ومشكلة ثانية شاغلتني بالتفكير وهي الرغبة في الاستقلالية

الحمدلله رب العالمين أهلي حاطيني على راسهم وما يحاولون يجرحوني بشي ...... بس أنا أحب يكون لي بيت مستقل والله حابة .... فكرت آخذ لي شقة بس ما قدرت خاااااااااااصة إن في محيطنا وبيئتنا يشوفون صعبة تاخذ المطلقة شقة لوحدها وطبعا ما أقدر أخلي أهلي مادة حديث في حلوج الناس .. وسبب ثاني إن أمي وابوي مرضى محتاجيني كيف أتخلى عنهم ؟؟؟؟

أنا يا بنات أحب الاستقلالية ولما كنت متزوجة تعالي شوفي بيتي كل مرة تلقين شي متغير فيه ومتجدد .. بس الحين أحس اني مقيدة ....... طبعا هذا شعور أعتقد تشاطرني فيه الكثييييييييير من المطلقات
بس ما أقول غير صبر جميييييييييييييل والله يفرجها

طبعا في شي ثاااااااااااااااني سبب لي عوار في رقبتي اللي تلاقيلي فيه حل أكوووووووووون شاكرة لها
يا بنات كل ما أمر على البناية اللي كنت ساكنة فيه من هذا الشارع اللي قرب بيتنا وهو الشارع الوحيد يعني لازم أمر منه تلقيني بشكل لا إرادي عيني على الشقة اللي كنت ساكنة فيها .....حاولت ما أطالعها يومين وكنت أحدث نفسي كوني قوية ارمي الماضي وراء ظهرك ...... يومين خواتي ورجعت ريما لعادتها الجديمة لو معاي أي أحد في السيارة تلاقيني أتلفت على الشقة .... ربي نجاني من السيارات اللي وراي .....
شعور لا إرادي

قلت ما في غييييييييييييييييييييييييييير

أربط سلسلتي اللي في الرقبة بحبل علشان ما أتلفت ( أتغشمر ترى مستحيل أسويها ) عارفة الموضوع يحتاج فترة وقوة إرادة ....... بس أنا عارفة إني مستحيل أنسى

أحاول أنسى .. أنسى شو والا شو
أتناسى زوج عطيته كل شي .... فضلته على نفسي ..... زوج اكتشقت إنه كان متزوج ثنتين علي وأنا ما أدري ........ زوج الحين في عصمته أربع حريم ، زوج قذفني في عرضي بس علشان يبرر للناس طلاقه لي .... زوج كان من شروطه إني ما أطب صالون تجميل اعتقادا منه بأنه غير آمن مع احترامي للجميع طبعا هذي وجهة نظره ...... زوج كنت أحترم أوامره وأحسن التبعل له .... زوج لما تزوج علي بااااااااااااااااااااااع سيارته واشترى لزوجته صاااااااااااااااااااالون تجميل تديره ......... وهذي الطامة .......... زوج ... طلقني في ثاني أيام العيد ...... وفي النفاس ...... وبمسج جوال
زوج كسرني بطلاقه لي بدون سبب ....... زوج خلاني أكره حياتي .... حتى الكحل بعد طلاقي ما ذاقته عيني إلا من فترة قريبة ........ زوج جابلي ورقة طلاقي وفيها شهووووووووود من الجنسية الآسيوية ... وربي أعلم يمكن يكون هذا الآسيوي اللي شهد على طلاقي أحسن من طليقي بألف مرة
زوج الحين بس ومن شهر باعثلي مسج يقولي فيه ما بنسى إنج أم ولدي وما راح أأذيج .... كل هذا وما أذيت .. الله ياخذ الحق بس
ما راح أدعي عليه بس راااااااااااااح أقول حسبي الله ونعم الوكيل .......

