الله يهون عليكم جميعا

للرفع

مساء الخير كروشات..

ماشاء الله موضوع جدا مفيد للبكريات زي حالتي :)
والله مرة استفدت منكم جزاكم الله خير و الله ينجينا كلنا بالسلامة يااارب و يفرحنا بشوفة ذرياتنا :27:

مساء الفل حبيباتي:27:
انوتا مو شرط تكملي التاسع بس في الغالب البكرية تكمل التاسع
السؤال الثاني الله يفرج عنك اختي لازم تستشيري طبيبة وهي بتعطيكي اللازم
وسؤالك عن اختك إذا بالاستطاعة انها تروح معاك بدون كلفة عليها او احراج الافضل طبعا انها تكون معك وماتكونين لوحدك احس انه الافضل عند الولادة يكون عندك احد تمونين عليه ويشاركك هذي اللحظة المهمة في حياتك وما اقول انها اصعب لحظات حياتك بل اجعليها اختي الحبيبة اسعد اللحظات والساعات والدقائق وعلى قد ما تاخذين من وقت على قد ما يكون الاجر بإذن الله:39:
اما عن تجربتي في ولادتي الاولى كنت ما اعرف اي شيئ عن الولادة :04:وكان مصدر علمي هو الوالدة الله يرحمها واختي الكبيرة وكانت اختي والدة قبلي بشهور فقط ولدت بكرها طبعا هلكتهم من الاسئلة عن الولادة وايش اللي شعرت به من اول لحظة الين جيناها بالمستشفى طبعا ما شرحتلي بالتفصيل عشان عارفتني خوافة :wink2:
قالتلي زي الم الدورة بس زيادة شوي ولاتحسين بشيئ :mad:وبعد دقايق شفت البيبي طبعا صدقتها ورحت وانا على بالي هذا اللي بيصير كانت معي الوالدة رحمة الله عليها واسكنها فسيح جناته ما خلتني اروح المستشفى الا وانا واصلة على الاخير وهذا اهم شيء زي ماقالولك البنات عشان الانتظار والالم يمتص الطاقة من جسمك وتشعرين بالاعياء والارهاق بسرعة :icon32:
في ولادتي الاولى ماشربت اي شيء وشعرت بغثيان واضطراب بمعدتي لاني حسيت بالم الولادة بعد الفجر مباشرة وبعد ساعة نزلت علي مويه موكتير وبعد ساعة زاد الالم قلت لامي لازم اروح اكشف كانت الساعة وقتها سبع تقريبا :time:قالتلي امي لا تعالي نتمشى شوي ومشينا ساعة كاملة بعدها قلت خلاص ما اقدر اتحمل واحس رجولي متصلبة عطتني امي تمرة واكلتها وعليها الين ولدت ما اكلت شيء تاني رحت المستشفى على الساعة تسعة قالولي بعد الكشف علي ان الرحم مفتوح 6 وبعد ساعة صار 9 وولدت اذان الظهر او قبل الاذان اذكر الاذان بعد ما خلصت سمعته
والشيء التاني اللي مهم هو عند الخياطة خليكي عاقلة واصبري عشان ما تتعبي بعدين لان هدوئك مهم عشان الدكتورة تعمل اللازم
واخيرا الله يسهل للجميع ويرزقنا الاولاد الصالحين البارين ولايحرمنا الاجر يارب

أما أنا علطول طلق حامي كل 30 ثانية
وأنا الخبلة على نياتي على بالي داخلني برد وأن هذا مغص البراد وما جا في بالي أنها طلق لأني بدري على الولادة..
رحت المستشفى وعلى طوووووول مع أول كشف 10سانتي الله يعوضني...