أنا تطلقت مرتين مرة بسبب خيانه ومرة بسبب مشادة كلامية صارت بيننا وفي كل مرة نرجع بسبب الأولاد مغصوبين يعني ولا واحد فينا مرتاح للثاني ولا بيننا نقطة تفاهم أنا شرق وهو غرب ولا يجمعنا إلا العيال
زوجي عنده الحياة الزوجية انه يوفر لزوجته المسكن والأكل وهذا دوره وماله أي دور ثاني وفي نظره هذي المثالية يعني يوعى من نومه يداوم ويرد يتغدى ولا نام ولا طلع ومن يطلع مستحيل يرد قبل ما يحين موعد النوم يعني البيت عنده للنوم بس (فندق بلا حياة) وأنا بروحي طول الوقت ويا عيالي الملانيين :( يلاحقوني من ضجرهم وزوجي من النوع اللي رافض تماماً فكرة خروج المرأة من بيتها لأي سبب إلا المستشفى ومانعني من صديقاتي بعد يعني حبس انفرادي
وبغض النظر عن عيوبه الصغيرة من قلة احترام وتقدير وسخرية واستهزاء وعيوبه الكبيرة من خيانه وتسريب أخبار بيتنا وخلافاتنا لجميع الناس ماعدا الناس اللي أرضى انهم يبتون في مصير حياتنا من دكاترة علوم الأسرة وشيوخ الدين....
توج عيوبه هذي أخيراًَ بطردي من بيتي وتهديدي بأنه بياخذ عيالي وبيطلقني بس لأني قلتله أبا أغير شغالتي لأنها ما تصلح وغبية ومتعبتني وياها
أنا خذت عيالي ويلست في بيت أهلي وهو بيموت من القهر يبا العيال عنده
أنا تطلقت مرتين مرة بسبب خيانه ومرة بسبب مشادة كلامية صارت بيننا وفي كل مرة نرجع بسبب الأولاد...
الله يوفقج دنيا و آخره يارب .. ويعوضج خير ويرزقج بولد الحلال اللي يعوضج ويريحج .. :)...