تجارب الأخوات اللي عايشين مع أهل الزوج بنفس العمارة

السلام عليكم عزيزاتي بنات حواء
حبيباتي انا سكنت لفترة قصيرة( شهور معددودة) مع اهل زوجي بعدين رحت سكنت مع زوجي بمدينة ثانية واللحين انتهت مدة عمله وراح نرجع نعيش بنفس المدينة بنفس العمارة ومانقدر بالمرة نروح شقة خارجية ابد أبد . بصراحة ماني متخيلة كيف راح تكون حياتي هناك.من ناحي الدخلة والخرجة وانا انسانه احب اروح واجي كثير وهذا للأسف مايروق لأم زوجي دايما أسمعها تنتقد الواحدة ماتقعد مدري وشوه ..ودايما تقول لعبت بعقل ولدي تسحب فيه من مكان لمكان . ونظام أهل زوجي زي ماعرفت من سلفاتي انه الطلعات جماعية ولازم ام زوجي تعرف بالداخل والخارج من وين والى اين انا خلال الفترات البسيطة اللي جلستها معاهم كنت اتفادى المشاكل واحاول ارضيهم ولا ا تواجه معاهم فتكفون حبيباتي شوروا علي كيف منظمين حياتكم وكيف تتجنبون المشاكل مع اهل زوج مايبين فيهم المعروف
وهذا من تجربتي الشخصية رضاهم مؤقت وبعدين يزعلون والمصيبة ام زوجي اذا عصبت تفقد اعصابها وتتهور وكيف انها مرة ضربت وحدة من سلفاتي وتهجمت عليها ببيتها.
براسي اسئلة كثيرة
كيف تربين اولادك بطريقتك الخاصة والعمارة كلها اولاد عم وبعضهم اخلاقياته مش ولابد ويتلفظون بالفاظ وسخة عادي عندهم
كيف اذا جاك ضيوف مثل ( صديقاتك) هل تنادين اهل زوجك ولا لا
وبصراحة انا زوجي يهملني كثيييييييير اذا رحنا هناك لان اهله كل يوم مكلفينه بالقليل مشوارين باليوم لذا اضطر أجل طلعاتي عشان طلعاتهم مع ان عندهم غيره بس انا انسانة مسالمة بس ما ارضى اني اعيش في ضغط نفسي مستمر تكفون نصايحكم يالغاليات