انا عضوة جديدة بس كنت متابعة لكم من فتره وكنت اشاركم بمشاعركم..
 والتجارب مع الدكتور بندر مبشرة بالخير الله يجزاه خير يدعم مرضاه نفسيا قبل تدخله العلاجي الله يسعده كثر ما فرح ناس... 
انا سويت 3عمليات اطفال انابيب وللاسف كلها فشلت ..
ارتحت فتره والان انا مقبله على العملية 
الاسبوع الجاي موعدي مع الدكتور بالتحفيز و متخوفه لاني اول مره اجرب التحفيز وياليت اي وحده عندها تجربة بتحفيز بطانه الرحم ما تبخل علينا بالمعلومات 
و الله يكرمنا بنجاح  كل وحده مقبلة ع العملية ويرزقنا بالحمل السليم المعافى🌹 
 

اوركسد التحفيز ينعمل 9او10او11 من بعد الدوره والمه جدا محتمل في اقل من دقيقتين يخلص وطبعا بيكون عليك عبايتك وحجابك وبعدها بيندل عليك دم هذا الدم مايمنع الصلاة ولا الصوم وبعدها بعشر ايام التحفيز الثاني ونفس الشي دقيقه ويخلص الدكتور الله يكتب اجرنا وبس

سروره قلت لك حاله غريبه ونادره بس فعلاً الحمل الطبيعي حتى بالكيس يكون اقوى سبحان الله وانا من رأيي تتركيه ينزل طبيعي بس ما تعملي مثلي انتظري لين تكملي شهرين بس وانا صراحه كل مازادت المده اتعلقت اكثر وزاد الامل

عذوبه ان شاء الله الله يعوضنا ويرزقك بالحمل التام ا أنا بعملياتي الي قبل كانت الدوره تنزل سابع او ثامن يوم من الترجيع بس كانت المثبتات خفيفه بِس عِنْدَ بندر عملت عمليتين ما تنزل الا بعد أسبوع من ترك المثبتات لانه يصرف ضعف المثبتات فتتأخر الدوره

الله يكتب لك الاجر ويعوضك العوض الصالح
سبحان الله قصتك ذكرتني باللي حصل معاي
بعد زواجي بشهرين صار حمل طبيعي وكل مارحت اشوف النبض يقولوا مافيه انتظري اسبوعين ثلاثة ، وكنت وقتها عروس ومومهتمه اصلا ولا اعرف حاجة عن الحمل والنبض والاسياء هذي ،، لحد مانزل علي دم ورحت وعملوا تحليل رقمي لقيوا الرقم واصل لمئات الآلف سبحان الله ووقتها شكوا انه حمل عنقودي ، وعملوا الاشعة وقالوا فعلا حمل عنقودي ولازم تنظيف
وجلست بعدها خمس سنوات ماحملت
طبعا انصحكم يابنات اللي تحمل بكيس او حمل عنقودي انه تلزم على زوجها يفحص وياخذ علاجلات لان غالبا الحيوان المنوي هو السبب في مثل هالحالاات