خواتي سبحان الله رغم إني كنت زعلانة من طلاقي بس صدقوني الحين أقول يمكن يكون نعمة .... ربي ما رضالي أكون مخدوعة وعلى نياتي طول فترة زواجي

علشان جذيه أحاول أجمع شتات نفسي أحااااااااااااااول أرممها .......أحاول أسعد فيها ......... أتألم كثير كل ما شفت وحدة مطلقة تعاني ....... لأن الطلاق شي مب هوين
عرفتوا خواتي ليشششششششششش أقولكم افرحوا ولا تزعلون على أزواج كثير منهم ولا حااااااااااسين فينا مثل حال طليقي اللي كمل العقد وجمع أربع نسوااااااان ......
أختي المطلقة إياني وإياج تنغلقين على نفسج ..... الحزن لا بد منه ..... والذكريات لا بد منها ..
بس حبي وأسعدي نفسج ارضي ربج ......... ربنا الأكرم الأعظم تعالى شأنه خلونا نتفرغ له شوي بعد ما خلينا حب أزواجنا شغلنا الشاغل وما بقول الكل بس الأغلب منا وأنا أولكم
شكلي طلعت اللي في قلبي وغثيتكم ........ بس رغم هذا أقول الحمدلله .. ونفسيتي والشكر لله مرتفعة وما أطمح إلإ إلى رضاك يا ربي

(((((((((((((((((((((( الحياة حلوة ))))))))))))))))))))))

×××××××××

بلسم

وسعي صدرك حكاية التقريص هذي شكلها موضة...
أنت لسه جديدة بالصنعة...فترة جديدة وبيروح الغيظ إن شاء الله...اهم شي موضوعك ينحسم...
أنا عكسك...حتي لو الطلاق مؤلم بالنسبة لي...ما أخفيته.....حتي بشغلي الجديد ما حبيت أعطي انطباع كاذب عن حياتي...علي الأقل للناس اللي احتكاكي فيهم يومي...




البندري

تكفين لا تطرين الاستقلالية...

مسألة البيت هذي هي أزمة حياتي...

واللي عمره ما كان له بيت؟؟؟ وش يقول ولا وش يسوي...علي الأقل عندك شي تحنين له...

بأقولك شي يضحك...

أنا ماني حاقدة علي أبو عيالي قد ماني حاقدة علي ذاك البيت>>>>ما أدري وش ذنبه الضعيف...
عمري ما حسيته بيتي...عمري ما عشت فيه الأمان والاستقرار...
كان زي الحبس الانفرادي بالنسبة لي...

طيب
ليش ما تغيرين طريقك...
أو الأحسن مري كل يوم وطالعيها مع الوقت بيبرد احساسك...

الله يعين

الله يرزقكن ازواجا صالحين .ويشرح صدوركن .ويجعل ماتعنين منه في ميزان حسناتكن
انه جواد كريم

والله انا بسطت المشكلة على الاخر بقنع نفسي انها سهللللللللللللللة بصراحة وهي معقدة لأبعد الحدود اولا الطلقة الاولى طلقني في النفاس واهلي ماهم موجدين في البلد رماني برة البيت واتبهدلت بهدلة طبعا بعد ماخلى وجهي وجسمي شوارع وللمعلومية قتها كان ولدي في اشد حالات مرضة كان لازم يلبس خوذة على راسه ماكنت اقدر اخليه يمشي على الارض عشان لايطيح ومع ذلك طاح على انفه وانكسر والاستاذ ابوه يقول ان الانف ماينكسر ومايلزم مستشفى والله يابنات بدون مبالغة من كثر انفه ماهو متورم عيونه ماكانت باينة حلف علي مااوديه المستشفى وماكان عندي حل الا ا\دق على اختي توديه والدكتور قال انه كسر خطير طبعا سويت له العملية ووقعت الطلقة الاولى وجلست ببيت اخووي اسبوع امه كانت تدق وتقولي كلام يبكي انت ماتنظفي انتي ماتطبخي انت انت (والمشكلة الاساسية ماحد ناقشها ) هذا كله قال عشان قالي رتبي دواليب الملابس قلتله بعدين بالله عليكم ادمية نفاس لا ومعاها حمى النفاس كمان ووولدها الله يعلم بحاله وويوم عيد الفطر هذا وقت ترتيب دوواليب المهم انها هددتني انه بيتزوج وانه راح خطب طبعا اتكهربت ورحت على البيت اجري اترجيت وسلمت على راسه لين مارضي بس من يومها ماعاد رجعت علاقتنا طبيعية شي في نفسي انكسر يمكن صار هو ينام بغرفة وانا بغرفة وماعاد يدري وين انا رغم اننا كنا قبل هالمشكلة اللي من وين طلعت علاقتنا زي العسل (اكتشفت بعدين انه ايام النفاس اتعرف على وحدة .....تخيلا قال كنت مشغولة عنه وماني فاضية ) هذي الطلقة الاولى طولت عليكم اكمل في الحلقة المقبلة