وشوي سكر وعصير ليمونتين او وحده ونص وماء ورد وماء نعناع اذا تعانين من حبوب وبسسس >> كيكه مو خلطه هههه
واستخدمها زي الصابون العادي مره روعه ,,

ومع هذا كله / اكلت حبوب زيت كبد الحوت تهبببل
وطبها في اليوم لازم آكل اي فاكهه ولازم اشرب اي عصير ,, واكثر شرب الماء ,,
ابتعدت عن الشبسات والغازيات والخرابيط ,, حاولت اعدل نومي بحيث لازم انام بالليل
طبعا قللت من القهوه وصرت آآحاول قدر الامكان آكل كل شيء مفيد ,,
وااشرب عصير مكون من ( زبيب اسود وبرتقال ) استمريت قرابة اسبوعين يجنن مره حلللللو ,,
ولاتنسون واقي الشمس شيء مهم ,,

ضروري يابنات نهتم بالصحه اكثر من الخلطات وكذا لان الشكل الخارجي يعكس الشكل الداخلي ,,
وبما اننا عجازات فلازم تحطين ببالك لما تبتلين عجازه مارح تلاقني النتيجه الحلوه فلازم تبذلين جهد شوي
وبعدين الغذاء ماراح يأخد مننا شيء سهل مره ,,
والله يوفقكم ويسعدمن استفدت منكم كثير ,, وخبروني عن النتايج اذا استخدمتو شيء ,,
ودعواتكم ان ربي يحقق امنياتي