يسعد مسائكم
انا اتابعكم بصمت تقريبا من شهرين من اول مابديت اراجع عند الدكتور بندر عبدالكريم وسمعت عن التحفيز وبحثت عنه بالنت ووطحت ع تجمعكم اللي حمسني وخلاني اثق اكثر باختياري للدكتور بندر مع اني من قبل كانت لي تجربتين فاشلتين بمستشفى الحبيب وماكان لي نيه ارجع له بس شهرة الدكتور وسمعته شجعتني انابالبدايه احكيلكم عن قصتي من طأطأ للسلام عليكو 😜انالي 3 سنوات متزوجه ومن اول 6 شهور وانا اتردد من دكتوره لدكتوره للحمل لين مرت علي سنه وهنارحت للحبيب وكانت دكتورتي الجوهره المطوع وسويتا تحاليل اناوزوجي كل شي سليم وطبيعي الحمدلله طلبت منها اسوي الصبغيه سويتها والحمدلله سليمه وسويت عندها تنشيط كورس بدون ابره تفجيريه لانها انفجرت لحالها وماصار حمل بعدها قرر زوجي نسوي انابيب وسويناها عندها وكانت سريعه جدا واقبلت عالعمليه بمعلومات قليله وحرص قليل مالتزمت بالراحه صح ومااخذت التحاميل بعد السبب لانها الله يجزاها خير ماناقشت معي خطة علاجها كانت مستعجله كثير الموهم انها فشلت بعدها طلبت منها ارتاح فترة 3 شهور وكنت اسمع بمحمد البقنه ورحتله وسوالي اشعه طبعاانانسيت اقولكم ان عندي ليف صغير بجدار الرحم حجم سم ولحميه صغيره وقلتله هالكلام قالمالها ضرر ان شالله ولالها تاثير الموهم بديت كورس القصير بالتنشيط وسويتها شهر شعبان وكانت اجازه طبعا ارتحت من الدوام بس بامانه ماارتحت مره وكنت اصلي واركع واسجد واطلع بعض المشاوير البسيطه بس للاسف كمان فشلت والحمدلله بعدها قلت بنفسي انا طبيعيه مايمنعني اي شي وزوجي بعد خلاص ماعاد ابي انابيب وراجعت بمستوصف حكومي كم شهر لمتابعة التبويض وقالتلي الدكتور لازم تشيلي اللحميه عشان هي تسوي اظطراب بالرحم وممكن تفشل الحمل وحولتني لمستشفى مدين فهد الطبيه وكم موعد اند الدكتور وحدد لي موعد لعملية منظار يشيل اللحميه والليف واراد الله بتمام السنتين من زواجي احمل وكانت العطله نصف العام وسافرنا لمكه والمدينه وتعب السفر وبعدها الدوام وانابعد ماقصرت اسواق وكمان الاحم احم .....😤😁توقف نبض الجنين بالاسبوع الثامن وسويت تنظيفات طبعا واللحميه تخلصت منها بالتنظيفات بمستشفي الملك فهد وجلست بعدها سنه كامله احاول ااحمل بلاجدوى اخذت كيلوميد مرتين وماصار حمل 😓قررت ع بدايه السنه اروح للدكتور بندر ورحتله وشاف اشعتي وطبعا سالني الاسئله المعتاده وشرحلي خطة علاجه وقالي ابدا معك بالتحفيز وسويته وجيته ثاني يوم الدوره وبديت بالكورس القصير تقريبا 10 ايام 3 انواع ابر وكان السحب بيوم 2/19 الخميس وصار الارجاع يوم الثلاثاء 2/24 خامس يوم واخذت بعد السحب التجوير المناعي والمثبتات من بعد السحب تحاميل ومضاد وبعد الترجيع دوفاستون والتحاميل والاسبرين والفوليك فقط طبعا هالمره جبت لي شغاله بالشهر وارتحت صلاه عالكرس اكثر الوقت جالسه منسدحه والترويش ماتروشت الاامس سادس يوم بس اناعندي اختبارات مسائيه بس 4 مواد وقررت اختبر مع ان زوجي رافض بس صممت لان مافي مسافة مشي من امس واليوم وباقي يومين انا موحاسه بشي لين اليوم اشوف بدايه شبه افرازات ملونه بسيطه وشعيرات دم مثل اللي نزلت معي بعد التحفيز كانها قطع لحم صغيره جدا من بطانه الرحم طبعا اشوفها بالكبانيه اعزكم الله بعد التبول تكرمون طبعا اليوم 24 من دورتي واناعادة قبل الدوره تنزل معي كدره وافرازات بنيه ومائله للاحمرار شوي قبل الدوره باربع ايام تقريبا 😞😞
وانادورتي 28 يوم مدري كنت متفائله واطنش ومتماسكه ومابي اخمن اي شي لين يوم التحليل واصلااناصممت اختبر عشان انشغل بالتفكير عن العمليه ونتيجتها بس اللي نزل معي اليوم ماادري كيف هل اعتبره علامه على فشل العمليه ولااطنش اناارسلت للدكتور وقلتله باللي صار معي وقالي استمري عالمثبتات ويوم الجمعه ان شالله تحليلي بس ارجوكم ياللي نجحت عملياتكم مشاءالله وربي يتمم عليكم وتفرحون باولادكم باحضانكم يارب قولولي هل واجهتهم مثل هالمشاكل؟؟ واناكمان احس باعراض الدوره يعني نفخه وشويه مغوص والم ظهر شوي مدري ودي ترجع نفسيتي 24 ساعه ورا ولاافكر بشي ياليت تفيدوني فديتكم
وادري طولت كثيرررر بالرساله بس اعذروني اول مره <<<< مافي خبره وسلامتكم